Bernard W Bonenkamp

Manges zag’k ow zitten

Kiekend noar de loch

Noar’n schoer in de wieten

Kump’t hieropan

Trök‘t op Vrëäne an

‘t Zwilsker veurbi’j

Barst ‘t hier los

Ik zee ow denken

Dit land

Van drek en driete

Raster- en schoarpöäle

Sloat greun oet

Met gummi-stevels

Op Bruntinks Huusken an

Pedden en slekke

Veult zich good

Komt ow temeude

‘t Hilgeloo verloaten

Den Helder

Nat en klam

D’n hond stunk neet

Hee roekt wat stark

Oaver gladde stene

Ne smalle brugge

Op de Mölle an

Pannekoke

Oetgestrekken snoeten

Kiekt doar noar de loch

Zeelsverwanten

Dat löch op

De zunne kump d’r deur

Oaver d’n gruusweg weerumme

De vrouwe en ow dochter

Veur ow met d’n hond

Mooi gezichte

In dat rooie lech

Dan weer dee beume

Dampend loat zee water los

En sloet de welt

Af van de zunne

Dit land

Van drek en driete

Wat zeuk ik hier

Alles e’zene

Alles e’kend

Vanoavend d’n vuurkorf

Gemeudeluk

De rugge nog nat

Wi’j sloat ‘n vat an

Ni’j begin

De veurkante

Dampt al

Toke joar weer

Klossen

Ok zo wat

Bernard