Groep fan Auwerk
De Groep fan Auwerk is n bewegen dij strubbeln noar n zölfstandege dailstoat van n Nij-Fraislaand ien Europa. Dizze nije dailstoat is faitlieks haildail nait zo nij, moar hail old. Fraislaand was vrouger veul groter dìn non t geval is. Ok Grunnen en n groot dail van Noordduutslaand heurde bie Groot-Fraislaand.
Nij-Fraislaand
bewarkDe laanden dij bie dizze nije dailstoat, Nij-Fraislaand, heuren zellen, binnen noar idee van de Groep fan Auwerk:
- Westlaauwers Fraislaand (provìnzie Fraislaand)
- Oostlaauwers Fraislaand (provìnzie Grunnen)
- West-Fraislaand (dail van provìnzie Noordhollaand)
- Oostfraislaand (Frais dail ien Duutslaand)
- Noordfraislaand (Frais dail ien t noorden van Duutslaand)
Geschiednis
bewarkDe organisoatsie begun ien 2003. Ien dij tied haar de Groep fan Auwerk heur punten ok oetainzet en begun de straaidt noar de onôfhaankelkhaid van de Fraize regio. Ien t joar 2005 is de Groep begunnen mit n poar politieke aksies. Ain doarvan is t aanvroagen van de Fraize nasjonaliteit bie t provìnziehoes ien Laiwert. Ok wol de Groep geern dat de Fraize laandkode op nummerbredjes te zain wör. Dit zol te zain wezen as de letters FRY op t blaauwe gedailte van n nummerbred. De bedoulen aachter dizze aksies is bewustworden van de Fraize nasjonaliteit veur elkenaine dij ien de Fraize dailen wonen. Op 23 septimber 2006 haar de Groep de Ienterfraize vlage prezenteerd. Ien juni 2009 is n nije versie prezenteerd (spottend ok wel de sjitskiifflagge (schietschiefvlage) nuimd). Dizze vlage kin broekt worden ien alle Fraize regio’s. De vlage is offisjeel aannomen moar het gain offisjele stoates.
Ok veur t Platduuts, dat onder aandere in Oostfraislaand sproken wor, is n aigen vlage moakt. Dizze vlage hait de Noordlandflagg (Grunnegs: Noordlaandvlage). Ok is der n ontwaarp moakt veur de intersaksische vlage.
Boetende hìnwiezen
bewark
|
Dit artikel is skreaven in et grönningsk. |