Joppiesaus[1] is ne koalde, gellige saus. t Is ne saus dee te kriegn is in verskeidene kafetaria's in Nederlaand en België. De saus wörd gewoonlik ovver de patat doan, of verskeidene snacks en hambörgers. t Wör bedacht deur n oetbater van n etkroam in Glanerbrug in Tweante.

Joppiesaus

Smaak en inhoald bewark

Joppiesaus besteet net as de meeste sauzn oet öllie, water en nen menghulpstof (emulgator). Wieders zitt dr ok siepeln en kerrie deur, dee'j ok good preuvn köant. t Oorspronkelike resept van joppiesaus is nich openboar, moar op t internet goat verskilnde reseptn roond dee wat smaak angeet redelik in de buurte komt van t echte. Vaak steet in dee reseptn da'j mayonaise, curry en siepeln saamn met kerrie in ne bepoalde verhoalding onmeundig fien mut moaln en mengn. Zo wörd vaak ok "spesjaal" maakt.

De smaak "Patatje Joppie" wun in 2010 de "Maak de smaak"-wedstried van sjipsfabrikaant Lays.[2]

Ok hef de maker van Joppiesaus, Elite Salades & Snacks B.V. oet Nee in n Achterhook ne Joppie salade maakt.

Produksie bewark

Joppiesaus wörd maakt bie Elite Salades & Snacks B.V. in Nee. Zee hebt t resept van etkroam Annie's Snackbar oet Glanerbrug ovverkocht en hebt ook de rechten op t meark "Joppiesaus".[3]

Oetgoande koppeling bewark

Verwiezings bewark

  1. Steet as “Joppie saus” inskrevn bie t BBIE, moar heurt noar Nederlaandse skriefwieze zoonder spaatsie schrevn te wordn.
  2. www.distrifood.nl, bekekn op 12 december 2010
  3. Joppie saus in de mearknlieste van t BBIE.