Ierlaand (laand)

Ierlaand (Éire in et Iers en Ireland in et Ingels) is een Europees laand dat omdebi'j 5/6 van et eilaand Ierland beslat.

Éire Ireland
Kaarte van Ierlaand
Baosisgegevens
Officiële laanstael	Iers, Engels
Heufdstad	Dublin
Regeringsvorm	Rippebliek
Geleuf	Rooms-katteliek 91.6%
Geografie en bevolking
Oppervlakte - waeter	70.273 km² 2%
Inwoners - Dichthied	3,9 miljoen 56 inw./km²
Koordinaten	53° 8′ N, 8° 7′ W
Overige
Volkslied	Amhrán na bhFiann
Muntienhied	euro (EUR)
Tiedzone	+0
Nationaole feestdag	17 meert (St. Patrick's Day)
Web | Kode | Til.	.ie | IRL | 353

Om et laand van et eilaand te onderscheiden wodt et vaeke anduud as de Republiek Ierlaand (Poblacht na hÉireann in et Iers en Republic of Ireland in et Engels). Disse anduding het sund 1949 de staotus van officiële beschrieving van et laand. De officiële naeme is, sund 1937, kotweg Ierlaand.

Ierlaand is sund 1973 lid van de Europese Unie, mar is gien lid van de NAVO.

Bestuurlike indieling

Historisch was Ierlaand verdield in 4 perveensies (Ulster, Munster, Leinster, Connacht). Noord-Ierlaand is now een diel van de perveensie Ulster. Disse perveensies hebben gien betekenis veur et bestuur. De historische graefschoppen (counties) hebben nog wel een betekenis. Et oorspronkelike graefschop Dublin is tegenswoordig onderverdield in vier appatte graefschoppen.

Ierlaand is tredisioneel verdield in vier perveensies die tegere 32 graefschoppen (counties) vormen. De perveensies hebben gien bestuurlike rol. De 26 graefschoppen die in de rippebliek liggen hebben een eigen bestuur. Daorbi'j bin Dublin en Tipperary onderverdield in drie respektievelik twie bestuurlike graefschoppen.

De steden Dublin, Cork, Limerick, Galway en Waterford hebben een eigen bestuur, los van et bestuur van et graefschop waorin de steden liggen. Aandere plakken hebben allienig op een antal onderwarpen een eigen bestuur.

Demografie

Tussen 1850 en 1950 daelde de Ierse bevolking van zeuven miljoen tot minder as drie miljoen. Intussen bin der weer bi'jkaans vuuf miljoen Ieren.

Geografie

Algemiene gegevens

• Lengte greenzen: 360 km (met het Verenigd Koninkrijk)
• Langste revier: Shannon
• Hoogste punt: Carrantuohill, 1050 m
• Muntienhied veur 2002: Ierse pond of punt (EIP). Nao 2002: euro.
• Sund 2005 wodt in de rippebliek snelheden in kilemeters per ure angeven, naodat et al jaoren kilemeters bruukt om ofstaanden an te geven. De hoogte van bargen daorintegen, wodt vaeke in voet daon.

Steden

• Heufdstad: Dublin (Iers: Baile Átha Cliath uutspreuken: baaije ah-ha kliea)

Inkelde grote steden bin:

• Cork
• Galway
• Limerick

Eilanen

• Achill
• Araneilanen
• Blasket-eilanen
• Cleareilaand
• Ierlaand (eilaand)
• Inishbofin
• Skellig-eilanen
• Valentia

Zie ok

• Iern
• Noord-Ierlaand

Referenties

Commons: Ierlaand - plaatjes, filmkes en/of gelüüdsbestanden.