Jan Zandbergen (Riessen, 15 juli 1938 - Riessen, 16 juni 2021) was nen Tweantsen dichter en skriewer oet Riessen. Zaandboargen skreef mangs Nederlaandse, mer benaamd völle Riessense limericks, dee as hee zelf (s)limericks neumden weagens de talige gräpkes dee as der in zatten. Doar deed hee dan ook aaltied ne verneamstige sprökke bie. Dee steunden alle wekken in et doomoalige Riessens Niejsblad en in et kwartaalblad 'n Bodbreef van de Kreenk vuur de Tweantse sproake. Do as et Riessens Niejsblad der met oetskeaiden, gung zinne rubriek oawer noar et wekkenblad Hart van Rijssen-Holten.

Van ziene hande zint ook een antal korte verhaalkes bekeand. Disse zint allemoal oetegewen in oetgaves van de Kreenk vuur de Twentse Sproake.

Nöast zin skriefwoark deed Zandbergen ook met in de Riessense Revue en hulp hee met an de Tweantse opera's Scheerbaas van Riessen en Tsaar en Timmerman van Harm oet Riessen. In zien woarkzame leawen deed Zandbergen stukadoren en glaszetten.

In 2017 köm hee nog in et lokale niejs umdat hee 750 slimericks emaakt har.[1]

Zaandboargen was fanatiek hardleuper bie de lokale atletiekverenige. Töt zinnen twee en tachtigsten hef hee dat aait nog probeerd, zelfs doas hee noa zwoare operaties eagenlik nit mear kon. In 2021 veunden de dokters kaanker in de longn bie em. Op 'n zesteenden juni köm hee oet de tied.

Oetgawes bewark

  • (2013) (S)Limerick of (S)Limmer-iej? - Bundel van limericks - Oetegewen in egen behear

Oetgoande koppeling bewark

  1. hartvanrijssen.nl. 'Jan Zandbergen maakt de 750 vol'. Skreven op 22 oktober 2017. Bekekken op 18 juni 2021.