Knippe

Ne Knippe is n buulken of täsken woerin at geeld bewoard wörd. Aandere wöarde hievuur beent portemonnee wat van t Fraanse: porte (dreagn) + monnaie (meuntgeeld) ofkeump, en portefeuille, woerin at feuille breefgeeld beteeknt. In t Tweants wordt disse wöarde as gräpken nog wal es bie mekoar edoan: portemoknippe. Aandere wöarde beent geeldbuul of beurze.

Ne knippe met verskeaidene väks

n Naamn knippe keump woarskienlik van de oolderwetse sloeting dee't op wat oolde knipn zat. Det warn twee iezerne pennkes dee't achter mekoar haakn, woerduur n buul wat an de knippe zat of eslötn was. Um de knippe lös te doon mossen de pennekes laanks mekoar hen eskeuwn wordn.

Rechtevoort wordt knipn zo in-edeeld det dr beaide meunt- en breefgeeld in kan. Ook wordt dr spesjale väks emaakt woerin a'j betaalkaartn in köant skoewn. Mangs hebt ze zelfs spesjale väks vuur t riebewies en de OV-joarkaarte vuur studeantn.

Knipn bestoat in verskeaidene vörme, mear de meest gebroekelike beent de wat kleaindere modeln dee at in n boksntuk estökn köant wordn. Knipn vuur vrouwleu verskilt mear in grötte, umdet dee t deenk nog was es in n haandtäske doot.

Neersassies

t Neersassies keant n antal oetdrukkings dee at met de knippe van doon hebt. As ene bv. völle mut betaaln, kan'e zegn: Det dut mie zear in de knippe. Kleaingeeld bie mekoar zeukn wörd ook wal in de knippe krabn eneumd, en as dr betaald mut wordn, doot leu de knippe trekn.

• Grunnegs:
  • puut of pong(e)(l) (letterlieks vertoald noar t Nederlaands: zakje/buideltje)
    • "Penningmeester": puutholder
  • knip of klip (noam komt van t ding mit de Nederlaandse noam "klapportemonnee")
  • buutse (figuurlieks: sìnten ien buutse = geld op zak)
• Tweants:
  • knippe
  • portemonnee
  • beurze
• Veluws: knip(pe)