Kallebroek (Nederlaands: Kallenbroek) is n buurtschap in de gemeente Barreveld, in de Nederlaandse provinsie Gelderlaand. t Ligt ten westen van t daarp Barreveld. Deur de kombinaosie van t bosrieke laandgoed Erika en t boeren karakter van de buurtschap staon t laandgoed en de buurtschap ok wel bekend as t Paradies.

De naom van de plaots is te verklaoren deurdat de waoterstroom, de Esvelderbeek, bie de plaots kouwer was as bie aandere plaotsen. n Letterlike vertaoling van Kallebroek zou kouwerbroek of kouwerwaoter eweest hen.

De plaots staot bekend um de wiendkorenmeul Den Olden Florus, die ok wel de Kallebroeker Meul eneumd wort. Hoe oud de meul noe krek is is niet bekend; de oudste verwiezing stamt uut 1403. De meul zo as die noe is mot veur 1584 ebouwd wezen. De meul is daornao verschillende keren op-eknapt.


Dit artikel is eskreaven in et westveluwske dialekt van Barreveld, in de Algemene Nedersaksiese Schriefwieze.