Digiskopy
Digiskopy beskrivt en relativ nye manere med en digitaalkamera or en telefoonkamera döär dat okulaar van en (veld)teleskoop to fotograferen. Sünderlik populäär is disse technik mang voagelkykers [1], dee dår al vrö med to gange weren, man meddewyle hevvet ouk amatöörastronomen de vöärdeylen van disse technik vöär sik vunden. [2]
Oorsprung bewark
De vöärlöyper van de digiskopy is de traditionelle fotografy döär en mikroskoop or en teleskoop. Soudännig höyrt de digiskopy almeyn de afokale fotografy to, wårneam de kameralense an en ander reydskop ansloaten wardt. De moderne digiskopy het Laurence Poh, en vorvaren fotograaf un voagelkyker, aktiv by de Persatuan Pencinta Alam Malaysia ("Malaysian Nature Society (MNS)" in ingelsk), 1999 uutvunden un via ornitoloogske foren internationaal bekend maked.[3] Den name digiscopie~digiscoping het toeyrst de franske voagelkyker Alain Fossé vöär disse technik bruked.[4]
Technik bewark
Vöär digiskopy behöövt eyn beid en veldteleskoop med dreevoot un en kamera, idealiter upto en adapter, wår eyn de kamera an dat veldteleskoop med an vastmaken kan.[5] Ouk sünder adapter is digiskopy möäglik, man dat vorlangt en gode balangs in de handen jüst sou as gedüür un övend de richtige positioon van kamera un veldteleskoop to vinden. Vandage is de digiskopy speciel mang voagel- un ander natuurintresseerde al sou populäär, dat en reyge producenten van veldteleskopen sou as Zeiss[6], Kowa[7] un Swarovski[8] ouk anpasde adapters vöär vorsküllen digitaalkamera- un telefoontypen anbedet.
Butensydske lenken bewark
Referensen bewark
- ↑ Adrian Davies, The Focal digital imaging A-Z, syde 41
- ↑ Chaple, G. (2012, 10). Cellphone digiscoping. Astronomy, 40, 12.
- ↑ http://www.laurencepoh.com/
- ↑ Digiscoping: Reaching out, at a cheaper cost
- ↑ Que'est-ce que la digiscopie?
- ↑ Zeiss Digiscoping
- ↑ Kowa Digiscoping
- ↑ Swarovski Digiscoping Kombinationen
|
Disse artikel is skreaven in holsteynsk, in de Nysassiske Skryvwyse. |