De Four Tak was nen smartlapnband oet Oold-Gastel in Noord-Broabaant, opricht deur Henk en Cees Tak. Later kömn hier nog Kees en Fons Tak (gin familie) bie. Henk dee zingn, Cees dee drumn, Kees en Fons deedn gitaar spöln. In 1972 skeaidn n band dr met oet. Henk gung met zinne vrouwe Corrie verdan as Duo Corrie & Henk. In 1983 köm de groep wier bie mekoar vuur hereanigingskonsertn.

n Band har n kontrakt bie plaatnmoatskoppieje Telstar, van Johnny Hoes. Ze verkochen mear as n miljoen plaatn. Ook vandeage n dag zeent öare verskes onmeundig geleefd en bekeand bie (leefhebbers van) zeandpiraatn, en hebt n soort kultstoatus ekreegn. Nommers as Ik heb een hart zo groot als een klerenkast, Waarom moet ik nu lijden en Zorgen om Maria wordt duur zeandpiraatn nog hoaste elken dag dreeid. Op etherpiraten.com, ne webstea vuur zeandpiraatn duur heel Neerlaand, stoat de Four Tak met ofstaand op nommer 1 in de Top 100 Aller Tiedn, met t leedke Het geluk dat ik miste.[1]

De Four Tak hef n herkenboar geluud, met nen slaggitaar wat noapikket, n hammondörgelken wat mangs lange en mangs stotterige akkoordn en n mellodiejken spölt. Meestal spöln ze n soort ska, rumba of wals.

n 24sten januwoari 2010 köm groondlegger en zanger Henk Tak met 71 joar oet de tied duur prostaatkaanker.


Wat plaatn bewark

Plaatn in de Neerlaandse top 40 Oetkomdoatum Doatum binnkomst Heugste notering Antal wekn Opmaarkings
Zorgen om Maria - - - -
Droog je tranen, Jacqueline - - - -
Bye bye, tot morgen - - - -
Het geluk dat ik miste - - - -
Ik wil jou niet meer - - - -
Waarom moet ik nu lijden - - - -
Afscheid - - - -
Ik heb een hart, zo groot als een klerenkast - - - -
Sonja - - - -
21 Rode rozen - - - -
Kus me nog eenmaal - - - -
M'n leven lang - - - -
Oh, Angelina - - - -
Oh, Rosalina - - - -
Rosemarie - - - -
Vergeet me niet - - - -
Waarom zou je huilen - - - -

Verwiezings bewark

  1. Etherpiraten.com - Top 100 aller tijden. 2010.