Imbolc

Imbolc is eyne van de veer belangryke feesten dee as de olde kelten, en deen nåsåten, vyret. Et wörd eholden up 1 februåri. Ouk in Skandinavie doot se feesten rund disse tyd hebben. Van vrogger uut is et een ploog- en säifeest. Et is een feest med allerhande gebruken ümme de vrüchtbaerheid wat wearümme kümt; blyde weasen dat de köyldte van et winter vord geyt en de sünne wear langer skynen düt. Dårümme nemmet sy ouk disse dåtum, want et kümt nu precys in et midden van et winter en et lente.

Symbolen

Disse feest is an de godinne (en later de heilige) Brigrid ewyded.

De yren doot nå tradity van de lätste grån een krüsyn knöäpen, wat sy boaven de düre hanget töt de volgende Imbolc. Brigrid-krüsyn het so een vrütseltyn.

In oanse kontreien is et ouk wal as Ploog-Mary te name.

In dissen tyd gåt lüde eare hüse keyren. Alles wörd an kante dåne, ümme skoune -en bevryd van et in et winter an et huus sitten- et vöärjår in te gån.

Namenverklåring

De name Imbolc kümt van et Yrske i molg, wat in den buuk betekkend. Ofwal, de sköäpe (ooier) dee as drachtig bint. De lente wörd ouk so edüüd in et keltisk. Een andere namenverklåring is dat et kümt van et old-engelsk Oimelc ("ooimelk"). Mar dat is barre gelöyvweardig.

Jårweel

De kelten hadden ear jår ait med Samhain begünned, düs nå 1 november. Teagenwoordig is et der by de Wikka en nye heidenen de germaanske tradity der noch tüsken ekoamen, med Juul up oans Old en Ny. Dårnå kwamt Imbolc, et eyrste feest van et jår volgens de kelten. Nå Imbolc kümt -nå de germaanske tradity- Oustara/ Påsken. mar de Kelten hadden nå Imbolc ait Beltane up den åvend nå 1 mei hen. Wår Samhain geyt oaver de doud en hoape up licht, geyt Imbolc oaver de hoape dat uutkümt; want et licht en et leaven koamt wearümme. Wat uutendelik syne vultooiing kregt med Beltane; se summer dee oaverwünnen hevt. Mar noudlottig mot et vannys begünnen dan wear.

Dit artikel is eskreaven in et sallandsk.