Hagelslag (ook wal streuisukela eneumd) is beleg vuur op de stoete wat besteet oet kleaine pielekes van sukela of ekluurde suker dee't an hagel doot deankn. De oorsproonkelike beduding van t woard "hagelslag" is "t dalekomn van hagel".

stoete met streuisukela

Streuisukela wör vuur t eerste maakt in 1936 duur de Neerlaandse sukelamakerieje Venz. Dit wörd edoan um n antal brewe van ene H. Bakker (toertieds 5 joar oold) met de vroage of Venz gin sukela vuur op de stoete kon bedeankn.

Streuisukela wörd direkt oet de verpakking op de stoete of aander bakkespul estreuid. t Is typies Neerlaands, en boetn Neerlaand, België, Suriname en Indonezië hoaste nit te kriegn. Mangs wörd t nog verkoft as taartnversierige, mer dan heuld t ook op.

Allene streuisukela woer't op zin meenst 35% kakao in zit mag chocoladehagelslag heetn. Streuisukela woer't meender in zit wörd chocoladefantasie eneumd. Nöast meender kakao hef disse streuisukela mear suker as normaal, woerduur't t meender good smeeltn kan, mer ook meender deur is.

Streuisukela keump in verskilnde smaakn, woervan't de bekeandste zeent:

  • melksukela
  • pure sukela
  • pure en witte chocoladesukela duur mekoar


Wikimedia Commons Commons: Hagelslag - plaatjes, filmkes en/of gelüüdsbestanden.