Fört is een buurtskop in de Drèentse gemiente De Wolden. De buurtskop lig daor waor een paar straoten bi'j menare koomt maank 't Riestdal en Zuudwolde.

Ontstaon bewark

Fört is ontstaon in de 19e eeuw bi'j de ontginning van de venen rondum Zuudwolde. De name kump oaveriene mit die van de verveningsboerderi'je 'Het Fört', die aj op topografische kaorten van rond 1850 viendt. In de lope van de negentiende eeuw hebt ze 't systeem van wieken (sloten um törf of te voeren) steeds varder ontwikkeld; de bebouwing naamp staorigan toe. Op een kaorte van rond 1900 is Het Fört intied verkört töt Fört.

Partie skrievers mient det de name slat op 'voorde', een plaatse daoras 't water (van de Riest) leeg genog was um deur de revier te kunnen waden.

Op 't brinkien stiet een bieldtien uut 1997 deur Marijke Ravenswaay-Deege van een man en een jonggien mit elk een krulekaore, det de samenwarking uutbieldt die aj neudig waren um in 't veen te oaverlèven.

De umgeving van Fört was 't toniel in de schrieverije van Roelof Sieben (1919-2006).

Bronnen bewark

  • W.R. Foorthuis en P. Brood (2002), Drenthe. Gids voor cultuur en landschap, Bedum: De Ploeg. ISBN 9052942420
  • Informatiebrödtien bi'j 't bieldtien
  Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.