De Pieperije (Nederlaands: Pieperij) is een buurtschop in de gemiente De Wolden, pervincie Drenthe. De buurtschop lig an 't reviertien de Riest, de grèenze mit de pervincie Oaveriessel. Körtbij an de oaverkaante ligt de buurtschop Lutten Oever en t dörpien Old Averiest. Véur de gemientelijke herindieling van Drenthe in 1998 heurden de buurtschop bij de gemiente Zuudwolde.

De name Pieperij zol komen van een duker, of piepe, die in een waterleiding (rie) was eplaatst umme oavertollig water naor de Riest of te voeren. In olde documenten het de buurtschop ok De Pieperie.

Veule woeste gronden op De Pieperije gaot rechtevoort terogge naor de netuur. Dizze gronden bint op 't begun van de twintigste ieuw deur de Heidemij an-emeuken en in cultuur ebrocht. Het Drentse Landschap koopt hierveur laandbouwgronden op.

Bron bewark

Nijsblad van t Noorden, 17 juli 1997, Vreemde plekken: Pieperij.