De Hoeve (Frieslaand)
De Hoeve is een klein dörp dat tussen Wolvege en Noordwoolde inleit, in de gemiente Weststellingwarf (Frieslaand).
De Hoeve leit in een laandelik gebied in 2005 wodt et antal inwoners steld op 444. De Hoeve is nog niet zoe'n oold dörp. Et wodde veur et eerst bi'j heur naeme nuumd in 1938. Op een kaort van 1646 was et gebied allienig nog mar heide. Niet laang daornao wodden d'r an de Noordwoolderweg twie boerderi'jen bouwd, de Oosterhoeve en de Westerhoeve. Op een kaort van Grietman Willem Van Haren uut 1698 bin beide boerderi'jen te zien. De boerderi'jen en et gebied rond de boerderi'jen wodden ok wel Vinkegehoeve en Steggerdehoeve nuumd. Dit is omdat de respektievelike boerderi'jen dicht in de buurt van Vinkege en Steggerde laggen. De Westerhoeve lag in et westen van de Noordwoolderveert en de Oosterhoeve lag an een meer in et oosten van de Noordwoolderveert. De arbeiders die op 'e Ooster- en Westerhoeve warkten bouwden heur woninkies in de greiden aachter de boerderi'jen. Laeter kwammen d'r almar meer husies bi'j, die saemen twie kleine dörpies vormden. Pas in 1938 ontston et hudige De Hoeve deur saemenvoeging van disse buurtschoppen.
| Gemiente Weststellingwarf |  | |||||||||||
|---|---|---|---|---|---|---|---|---|---|---|---|---|
|