Filips de Goeie (Dijon, 31 juli 1396Brugge, 15 juni 1467) was hertog van Bourgondië van 1419 totan zien dood. As laansheer van Vlaonderen, Braobant, Namen en Limburg hef e de basis elegd van de natievorming in de Lege Lanen.

Filips de Goeie

Leven bewark

Nao de dood van zien vaor volgden e hum op in 't hertogdom Bourgondië en in de graafschappen Vlaonderen en Artesië (Artois). Tiejens zien bestuur kreeg e vervolgens 't graafschap Namen (1429), de hertogdommen Braobant en Limburg deur arfopvolging van Filips van Saint-Pol (1430), de graofschoppen Hollaand, Zeelaand en Henegouwen (1433) en ok 't hertogdom Luxemburg (1451).

In zien rol as heer van de Nederlaanse gewesten voerden e veul hervormingen deur die 't bestuur over zien gebied mossen vergemakkelijken. Mit name begun e an de invoering van een centraol bestuur veur alle Nederlaanse gewesten, een centraole rechtspraok (de Grote Raod) en een centraole inning van belastingen in de vorm van ien enkele som veur 't hele gebied, die deur de gewesten op-ebröch wönnen volgens een deur humzelf vaste te stellen verdeelsleutel. Um dit centraol overleg meugelijk te maken, stelde Filips de eerste Staoten-Generaol in, die hij in 1464 veur 't eerst biemekare reup in Brugge. Disse centraole instellingen van Filips legden de basis veur Nederlaand as laand (as groter geheul dan allinnig de ofzonderlijke gewesten) deur de gewesten te confronteren mit 't feit dat ze gezamenlijke belangen hadden tienover ien enkele vorst.

Femilie bewark

Filips de Goeie was de zeune van Jan zonder Vrees en Margaretha van Beieren-Straubing en trouwde op 7 jannewaori 1430 in Sluus mit Isabella van Portugal.
Zee kregen ien kiend: Karel de Stoute (1433-1477).

Filips had ok een antal bastaardkienders: