Glanerbrug
Glanerbrug (of de Glanerbrug) is n doarp in de gemeente van Eanske. t Ligt pal an de Duutse greans, den at op natuurlike wieze vörmd wörd duur de Glanerbekke. t Doarp hef zien naam te daankn an de brugge oawer disse bekke, en hef ongevear 16.740 inwonners.
Glanerbrug hef n stasjon an de liene Eanske-Gronau met direkte verbeendige noar Eanske, Münster en Dortmund. t Hef n oawerdekt zwembad en ne tennisbane. De Roomske koarke O.L. Vrouwe van de Allerheligste Rozenkraans keump oet 1902-1903 en is ontwörpn duur Alfred Tepe.
Op 7 april 1990 köm dr nen meteoriet duur t dak van n wonhoes hen, den at de naam Glanerbrug-meteoriet hef met ekreegn.
In ene van zinne stukskes hef Herman Finkers t ook oawer Glanerbrug. Hee zegt dan as niejsleazer verskeaidene moaln det Glanerbrug ook kabeltillevisie hef ekreegn, mear det t nog ondudelik is wonnear at ze riolering kriegnt.
Bekeande leu oet Glanerbrug
bewark- Floris van Assendelft (1985), schaker
- Hennie Hollink (1931), oold-voetballer en -voetbalcoach (Nederlands en Frans coach betaald voetbal)
- Bert Schierbeek (1918-1996), (toneel)schriever, essayist, dichter en verzetsstrieder
Oetgoande verbeendige
bewark
 | Plaatsn in de gemeente Eanske |  |
|---|---|---|
|
Bokel · Eanske · Glanerbrug · Lönnker · Ossel Oaveriessel · Steden en dörpen in Oaveriessel Nederlaand · Previncies · Gemientes | ||