Buurtschop

Een buurtschop is een woonplak die niet officieel anschreven is as een woonplak. Krek as gehuchten wodden buurtschoppen meerstal op laandkaorten angeven, mar ze bin in tegenstelling tot gehuchten niet in de officiële staotkundige postkodeplakken as zelsstaandige buurt of dörp opneumen. Vaeke is dat omdat straotnaemen en nommers hierveur omschrievend genog binnen.

Polderziel is een buurtschop in Grunnen.

Buurtschoppen heb vaeke een klein kearkske, als deze in Twekkel.

Buurtschoppen bin vaeke in de volksmond ontstaon, as benaeming veur de lekaosie van een verzaemeling van huzen, boerderi'jen of meulens. Dit wodde ok wel een nederzetting nuumd. Vule van de oolde buurtschoppen bin ontstaon in gebieden/poolders waor ze vri'j weren om te wonen; zokke gebieden wodden ok wel een hering nuumd. Omdat et vri'j was, was d'r dan ok gien zeggenschop van of over zoe'n plak. Dit in tegenstelling tot een buurschop of een boerschop, waor een heer of boeren zeggenschop hadden van of over et plakkien. Somstieden wodde een buurschop of boerschop opheven en dan wodde et een buurtschop of gehucht as et klein genog was. Zo hiel of en toe wodden et ok dörpen of steden.

Nedersaksisch

• Drèents:
  • boerschup (Drèents woordenboek)
  • buurt(e)
  • buurtschap, buurtschop
  • naoberschap, naoberschop
• Graafschopper Platt: boerschop (Platduutse schriefwieze Buurschop, Buurschup)
• Grunnegs: noaberschop/-skop, naiberschop/-skop
• Stellingwarfs: buurtschop
• Twents:
  • noaberschop
  • noaberskop
  • buur(t)skop, boer(t)skop
• Veluws: buurt(e), buurtschap