Dwaarsloper

Dwaarsloper (Crustacea) binnen n group zeedaaiern dij kinmaarkt worden deur n haarde schoal en voak ogen op stokjes. De maiste daaiern ien dizze femilie hebben ook twij of meerdere poten woar of scheren aan zitten. Dizze femilie omvat daaiern as de kreeft, de genoat en de kraab, môr ook de stainkrob en de mözzel. Ien totoal bestoan der meer as 40.000 verschillende soorten ien dizze femilie. De grootte kin verschillen tuzzen dij van n komputer (exkl. laange poten) tot dij van n stofdailtje. Summege daaiern binnen den ook mikro-organismes en summegen binnen zulfs parasiet.

De rifkreeft, n veurbeeld van n dwaarsloper

Japanse reuzenkrab, de grootste van de femilie

Ien t Grunnegs-Oostfrais wordt t woord dwaars-loper ook wel broekt om allend de zeekreeft of de krab mit aan te duden. Dit is aigelks onjuust, omrezen t oorspronkelk de noam is van de haile daaierfamilie.

Soorten

Der binnen 6 heufdfamilies:

• Branchiopoda (o.a. woaterhippers)
• Remipedia
• Cephalocarida
• Maxillopoda (o.a. aindmözzels, ainoogkreeften en kaarperloezen)
• Ostracoda (mözzelkreeften)
• Malacostraca (o.a. zeekreeften, krabben, genoat en zeekomma's)

Leegsaksisch

• Algemain: kreeftachtigen
• Urkers: krieftachtigen