Kampanie

Kampanie (italiaansk: [kamˈpaːnja], napolitaansk: [kamˈbɑːnjə]) is ne streake in et süden van Italie. De kleine Phlegraeaanske eilanden en et eiland Kapri höyrt der by an. Der woanet sou'n 5,5 miljoon lüde. De höyvdstad van de streake is Napels. Kampanie is bekend weagens et groute kultureel belang van de streake. Van de 58 italiaanske steades up de wearldarvgoodlyste van UNESCO ligget der 10 in Kampanie, sou as Pompeii, Herkulaneum, Oplontis, Paestum, Aeklanum, Stabiae en Velia, mär ouk de olde binnenstad van Napels. Wyders is de streake bekend üm et gode eaten, klassike musik en bewårde skatten uut de romeinske en greekske tyd. Ouk vanweage de mooie natuur en de Amalfiküste kummet der vöäle turisten up af.