Jamusukro
höyvdstad van Ivoorküste
(döärstüürd vanaf "Jamoessoekro")
Jamusukro (eygene spelling: Yamoussoukro) is up papyr de höyvdstad van Ivoorküste. Et is ouk en autonoom distrikt. Up grund van de volkstelling van 2014 is Jamusukro de vyvde meystbevolkede stad van Ivoorküste: der woanden 212.670 inwoaners. et distrikt van Jamusukro beslöt 2075 kilometer in et veerkant un ligt 240 kilometer noordwest van Abidjan.
Jamusukro wör in 1983 de officiäle höyvdstad van Ivoorküste, skounwal der in de vöärige höyvdstad, Abidjan, noch altyd verskillende politike ambten sittet. Vöär 2011 höyrden wat nu et distrikt Jamusukro is by de Meyrenstreake. Et distrikt is in 2011 upericht. Et is upedeyld in de afdeylingen Attieguakro un Jamusukro. Allens tohoupe hevt et distrikt 169 neadersettingen.