Weststellingwarf

Weststellingwarf (ok wel: Stellingwarf-Westaende) is een Friese gemiente mit 25.486 inwoners (1 mei 2014, bron: CBS) en een oppervlakte van 228,45 km², waorvan 2 km² waeter. De gemiente leit in de Stellingwarven, tegen de greenzen mit de perveensies Drenthe en Overiessel. Et gemientebestuur is vestigd in Wolvege.

Gemiente Weststellingwarf
(Vlagge van Weststellingwarf)	(Waopen van Weststellingwarf)
Lekaosie van de gemiente Weststellingwarf
Infermaosie
Perveensie	Frieslaand
Heufdplak	Wolvege
Geografie en bevolking
Oppervlak  - Laand  - Waeter	228,45 km² 221,19 km² 7,26 km²
Antal inwoners Inwoners per km²	25.486 (mei 2014) 115 inw./km²
Koordinaten	52° 53′ N, 6° 0′ O
Oaverig
Belangrieke verkeersaoders	A32, N351
Netnummer	0527 = Sliekenborg 0561
Postkodes	8388 t/m 8398 8470 t/m 8472 8474 t/m 8479 8481 t/m 8489
Officiële webstee www.weststellingwerf.nl

Weststellingwarf maekt tegere mit Ooststellingwarf diel uut van de Stellingwarven, waor Stellingwarfs praot wodt.

De laandbouw omvat akkerbouw en veehoolderi'je, de industrie (veurnaemelik vestigd in Wolvege en Noordwoolde) produceert o.m. meubels, zuvelprodukten, bouwmateriaolen en elektrotechnische artikels. Et netuurrisservaot Lendevallei is een komplex bestaonde uut: Helomepoolder, Driessenpoolder, Gorterspoolder, Botkerisservaot, Onlaand en Oolde Stroomdal (petgatten in et zuden van de Lende). Aandere netuurgebieden binnen de gemiente bin de staotsnetuurrisservaoten Braandemeer (niet toegaankelik) en Rottige Meente.

Geschiedenis

De ooldste dörpen in Weststellingwarf ontstonnen in de 8e ieuw totan de 14e ieuw, bouwd op flauw hellende, lange zaandroggen, die oorspronkelik begreensd wodden deur hoogvenen. In de 11e ieuw beheurden West- en Ooststellingwarf tot Drenthe en stonnen ze onder de Bisschop van Utrecht. Et bestuur en de rechtspraoke weren in hanen van stellings (dörpsrechters), die elk jaor wisselden. In 1504 wodde et gebied de tiende grieteni'je van de Zeuvenwoolden.

Belangriekste plakken

De gemiente Weststellingwarf telt 26 officiële dörpen. De heufdplak is Wolvege. De Nederlaanse naemen bin de officiële, de Friese naemen wodden niet gebruukt. In Weststellingwarf wodt gien Fries, mar Stellingwarfs praot, een Nedersaksisch dialekt. De plaknaembodden in de gemiente bin ientaelig Nederlaans.

Dörpen

Antal inwoners per woongebied op 1 jannewaori 2008:

Stellingwarfse naeme	Nederlaanse naeme	Antal
Wolvege	Wolvega	12.419
Noordwoolde	Noordwolde	3.789
Steggerde	Steggerda	1.111
Hooltpae	Oldeholtpade	1.072
Buil	Boijl	908
De Blesse	De Blesse	816
De Oosterstreek	Oosterstreek	527
Ni'jhooltpae	Nijeholtpade	490
Blesdieke	Blesdijke	487
De Hoeve	De Hoeve	429
Scharpenzeel	Scherpenzeel	429
Munnikeburen	Munnekeburen	415
Zaandhuzen	Zandhuizen	339
Der Izzerd	Ter Idzard	321
De Langelille	Langelille	267
Sunnege	Sonnega	235
Ooldelaemer	Oldelamer	223
Ooldetriene	Oldetrijne	221
Spange	Spanga	217
Vinkege	Vinkega	216
Ni'jhooltwoolde	Nijeholtwolde	187
Ni'jlaemer	Nijelamer	162
Hooltwoolde	Oldeholtwolde	141
Ni'jtriene	Nijetrijne	131
Peperge	Peperga	90
Sliekenborg	Slijkenburg	37

Bron: CBS

Buurtschoppen

Naost disse officiële dörpen bin d'r in de gemiente de volgende buurtschoppen:

• Boekelte
• De Gracht
• Noordwoolde-Zuud
• Riseperkampen
• Schoterziel

Bevolkingsontwikkeling

Op 1 jannewaori 2011 woonden 25.846 meensken in de gemiente Weststellingwarf. De historische bevolkingsciefers van de gemiente bin zo:

• 2008 - 25.679
• 1999 - 24.857
• 1990 - 24.398
• 1970 - 21.602
• 1950 - 19.942
• 1920 - 18.563
• 1900 - 15.050
• 1870 - 13.284
• 1811 - 5.428
• 1714 - 3.592

Gemienteroad

Uitslag verkiezingen van de gemienteroad sinds 1998:

Gemienteroadszetels
Partie	1998	2002	2006	2010	2014	2018	2022
VVD	3	4	4	5	5	5	4
Weststellingwerfs Belang	1	4	3	3	3	2	4
CDA	4	5	4	4	4	4	3
Sociaal Duurzaam Weststellingwerf *						5	3
Blijf Stellingwarfs						2	3
GroenLinks	2	2	2	3	2	2	2
D66						1	2
PvdA *	5	5	8	6	5
Weststellingwerf Natuurlijk! *					1
Vrijheid Voor Allen *					1
Sociaal Democratische Partij	4	1
Totaal	19	21	21	21	21	21	21
Opkomst	60,5%	57,1%	58,5%	51,8%	53,7%	55,0%	50,0%

» * Sociaal Duurzaam Weststellingwerf: PvdA, Weststellingwerf Natuurlijk! en VVA.

Referenties

Gemiente Weststellingwarf

Steden, dörpen en gehuchten Blesdieke | Buil | De Blesse | De Hoeve | De Oosterstreek | Der Izzerd | De Langelille | Hooltpae | Hooltwoolde | Munnikeburen | Ni'jhooltpae | Ni'jhooltwoolde | Ni'jlaemer | Ni'jtriene | Noordwoolde | Ooldelaemer | Ooldetriene | Peperge | Scharpenzeel | Sliekenborg | Spange | Steggerde | Sunnege | Vinkege | Wolvege | Zaandhuzen Buurtschoppen Boekelte | De Gracht | Noordwoolde-Zuud | Riesberkaampen | Schoterziel

Perveensie Frieslaand
Gemienten: Achtkarspelen · Amelaand · Dantemediel · De Friese Meren · Et Vene · Harlingen · Liwwadden · Noordoost-Frieslaand · Ooststellingwarf · Opsterlaand · Schiermonnikoog · Smallingerlaand · Terschelling · Tietjerksterediel · Vlielaand · Waddenhoeke · Weststellingwarf · Zuudwest-Frieslaand

Commons: Weststellingwarf - plaatjes, filmkes en/of gelüüdsbestanden.