John Gillatt
John Gillatt (Peterborough, 17 augustus 1929 - ok daor, 4 november 2016) was een Engelse tiekender van stripverhalen.
Gillatt studeerde an 't Leicester College of Art en was veureerst reclametiekender. In 1956 trouwde-n-e mit Josephine Wright; 't stel zol drei kiender kriegen. Van 1957 töt end 1990 tiekende Gillatt verscheiden strips die deur IPC/Fleetway uutegeven wördden. Nao dizze periode bleef e töt 2003 strips en umslagillustraties maken. Mit scenarist Fred Baker maakte hij de voetbalstrip Billy's Boots. Wieder tiekende Gillatt Johnny Cougar, aover een Amerikaans-Indiaanse wörstelaar, de science-fictionstrips Jet-Ace Logan en Dan Dare, en nog aandere titels. Veur de Daily Mail tiekende hij de voetbalstrip Scorer.
Billy's Boots leup hiel best in Nederlaand (as De wondersloffen van Sjakie), en veur 24 van de 33 albums die der in Nederlaand verschenen maakte Gillatt een originele umslagillustratie. Nao een beroerte in 2003 mus e uutscheiden mit de strip Scorer daor as e doedestieds an warkte. In 2016 had e aandermaol een beroerte, en de leste maonden van zien leven zat e in een verzörgingshuus in zien geboorteplaatse.
Bronnen
bewark
|
Dit artikel is eschreven in 't Zuudwest-Drèents. |