Janny Alberts-Hofman

Janny Alberts-Hofman (Noord-Slien, 1929 - Slien, febrewaori 2008) was een schriefster van Nederlaands- en Drèentstalige varzen en verhalen.

Nao de huusholdschoele hef ze talencursussen en een dreijaorige cursus publiciteit evolgd.

Ze was bestuurslid van de Drentse Schrieverskring en van ’t maondblad Oeze Volk. Mit nog aandern hef ze ’t Biebelboek Jacobus, psalms en gezangen in ’t Drèents ummezet. Heur wark is in Oeze Volk en in verscheiden verzamelbundels verschenen. Heur Nederlaandstalige varzen, verschenen in vier bundels, bint religieus van kerakter.

Ze hef actief ewest in de Nedersaksische taalorgenisatie SONT en was presidente van de Nederlandse Christen Vrouwen Bond.

In Drenthe bint veulen mit heur in de kunde komen deur heur veurlezeri’je op literaire aovenden. Stichting Drentse Taol, de veurloper van ’t Huus van de Taol, hef in 2007 een videopetret van heur emeuken.

Wark bewark

  • Het spinnewiel (gedichten, Assen, 1978)
  • De draod löp deur (gedichten, Assen, 1980)
  • Um hoes en hof (verhalen, Assen, 1980)
  • Gods glimlach (1984)
  • Geef mij uw hand (1985)
  • Terug naar de Bron (1987)
  • Liesterkrallen (gedichten, Zuudwolde, 1987)
  • Groeien naar het licht (1990)
  • Stemmen in de wind (1997)
  • Het zingende zaand (gedichten, Zuudwolde, 2004)

Bronnen bewark

  Dit stok is eschreven in ’t Zuudwest-Zuud-Drèents van de Drèents-Oaveriesselse grèensstreek.