Hendricus Johannes Prakke
Hendricus Johannes Prakke (Alphen an de Rien, 26 april 1900 - Roon, 14 december 1992) was een Nederlaandse uutgever, hoogleraar in de publicistiek en veurvechter van de culturele emancipatie van de pervincie Drenthe.
Prakke was iene van de directeurs van uutgeverije Van Gorcum in Assen. In 1941 was e mit oprichter van de studiekring D.H. van der Scheer, daor as in 1947 Het Drents Genootschap uut voortkwaamp. Op 't end van de Tweede Wereldoorlog wördden e deur de bezetter vastezet. Nao de oorlog was e ien van de eersten die heur inzetten veur verzoening mit de Duutsers, wederzieds begrip en ketakt aover en weer. Zien veurzitterschop van Het Drents Genootschap dreug e in 1960 aover an de taalkundige Jan Naarding; in det jaor wördden e benuumd töt hoogleraar in de publicistiek an de Universiteit van Mönster.
As dichter schreef Prakke onder de name Hekkarpi, een anagram van H.I. Prakke. Op cultureel terrein was e zo drok doende det veulen hum zagen as de culturele emancipator van Drenthe. 't Erebörgerschop van Benthem en Coevern wördden hum verliend, en in 1960 kreeg e de Culturele Pries van Drenthe. Zien liefspreuke was Homo res sacra homini, 'Mag 't mèensdom veur mèensen een heilige zake wezen'.
Uutgaonde verwiezings
bewark
|
Dit artikel is eschreven in 't Zuudwest-Drèents. |