Uui

De uui (Allium cepa) is een bolgewas dat tegesworig overal ter wereld egeten wort. Uut ouwe geschriften van 3000 veur Christus bliekt dat de uui veur 't eerst in delen van Azië verbouwd worde. In disse periode kwam de uui oek veur in China en laoter oek in 't ouwe India. Vanuut India is de uui naor Griekenland en Egypte ebrocht. In versieringen en hiërogliefen van piremides komt de uui vaak veur. Piremidebouwers kregen uuien as ransoen. Der worde an-eneumen dat de uui de fysieke kracht bevorderde en ziektes tegenging. Uuien worden oek in graftombes eleid veur in 't volgende leven. 't Was tegeliekertied voedsel en medesien tiejens de reis naor 't hiernaomaols. Oek zou de schel deur de structuur ezien worren as een symbool van eeuwigheid.

Uuien

Inhoudsstoffen

100 gram vaarse (rauwe) uui bevat gemiddeld 10 g koolhydraoten, 1 g eiwit en 0,3 g vet. Veerder an mineraolen 30 mg calcium, 0,5 mg iesder en an vitemines 0,03 mg B1, 0,02 mg B2 en 10 mg C. De energieweerde van 100 g is 197 kilojoule.

Zie oek

• Uuierats

Nedersaksisch

• Achterhooks:
  • siepel
  • look
• Grunnegs: siepel
• Drèents: siepel
• Sallaans: siepel, look (westelik)
• Stellingwarfs: siepel
• Tweants: siepel
• Veluws:
  • uui(e)
  • ui(e)
  • u (Armelo, Putten, Niekark, Barreveld, Luntere)
  • uj (Klanenbeek)
  • juin (Apeldoorne)
  • look*

Disse pagina is eschreven in 't Putters