Emslandske Sellskup

't Emslandske Sellskup was een in 1948 in de Duutse regio Emslaand, aover de Drèentse gröppe, opericht gezelschop veur heemkunde en 't bevördern van 't Nedersaksisch van 't Emslaand ('t Emslänner plat). 't Sellskup was actief in Meppen en umgeving. Tiedschrift van 't gezelschop was töt 1949 de Uhlenflucht en sinds 1950 't deur Josef Hugenberg uutegeven Emslandske Sellskup. Mitteilungen und Beiträge aus dem Emslande und den Landsmannschaften.

Mitwarkers an 't Emslandske Sellskup waren onder meer de schriefsters Christa Brinkers (oorspronkelijk uut de Graofschop Benthem) en Maria Mönch-Tegeder, de archeologe dr. Elisabeth Schlicht, de onderwiezers Bernhard Uphus en Josef Hugenberg en de pedagogen Dr. Carl Knapstein en Fritz Helmkamp. Deur 't Sellskup wördden een Kreisheimattag organiseerd; ok waren Sellskup-mitwarkers betrökken bij 't openlochtteniel.

Verscheiden leden van 't Sellskup waren later ok lid van de in 1956 operichte Schrieverkring an Ems un Vechte, waorin platschrievers uut 't Emslaand en de Graofschop Benthem heur verienigden.

Bronnen

• Helmut Lensing (2021), 'Die Grenzüberschreitende Niederdeutsch-Bewegung in den Jahren nach dem Zweiten Weltkrieg in der Region Emsland/Grafschaft Bentheim und den östlichen Niederlanden', in Henk Bloemhoff en Henk Nijkeuter (red.), Jaorboek Nedersaksisch 2 (2021), Oosterwoolde: Stichting Sasland, pp. 109-147.

Dit stok is eschreven in 't Zuudwest-Drèents.