Emmeloord is de oofdplekke van de gemiente Noordoostpolder, in et noorden van de Nederlaandse provincie Flevolaand. De stad ad op 1 oktober 2009 zo'n 25.248 inwoeners.

Emmeloord vaneut de lucht
De Poldertoren

Geskiedenis bewark

Emmeloord et zeen naam te danken an et durpien op de noordpunt van et vuurmaolige eilaand Skokkelaand. Dit eilaand lag in de Zuierzie. Et durpien iette vroeger (1478) Emelwerth. Eem, et eerste diel van Emel, komt van et Germaanse ami, een algemiene anduiing vor een natuurlijk waoterverloop. Werth beteaket wierde. Vanof 1650 zien we dat de naam ommezet is nor Emeloirt. Oirt (duur de i achter de o spreek je et eut as oort) beteaket punt, net as in Dinteloord in IJoort (laoter IJdoorn). De overgang van werth nor oort et dinkelijk te maken mit de ofbrokkeling van et eilaand Skokkelaand. Daorduur was Emelwerth al minder een terp mar kwam al maar op de punt (oirt) van et eilaand te leggen. In 1940 begonnen ze mit et drogemaolen van de Noordoostpolder, in 1942 vul et droge. D'r worde zo'n 50.000 bunder laand ontgonnen eut et IJsselmeer (de vuurmaolige Zuierzie). Op 15 december 1943 gingen de eerste minsen in Emmeloord woenen.

Tussen 1614 in 1660 was de eerlijkeid van Urk in Emmeloord in bezit van et geslacht Van de Warve. In 1660 kwam et eilaand onger et bestuur van Amsterdam te leggen. Et ambachtseerlijkeid van Urk in Emmeloord worde duur verskillende Amsterdamse regenten zoas Andries de Graeff, Nicolaas Witsen, Hendrik Daniëlsz Hooft in Jan Elias Huydecooper bestuurd.

Samen mit de tien 'Gruundurpen' vormt Emmeloord sinds 1962 de gemiente Noordoostpolder. Sinds 1 januari 1986 beoort de Noordoostpolder tot de provincie Flevolaand, daorvuur tot Overijssel.

Stadsrechten bewark

Op 10 september 1992 kende de Commissaoris van de Koningin prof. dr. J.A. van Kemenade van Noord-Hollaand duur symbolisch gebaor stadsrechten toe an Emmeloord. De bestuurder aandelde in opdracht van de Staoten van Hollaand, waor de naobijgelegen vuurmaolige eilaanden Skokkelaand in Urk ooit ok diel van eutmaakten. Dit kon naodat eut documenten was eblieken dat de "eerlijkeid Emelwaerde" (Emmeloord) privilegiën ad. Tijdens disse ludieke bijienkomst van de provincies Flevolaand, Overijssel in Noord-Hollaand op Skokkelaand worde Godin Fortuna as schutspatrones an-esteld. Een buste van eur worde jaoren terogge in de bodem in et zuden van Emmeloord evoenden. Van now of an zal eur bieltenis et gemiente-eus sieren en mag de stad zich 'Civitas Fortunae Emmeloordis' neumen. Et College van Burgemeister en Wethouwers van de gemiente Noordoostpolder mag em sindsdien Schout en Schepenen van de Stad Emmeloord neumen.

Legging bewark

Bij de inrichting van de polder binnen ze eut-egoon van ien cintraole plekke (Emmeloord), in starrevormige verbindingswegen nor tien kleanere durpen; Baant, Creil, Ins, Espel, Kraggenburg, Luttelgeest, Marknesse, Nagele, Rutten in Tollebeek. De cintraole legging van Emmeloord wort benaodrukt duur de Poldertoren. Disse waotertoren stot in et geografische middelpunt van de polder.

Zusterstad bewark

Eutgoonde verwezing bewark