Humansdarp

Humansdarp (Humansdorp in t Afrikaans, Engels en Nederlaands) is n darp in de Oost-Kaap in Zuud-Afrika. Meer as negentig persent van de 28.990 inwoeners van t darp bin Afrikaanstalig. t Darp is onderdeel van de plaotselike gemeente Kouga en is esticht deur Nederlaanders.

De NG-karke in Humansdarp

't Humansdarper museum

Geschiedenisse

Ongeveer begin 19e eeuw reisden domineer Alexander Smith van Uitenhage naor de plattelaandsdarpen um daor veur de plaotselike bevolking n karkdienst te houwen, dat dungen oek op de boerderieje Geelhoutboom, zo'n tien kilometer vanaof de meest naobie-elegen stad. In 1849 stung Matthys Human n deel van de grond van zien boerderieje Rheeboksfontein aof zodat daor t nieje darp Humansdorp esticht kon wörden. Humansdorp wördden offisieel in 1906 n zelfstaandige gemeente.

Humansdarp hef zien naam dan oek an Matthys Human te danken. (Spottende) bienamen veur Humansdarp bin o.a. Mensedorp, Mensetown of Humansvillage.

Ligging en naobie-elegen plaotsen

Humansdarp ligt in t westen van de Oost-Kaap en zo'n 87 kilometer ten westen van de stad Port Elizabeth. Veerder ligt t darp kort bie de N2, die vanaof Kaapstad tot an Armelo löp.

Aofstaanden vanaof Humansdarp
Plaotse	Aofstaand
Jeffreysbaai	16 km
St Francisbaai	18 km
Oesterbaai	23 km
Kaap St Francis	25 km
Patensie	41 km
Kareedouw	50 km
Störmsrivierbrogge	86 km
Port Elizabeth	87 km

Zie oek

• Kruisfontein

Referensies

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.