Jöädske Sake

De Jöädske Sake of Kwesty (ouk wal Jöädenvråge of et Jöädenprobleem) was un is en breyd beküerd vrågstükke in med name et Europa van de 19. un 20. eywe. Et güng der oaver wat de landen med jöäden anmusten. Der wör beküerd wat jöäden vöär börgerrechten, wettelike rechten un nationalen un politiken ståtus musten hebben. De jöäden makeden ja mär en klein deyl van de bevolkingen uut un se hölden vake strak vaste an de eygene wetten, gebruken un jiddiske språke. Dat stünd nen houp lüde neet an.

In den Tweyden Wearldoorlog musten jöäden nen armband med dit teyken draegen üm se düdelik as jöäde an to wysen.

Der wörden saken bedacht as jöädenkwota (wodöänig un wovöäle as jöäden togang kreagen töt officiäle ambten) un jöädenwyken. Ouk wör esegd, de jöäden solden sik anpassen un upgån in de meyrderheid. De nazi's in Düütskland wüsten ne Endlösung, ne enduplössing vöär de jöädenvråge: in den Tweyden Wearldoorlog probeerden se jöäden stelselmåtig ümme to brengen in verskillende vernetigingskampen. In sou'n vyv jår tyd wörden dårmed ungeväär 6 miljoon jöäden vermoard. Dissen volkermoard steyt bekend as de Holocaust.

Ouk de jöäden selv hadden ne uplössing: weaderümme når öär beloavde land. Et leidden in 1948 töt et stichten van den ståt Israel.