Keatelklopperspråke

Keatelklopperspråke is en platdüütsk sociolekt, dat in 't midden van den 19en jårhunderd upköm. Havenarbeiders in den hambürger haven un warkers by de reyperbåne brukeden disse språke.

Keatelkloppers, wårvan as de språke synen naam vord hevt, hadden de upgave üm keatelsteynen uut stoumskeape to kloppen. Der wördt dacht dat keatelklopperspråke in de krämpe ruumdes van de keatels beater to verstån was, mär of dit sou is sint lüde 't noch nich oaver eyns. Ouk as geheimspråke wör de keatelklopperspråke bruked, vöäral ümendeby den Tweyden Wearldoorlog.

Keatelklopperspråke hevt 't platdüütsk as grundlage. Klinkers an et begin van nen lettergreap wördet dårby an 't end setted, un den i wördt dårachter hangen.

Vöärbeald:

Esthi udi ali atwi eteni? (Kedelkloppersprook)

Hest du al wat eten? (Plattdüütsch)

De öldste oaverleavering van de keatelklopperspråke is ne upname van 't „Hamborger keddelklopper-leed" döär den sanger Charly Wittong (Carl Wittmaack,1876 -1943) uut 't jår 1925. Hyrunder ståt de eyste veer rygen van 't refrein.

Wi sünd Amborgerhi Etelki-Opperkli,

wi arbeit`t öbendri bi Ohmbli und Oßvi,

sünd üzfidelkri un ümmer opperpri,

kaut Attenswi un hebt ändlischi Ostdi.

.

Wi sünd Hamborger Ketelklopper,

wi arbeidt dröben bi Blohm un Voß,

sünd krüzfidel un ümmer propper

kaut Swatten un hebt schändli Dost.

In de 1930er jåren was de tyd van de stoumskeaperye, un dårmed ouk tyd van 't gebruuk van de språke, meystendeyls vöärby. 't Gebruuk by enkele geleagenheyden is töt in de 1960er jåren nåwysbår.