Karantäne

Karantäne is een afsündering van meansk of deer by verdenking van besmetting mid een gevårlike seekde. De düür van de isolaty hangt af van de inkubatytyd van de seekde. By epidemyen en pandemyen, wår der beparkingen gelden vöär een groutere bevolking, wördt der espröäken van sociale distansiering.

Seinvlagge L dee in havens gebrüked wördt as internationale karantänevlagge

GeskydenisseBewarken

 
Twey leprapatienten dee de stad neet inmaggen. Holtsneade van Vincent de Beauvais, 14. eyw.

Eyn van de eyrste verwysingen nå soortgelyke måtregels stamt üüt 7. eyw v. Chr. en üüt et darde book Levitikus, üüt de Bybel. Dår steyt: "Solange as de kwål düürt blivt he unrein. As eyne dee unrein is, müt he ampart wunnen en büten et leagerkamp blyven."[1]

Leprakolonys en lazaretten binnen formen van karantäne en binnen ooit in et leaven eröpen üm de verspreiding van lepra en andere besmettelike seekdes te vöärkummen, totdat der meyr oaver bekend was en der effektivere behandelingsmetoden vöär untwikkeld wördden.

Et woord karantäne kümt via et franske quarantaine van de italiaanske term quarantena, en beteykent "veertig( )dagen(periode)". De term is untstån in Venetie wår de bemanning van skeapen dee üüt veare landen ankwammen veertig dagen an boord blyven mosten vöärdat se de haven in mochten, üm üüt te slüten dat der geen pest of andere besmettelike seekde an boord was. De regel solde syn oorsprung in Dubrovnik hebben en is rund de 14. eyw inevoord nå de Swarte Doud.

VerwysingenBewarken

  1. De Grunneger Biebel: Levitikus 13:46
  Dit artikel is eskreaven in et westveluwsk, in de Nysassiske Skryvwyse.