Kuusjen

Een kuusjen of een kalf is 't jong van een koe. Een kuusjen die nog mar net geboren is wort in 't Nederlans een nuchter kalf (nuka) eneumd, in 't Putters wort dit verschil meestal niet emaakt. Een vrouwelijk kuusjen wort een kuuskalf of een veers eneumd en een mannelijk kuusjen wort een bulkalf eneumd.

Kuusjes in de wei

Kuusjes op een rie

Een kuusjen kan oek een volwassen koe wezen, in disse betekenis is 't woord kuusjen dus een koosnaam, dit is oengeveer 'tzelfde as 't Nederlanse woord koetje.

Een kalf weegt bie de geboorte oengeveer 40 kilo. Umdat een kuusjen nog niet zoveul ofweer het, is 't belangriek dat 't de eerste paor dagen biest van zien eigen moer kriegt. Een kuusjen die bie zien moer vort-ehaold is, drinkt biest uut een nemmer, waor een speun opzit, zodat de koe makkelijker kan drinken. Naor een paor dagen biest, komt de gewone melk op gang bie de koe.

't Eerste half jaor gaot 't kuusjen nog niet naor buten toe en kriegt 't gien kuulgres um een meugelijke besmetting mit parretuberkelose te veurkommen.

Naor tien dagen gaon de meeste bulkalvers as vleiskalvers naor een slachterie; een paor bulkalvers worren ehouwen as dekbullen.

In de netuur worren kuusjes tussen de zes en elf maonden espeund, ofhankelijk van 't ras. De melkpreduktie van een koe zit op 't hoogste nivo tussen de zes en acht weken naor de geboorte van heur kuusjen. Daornao neemt de preduktie langzaaman of en zal 't kuusjen meer vast voedsel gaon eten. As een kuusjen een jaor oud is, weegt 't oengeveer 350 kilo en wort 't een pink eneumd.

Zie oek

• Kuuskalf
• Pinke

Nedersaksisch

• Drèents:
  • kaalf, kalf (meervoud kalver)
  • kiesien (Ni'jlusen)
  • sukkien (Ni'jlusen)
  • veerska(a)lf (vrouwgien)
  • bolle, bollegie(n), bolka(a)lf (mannegien)
• Grunnegs: kaalf
• Stellingwarfs: (koe)kalf, kalfien
• Tweants: kalf, kälfken
• Veluws: kalf, kuusje(n)

Commons: Kuusjen - plaatjes, filmkes en/of gelüüdsbestanden.

Disse pagina is eschreven in 't Putters