Heufdmenu losdoon
Daslouk
Daslouk
Daslouk

Daslouk (latyn: Allium ursinum), ouk wel: wilde knovlouk[1], boslouk of bearlouk, is een plant uut de loukfamily (Alliaceae) en een wilde soortgenoot van under andere de byslouk dee as inheymske soort vöärkümt in Europa en Asie. De name bearlouk en de latynske name Allium ursinum hebben dermead van doon dat de brune bear de bollen noch wel es wil upgraven üm syn eigen der te good an te doon; se binnen ouk geleevd by wilde varkens. In Europa, wår daslouk regelmåtig in et wild ougsted wördt, kan der noch wel es verwarring untstån mid giftige planten so as et lelytjen-van-dalen of in minddere måte et nakend wyvjen, dit kan noch wel es leiden tot gevallen van vergifting.

BeskryvingBewarken

Daslouk is een bolgewas, et is een vaste kruudachtige en eynsådlobbige plante, en plant syn eigen vöäral voord döär et verspreiden van såden.

De ovale blåden binnen 3–5 cm breyd, dunkergröön en parallelnarvig. De blomen hebben ses witte bloomdekblåden en binnen egruppeerd in losse bolvormige skarmen. De plante blööyt van april tot juni, somtyds tot juli. Nå juli verdwynt et boavengrundse deyl van de plante heylemåle en blivt allinnig de undergrundse bloombolle oaver. De plante wördt 30–40 cm houge. De plante grööyt vake in gruppen. De bloom hevt ses mealdråden en een dreedeylige stamper. Dår ümhinne sitten ses breyde ovale bloomdekblåden. De såden binnen swartbruun.

VerspreidingBewarken

De plante kümt in heyl Europa vöär (behalve in et Middellandske Seygebeed), Klein-Asie, de Kaukasus, en in Siberie tot Kamtsjatka. De plante grööyt et leevst in skåduwryke loofbossen mid een humusryke, vochtige, kalkholdende undergrund.

In Nederland is de plante vanof 1 januåri 2017 neet meyr wettelik bescharmd.

EatbårheidBewarken

De blåden van de daslouk binnen eatbår; se künnen gebruked wörden in de slåd, as kruud, ekoaked wörden as gröönte, in de sup, of as een ingredient vöär een sauce dat as vervanging kan denen van pesto in plåtse van basilikum. De bollen en blomen binnen ouk eatbår.

De blåden van de daslouk künnen noch wel es verward wörden mid et lelytjen-van-dalen, somtyds ouk mid de gröne neeswurtel, nakend wyvjen en evlekkede aronskelke. Alle veer binnen se giftig. De blåden tüsken de vingers fynknypen en ruken of der een knovloukachtige göär an sit kan helpen üm verwarring te vöärkummen.

ReferentysBewarken

  1. De name wilde knovlouk kan wat verwarrend weasen ümdat 'wilde knovlouk' ouk kan verwysen når de kaapske knovlouk(Tulbaghia violacea)

Uutgånde verwysingenBewarken

  Commons: Daslouk - plaetjes, filmkes en/of geluudsbestaanden.
  Dit artikel is eskreaven in et westveluwske dialekt van Nunspeet, in de Nysassiske Skryvwyse.