Diego Maradona
Diego Armando Maradona (spaanske uutspråke [ˈdjeɣo maɾaˈðona]; 30. oktober 1960 – 25. november 2020) was nen vootballer un manager uut Argentinie. Breyduut seen as eyne van de gröätste spöälers van de sport, wün hee de Spöäler van de 20. Eywe-prys van de FIFA.
Maradona was verholdingswys en klein kearlken. Dårby had hee en grout gevööl vöär insicht, döärgeaven, balbeheyrsking un dribbletechnyk. Dårdöär was hee vlug as water un kunden de meyste teagenstanders em neet bybenen. Med em der by dea en manskap et altyd beater up et veld. Ouk de teagenstanders richtden alle andacht up em, wat syne medspöälers weader kansen gavven. Nöäst syne kloke uplössingen un insichten up et veld had hee en ouge vöär de goal un kunde machtig vrye trappen neamen. Hee wör vake en wunderkind enöömd un kreag de byname "El Pibe de Oro" ("Et Göldene Kearlken"), nen name wat hee syne heyle loupbane dröäg. Buten de vootballerye had Maradona en suur leaven. In 1991 un 1994 wör hee uutslöäten van deylname üm syn drugsgebruuk.
Med 10 as syn vaste rüggennümmer was Maradona den eyrsten spöäler wat tweymål et höygste döärverkoupbedrag upleyverden. In 1982 kochtden FC Barcelona em vöär sou'n € 6 miljoon un in 1984 güng hee når Napoli vöär meyr as € 8 miljoon. In syne loupbane spöälden hee vöär Argentinos Juniors, Boca Juniors, Barcelona, Napoli, Sevilla, un Newell's Old Boys. Syne gröätste oaverwinningen haalden hee by Napoli.
Hee spöälden 91 internationale wedstryden vöär Argentinie un makeden 34 doolpünten. Maradona döä med in veer wearldbeakerwedstryden van FIFA: de Wearldbeakerwedstryd van Meksiko in 1986 (winst van Westdüütskland, Golden Bal vöär em as besten spöäler van et tuurnooi). In 1986 makeden hee teagen Engeland (2-1) beide goals in de veerde finale van de wearldbeakerwedstryden. Hyr güng hee de böker in üm twey readenen: de eyrste goal, dee nu bekend steyt as Gods Hand tikkeden hee unbestrafd med de hand binnen. De tweyde goal makeden hee nå nen sprint van 60 meter vöärby vyv teagenspöälers. Disse goal wör in 2002 up FIFA.com eköäsen as "Goal van de Eywe".
Maradona wör höyvdtrainer van et nationale elvtal van Argentinie in 2008. In 2010 was hee by et wearldkampioonskop in Süüdafrika. In 2011 un 2012 was he trainer by Al Wasi, nen klub uut Dubai in de Pro-Liga van de Vereynigde Arabiske Emiraten. In 2017 wör he noch coach van Fujairah, mär skeiden der vöär et ende van et seisoon med uut. In 2018 wör hee anekundigd as nyen vöärsitter van de witrussiske klub Dynamo Brest. Hee begün in july, mär vanaf september was hee alweader in deenst by nen anderen klub: Dorados uut Meksiko. Vanaf september 2019 töt synen doud in november 2020 was hee leider van de Eyrste Divisyklub Gimnasia de La Plata in Argentinie.