Klaus-Groth-Pries
De Klaus-Groth-Pries is een Nedersaksische literatuurpries veur dichtwark, vernuumd naor de beroemde Platduutse dichter en schriever Klaus Groth. An de pries zit een bedrag van 3000 euro vaste.
Een eerste pries mit dizze name wördden inericht in 1939, een paar maond veur 't begun van de Tweede Wereldoorlog, deur de Vereinigung Niederdeutsches Hamburg en de Westfälischen Heimatbund. De pries mus alle twee jaoren mit een bedrag van duzend rieksmark uuteloofd wörden. De eerste uutreiking vund plaats in 't kader van de 120ste geboortedag van Klaus Groth en gunk naor de Zoerlaandse streektaaldichteres Christine Koch.
Van 1956 töt 1984 wördden de pries uutereikt deur de Alfred Toepfer Stiftung F. V. S.; later wördden det alle twee of drei jaor edaone deur de stad De Heid in Sleeswiek-Holstien. In 1984 wördden de zes Platduutse priezen van de stichting, waoronder de Richard-Ohnsorg-Pries, de Fritz-Stavenhagen-Pries en de Hans-Böttcher-Pries, samenevoegd as de Fritz-Reuter-Pries.
In 2004 stelde de Platduutse schriever Karl-Heinz Groth de pries opnei in as de Klaus-Groth-Pries van de stad De Heid.
Winnaars
bewark- 1939: Christine Koch
- 1952: Berend de Vries en Heinrich Wienke
- 1956: Hermann Claudius
- 1958: Otto Tenne
- 1960: Carl Budich
- 1963: Norbert Johannimloh
- 1966: Johann Diedrich Bellmann
- 1968: Hans Ehrke
- 1971: Oswald Andrae
- 1975: Siegfried Kessemeier
- 1978: Peter Kuhweide
- 1981: Greta Schoon
- 1984: Aloys Terbille en Jürgen Kropp (anfieterpries, ienmaolig uuteloofd)
- 2004: Willi Gerbode
- 2007: Jürgen Kropp veur de gedichtencyclus Afdanz
- 2009: Jürgen Heitmann veur de gedichten sotoseggen, tegenaan, tiedenwessel en koppheister
- 2011: Birgit Lemmermann
- 2013: Jürgen Kropp veur de gedichtencyclus Ganz alleen. En Dodendanz
- 2015: Rainer Prüß
- 2019: Martha-Luise Lessing