Oader (tiedschrift)

Oader is n digitoal tiedschrift veur Grunneger literatuur. t Is online goan op 12 december 2016, noadat n joar eerder t pepieren tiedschrift Krödde votviel.

Oader wil n podium weden veur ervoaren en begunnende schrievers. Over de titel van t tiedschrift het redakteur Jan Glas opmaarkt dat Oader n mooi en spannend woord is en dat t lezen en schrieven van Grunneger literatuur de schrievers aalmoal ien t bloed zit. De ienhold wordt alle weken aanvuld. Hoofdredakteur is Tonko Ufkes; zien collega-redakteurs binnen Jan Glas en Hindry Schoonhoven.

Tiedens Dag van de Grunneger toal ien 2018 wèr de bundel Tot woar of t gaait, mit teksten dij op Oader publiceerd binnen, prezenteerd as weggeefbundel.

Bronnen / wellen:

https://oader.nl/oader-aanklikken-en-lezen/