Henxel is een buurtschop in de gemeente Wenterswiek, in den Achterhook in de Nederlandse previnsie Gelderlaand. Henxel wödt mangsmoal samen eneumd met et noast elaegen Huppel. Samen hebt de noaberschoppen rundumme 750 inwonners en ne oppervlakte van 17 km².

Henxel ligt oostelek van et darp Wenterswiek, in de richting van Roatum. Huppel en Henxel deelt een antal veurzeeningen, zoas de peuterskole. Beide noaberschoppen hebt wal ne eigen basisskole. Winkels of andere koopleu bunt in beide noaberschoppen neet anwaezig woardeur de bewonners bunt an-ewaezen op veurzeeningen in de umringende plaetse. Wal bunt doar twee zalencentra bi-j de campings in Henxel, woardeur n antal aktiviteiten toch organisierd kunt wodden in de 'eigen' plaatse. Ok de skooln wod bruukt deur et bleujende veraenegingslaeven.

Vrögger laefden de leu veural van den laandbouw moar noe is et meer gebruukt as landelek wongebeed. Deur de boerderi-jsplitsing keert völle vort egoane gezinnen weerumme.