Katliek
Katliek (Nederlaans: Katlijk, Fries: Ketlik) is een dörpien in de Nederlaanse gemiente Et Vene in de perveensie Frieslaand. Katliek had begin 2007 omdebi'j de 634 inwoners. De naeme komt lichtkaans van kat dat aarme grond betekent en leke dat waeterlossing betekent. De naeme zol ok van et woord katteliek of kunnen kommen.
Geschiedenis bewark
De geschiedenis van Katliek gaot weerom tot in de dattiende ieuw. Et is bekend dat d'r in 1254 een kapel ston, waor langzem een buurtschop ontston. In 1525 kreeg de buurtschop een eigen karke, de hudige Thomaskarke, waordeur et echt een dörp wodde. In de zestiende ieuw wodde Katliek een turfdörp, omdat et veur een compagnie turf produceerde. Katliek beston overigens lange tied uut twie verschillende buurtschoppen: Groot Katliek en Klein Katliek.
In 2003 beston Plaatselijk Belang Katlijk 75 jaor, wat reden was veur een boek over Katliek. Verschillende Katliekers hebben vuuf jaor lange de hanen inmekeer sleugen om et boek, dat uut 192 bladzieden bestaot, tot staand te brengen. Geert Mak schreef et veurwoord; hi'j kent et dörp goed omdat hi'j d'r vaeke komt. Et boek is 2004 uutbrocht.
Naost de karke staot ok ien van de klokkestoelen in Frieslaand. Disse klokkestoel wodt ok bruukt veur Sunte-Thomasluden.