Dialectkring Achterhook en Liemers

(döärstüürd vanaf "Dialektkring Achterhook en Liemers")

De Dialectkring Achterhook en Liemers is ne vereniging met as doelstelling et samenbrengen van leu dee zich mondeling en/of schriftelijk in de streektaal van Achterhook en Liemers kӧnt oetdrukken en/of de taal propagaert; dit in samenwarking met geliekgestemde verenigingen. De veurzitter is Diana Abbink-te Brummelstroete. Het ledental stund in 2013 op 290.

De vereniging worden in 1957 opericht as de Schrieverskring Achterhook en Liemers. Dit worden in 1973 veranderd in Dialectkring um ok neet-schrievers de gelaegenheid te gevven lid te worden. Het initiatief veur de oprichting ging oet van de daomaolige oldheidkundige vereniging De Graafschap.

De kring was met-oprichter van het Verbond van Neersasse Dialectkringen (1966) en met-initiatiefnemmer van de internationale streektaalbundel Alles Plat(t) (2002). Met de Dialektkringe Salland en OostVeluwe en de Vrienden van de streektaal Lochem en Umgeving vörmp de kring sinds 2003 het ni'je Verbond van Nedersaksische Dialektkringen. Dit verbond gef veer maol in het jaor het tiedschrift De Moespot uut (oorspronkelijk opezet in 1958). Daornaost hebt zee ook contact med Nedersaksische sprekkers ovver de grens.

Uutgaonde verwiezing bewark

Bronnen / wellen:
  • Dialektkring.nl