Heufdmenu losdoon

Wikipedie β

Laand van Maas en Waal

Lokasie

Et Laand van Maas en Waal is ne streke in de Nederlandse previnsie Gelderlaand, elaegen tussen de revieren den Maas en den Waal. Et gebeed ligt ten westen van et Riek van Nimwaege, ten zuden van de Betuwe en ten noorden van de provinsie Noord-Braobant. De regio umvat twee gemeenten West Maas en Waal en Druten mit doarin de plaetse Dreumel, Wamel, Beneden Leeuwen, Boven Leeuwen, Druten, Puiflijk, Afferden, Deest, Horssen, Alphen, Maasbommel, Appeltern en Altforst

Et belangriekste darp in et oosteleke deel van et Laand van Maas en Waal is Druten, in et westeleke deel is Beneden-Leeuwen et belangriekste darp.

Et gebeed is pas late in de twintigste eeuwe ontslotten; doarveur was et vri-j of-eslotten. Dit kump deur de natuurleke ofsluuting van in- en deurgängen van den Waal en den Maas. Wie doar neet möt waen, geet doar ok neet deurhen. De leu bunt oaverwaegend Rooms-Katteliek, howal in de tied van de Republiek tevergaefs is probierd de reformasie doar in te vuurn. Et was n arm en achter-esteld gebeed, van woaruut ok völle leu bunt weg-etrokken.

Et Maas-en-Waals dialekt lik stark op et Braobants en beheurlek kenmarkend veur et revierengebeed.

An et ende van de twintegste eeuwe raken et gebeed zeer in trek as oaverlop van de Raandstad. Historiese diekdarpen bunt ewild bi-j Nederlaanders dee röste en ruumte zeukt, moar toch vri-j rap in de Randstad wilt waen.

In 1995 - mit de bi-jnoa watersnood - wodden n deel van Maas en Waal ontruumd. Doarnoa wodden de dieken, ondanks eerder protest van natuur- en milieubewaegingen, verbreed en verheugd.

Uutgoande verwiezingenBewarken