Hulsn (Healdern)

Hulsn is n doarp in de gemeente Healdern, in de Neerlaandse proveensie Oaveriessel. t har in 2005 ongevear 700 inwonners.

t Doarp is één geheel met de Nijverdalse Kruidenwijk (kruudnwieke). Doo't in de tied de plann vuur de Kruudnwieke op toafel kömn, zol t hele spul "Groot Hulsen" eneumd wordn. Ne roondvroage bie de inwonners van Nijverdal wees skoonwal oet det de wieke bie Nijverdal bie an mos. Dr wördn nieje plaatsbrödjes too ezat en grote deeln van Hulsn wördn too verdan an Nijverdal toobedeeld.

Hulsn wörd vake Oaverwater eneumd, mer dit is nit good. Oaverwater is t gedeelte an laanderiejn, boerderiejn en bedriewe wat roond de oawerwaterweg an de Regge lig.

Sport

Hulsn hef ne voetbalverenige (De Hulzense Boys) dee't oetkeump in de zoaterdagamateursklasse. Wieders is dr nog ne natuuriesbane vuur wedstriedn. As t good vrös is den lös.

Skooln

De legere skole dee't vroger nog "School met den Bijbel" heetn, het rechtevoort "de Bongerd", noar n bongerd den't vroger um de skole lea.