Heufdmenu losdoon
Exemplaren van tiedschrift De Moespot

De Moespot is een vörreljaors verschienend tiedschrift veur proza en dichteri'je in 't Nedersaksisch. 't Is een uutgave van 't Verbond van Nedersaksische Dialectkringen, daoras drei verienings bi'j bint an-esleuten: de Dialectkring Achterhook en Liemers, de Dialektkringe Salland en OostVeluwe en Vrienden van de Streektaal Lochem en umgeving. Wie de De Moespot wil ontvangen of d'r in wil schrieven, mut lid wèden van ien van dizze drie an-esleuten verienings.

InholdBewarken

De stokken in De Moespot wördt zoveul meugelk gelieke oaver de verienings verdield: 16 bladzieden veur Achterhook en Liemers, 16 bladzieden veur Lochem en umgeving en 16 bladzieden veur Salland en OostVeluwe. Doarbi'h koomt 8 bladzieden redactie en verieningsni'js, mit een totaal van 56 bladzieden.

In 't blad stiet ok ankondigings van ni'j uutekomen streektaalboeken, verslagen van bi'jienkomsten en redactionele artikels oaver 't Nedersaksisch. De Moespot gebruukt de SONT-schriefwieze.

GeschiedenisBewarken

't Blad wördden in 1958 op-ericht deur de Sallandse schrieverskring onder de name De Moospot; det wörrden in 1963 De Moespot umdet partie de name te Twèents vunden klinken. De Dèventer schriever Herman Korteling (1898-1994) nuumden 't blad in zien beguntied 'Un fidderig dink (vier vellekes maör)'. In 1966 wördden De Moespot 't orgaan van 't ni'j op-erichte Verbond van Nedersaksische Dialectkringen (Verbond veur Neersasse Dialektkringen), daoras op een gegeven mement, naost de boavenenuumde verienings, ok de Kreenk vuur de Tweantse Sproake hum bi'j ansleut.

Deurdet 't Verbond meerdere schrieverskringen umsleut, gruuiden de umvang van 't blad nog aordig. Jannie Bakker-Rietman en Frank Löwik schrieft in 't Handboek Nedersaksische Taal- en Letterkunde: 'Dat bleek van levensbelang omdat het aantal inzendingen vanuit de Sallandse schrijverskring zorgelijk klein bleef.'

Ze schrieft ok: 'Over het niveau van werk van De Moespot is al vaak geschreven, in welwillende en minder welwillende woorden. Ondertussen verleent het blad toch maar de ruimte aan iedereen die zich schriftelijk wil uiten in het Nedersaksisch van de aangesloten gebieden.'

BronnenBewarken

  • Jannie Bakker-Rietman en Frank Löwik (2008), 'Streektaalliteraturen in Overijssel'. In Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde. Assen: Van Gorcum. Blz. 392-3
  • Dialectkring Achterhook en Liemers oaver De Moestpot
  Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.