Jannie Bakker-Rietman
Jannie Bakker-Rietman, ok publicerend as Jannie Bakker (Gällemuden, 5 oktober 1953), is een Nedersaksisch schriefster uut Aoveriessel.
Ze studeerde Nederlaands in Stad bij Hendrik Entjes en schref vanof begun jaoren zeuventig gedichten, verhalen en columns in 't Gällemunigers. Stokkies van heur hebt in dagblad de Stentor estaone.
In 1973 naamp ze 't initiatief veur de schrieversveriening de Gællemuniger Taelkrink. Mit de studenten Tim Scherings uut Aisen, Henk Bloemhoff uut Ni'jberkoop en Ton Kolkman uut Eanske begunde ze 't aandere jaor Nedersaksisch literair tiedschrift De Pennevogel.
Bij de Iesselakkedemie kwaamp in 2005 heur dichtbundel Meer geliek as eigen uut. Een centraol thema daorin is de problematiek van een opgruiend gezin. Wieder stiet ze in haoste alle bundels van de Iesselakkedemie waorin de risseltaoten van de tweejaorlijkse schriefwedstried van de akkedemie epubliceerd wördt.
Mit Frank Löwik schreef Jannie Bakker-Rietman 't heufdstok 'Streektaalliteraturen in Overijssel' veur 't Handboek Nedersaksische Taal- en Letterkunde (Van Gorcum, 2008). Ze is lid van de Schrieversbond Oaveriessel en de regionaole warkgroep Noord-West Oaveriesselse Schrieverskring.
Op de Mannefestaosie Nedersaksische literetuur in 2021 dreug ze gedichten veur uut Meer geliek as eigen, zowal as wat neiere gedichten. Dizze keuze wördden openeumen in 't Jaorboek Nedersaksisch 2 (2021).
Bronnen
bewark- Stokkien op Mijn Stad Mijn Dorp
- Henk Bloemhoff, Jurjen van der Kooi, Hermann Niebaum en Siemon Reker (red.) (2008), Handboek Nedersaksische Taal- en Letterkunde, Assen: Van Gorcum
- Henk Bloemhoff en Henk Nijkeuter (red.) (2021), Jaorboek Nedersaksisch 2 (2021), Oosterwoolde; Zwaag: Stichting Sasland i.s.m. boekenbestellen.nl
|
Dit stok is eschreven in 't Zuudwest-Drèents. |