Fieke Gosselaar

Fieke Gosselaar (Finnerwol, 1982) is een dichteres en prozaschriefster in 't Grunnings en Nederlaands. Ze is ok strafrechtjuriste bij de rechtbaanke Noord-Nederlaand.

Gosselaar, die opgruide op Finnerwol, schrif gedichten in 't Grunnings en proza miest in 't Nederlaands. Wark van heur stund onder meer in bloemlezings van Dichters in de Prinsentuin en Dag van de Grunneger Toal en in de bundel Verrassend Nedersaksisch. Heur wark was riegelmaotig te vienden in 't in 2015 estopte Grunningstalige literaire tiedschrift Krödde. Daornao hef ze bijedreugen an Oader, 't digitale literaire tiedschrift in 't Grunnings det in 2016 estart is.

In 2013 kwaamp Gosselaar heur eerste dichtbundel Nova Zembla uut. Sinds de zomer van 2012 les ze alle vrijdagmörgens een column veur in 't programma 'De Centrale' van RTV Noord. In augustus 2014 wördden heur prozadebuut Tussen de anderen epubliceerd. In de twaalf körte verhalen daorin wördt situaties beschreven waorin mèensen terechtekoomt vlak veurdet ze een misdaod begaot. Gosselaar deu heur inspiratie veur de verhalen op tiedens heur wark as juriste.

Ze hef opetreden op festivals as Explore The North en Hongerige Wolf en op podia as Vera en Perdu.

Zölfstandige publicatiesBewarken

  • 2013 Nova Zembla (kleine Uil)
  • 2014 Tussen de anderen (Ambo/Anthos)
  • 2016 Spinnetje (Rock Ink)

BronnenBewarken

  Dit artikel is eschreven in 't Zuudwest-Drèents.