Jan Hendriks Popping

Jan Hendriks Popping (Oosterwoolde, 9 juli 1852 - 22 meert 1927) was een Stellingwarver boekhandelaar, boekdrokker en publicist, die vanof zo 1900 veural geschiedkundige en oldheidkundige artikels publiceerde.

Popping zien olders waren Hendrik Jan Popping en Antje Cornelis Kleisma. Van beroep was hi'j eerst wolhandelaar en wolvarver. Mit zien vrouwe Elisabeth Frankes van der Horst (1849-1924) kreeg e twee kiender: de laetere archeoloog Hendrik Jan (1885) en Hendrikje (1887).

Tussen et begun van de twintigste ieuw en et ende van de Tweede Wereldoorlog runde Popping mit zien zeune een drokkeri'je in Oosterwoolde. Via dizze drokkeri'je gaven zie et weekblad De Ooststellingwerver uut. Va Popping was ok aktief in de Vereeniging voor Heimatstudie der Stellingwerven.

Jan Hendriks Popping zien Stellingwarfstaelige openlochtspul Uut het Leven wodden in 1918 tweemaol opevoerd in et openlochttheater in de bos van Schottelenburg onder Oosterwoolde. In datzelde jaor verscheen et in drok; et was de eerste wat grotere publikaosie in et Stellingwarfs en wodt enkenmarkt deur een hoge maote van taelverzorging. In 1920 haj in de dunen bi'j Appelsche twee ni'je opvoerings van et stok.

Schrieveri'je bewark

  • Schetsen uit Friesland, in het bijzonder de geschiedenis betreffende Ooststellingwerf, Weststellingwerf, Schoterland, Opsterland en Omstreken van vorige eeuwen. Bijeengebracht door J. H. Popping (Oosterwoolde, 1892)
  • Ooststellingwerf. Verzameling van oudheidkundige aanteekeningen (Oosterwoolde, 1903)
  • Schetsen uit de Geschiedenis van Ooststellingwerf (Oosterwoolde, 1903)
  • Uut het leven: tooneelstok in drie bedrieven in het dialect der Stellingwarvers (Oosterwoolde, 1918)
  • Geschiedkundige aanteekeningen over de Stellingwerven en omstreken (Oosterwoolde, 1920)

Bronnen bewark

  • Henk Bloemhoff, Jurjen van der Kooi, Hermann Niebaum en Siemon Reker (red.) (2008), Handboek Nedersaksische Taal- en Letterkunde, Assen: Van Gorcum, ISBN 978-90-232-4329-8
  Dit stok is eschreven in et Stellingwarfs van Stienwiekerlaand.