Lewis Hamilton

Lewis Carl Davidson Hamilton MBE (geboaren 7 january 1985) is nen britsken autokoureur den rydet in de Formule Eyn vöär Mercedes AMG Petronas. Synde nen siesmalig Formule Eyn werldkampioon, wördet hy wyd esen as eynen van de gröytste koureurs in de geskydenis van den sport en döär sümmigen as den besten allertyden. Hy wön syne eyrste werldkampioonskapstitel med McLaren in 2008, dårnå verhüseden hy når Mercedes, wår hy noch vyv titels hevt ewönnen. As eynen van de meyst süksesvülle koureurs in de geskydenis van den sport, is Hamilton med ses werldtitels den tweyden allertyden, net as med syn 95 raceoaverwinningen en syn 165 podiümfinishes. Hy hevt momenteel de rekords vöär de meyste karrierepünten allertyden (3778), de meyste pole positions allertyden (98), de meyste grand salms in eyn seisoon (3) en et höygsten antal pünten in eyn seisoon (413).

Terwyl hy geboaren wyr en upegröieden in Stevenage, Hertfordshire, begön Hamiltons interesse in et racen doo synen våder hem nen radiografisk bestüürbåren auto köcheden as hy sesse waren. Hy teakenden by McLarens Young Driver Support Programme in 1998, nådat hy McLarenteambås Ron Dennis benadereden by nen uutreikingsceremony dree jår dårvöär en sei "up nen dag wül ik in ow wågens ryden". Nå et winnen van de britske Formule Renault, Formule 3 Euro Series en GP2 kampioonskappen, underweg ümhoog up de racekarrierelere, maken hy twålv jår nå syn eyrste üntmoting med Dennis syn Formule Eyn-debuut vöär McLaren in 2007. Ümdat hy van nen emengeden achtergrund kümmet, med nen swarten våder en ne witte moder, is Hamilton den eyrsten en eynigen swarten koureur den in de Formule Eyn rydet.

In syn eyrsten seisoon in de Formule Eyn, haleden Hamilton verskydene rekords as hy tweyds endigeden in et seisoon 2007 achter Kimi Räikkönen med precys eyn punt verskil, inklusiv dy vöär de meyste podiumfinishes up ne ry van nen debuut (9), de edeyled meyste oaverwinningen in nen debuutseisoon (4) en de meyste punten in nen debuutseisoon (109). Et völgenden seisoon, wön hy syne eyrste titel up dramatiske wyse; in den låtsten hook van de låtste runde in de låtste race van et seisoon, wårdöär hy den toonmålig jüngsten Formule Eyn werldkampioon in de geskydenis wyr. Nå noch veer jår by McLaren sünder noch höyger as veerdes in de individuele standen too endigen, teakeneden Hamilton by Mercedes in 2013, sich hereynigend med synen kartteammåt uut synen jöögd, Nico Rosberg. In syn eyrsten seisoon, endigeden hy wederüm veerdes, de darde mål in vyv jår.

Twey süksesvülle seisonen völgeden as Hamilton syne tweyde en darde titel wön. Hamilton wön 11 races in 2014, in nen swår bevöchten kampioonskapsgevecht med Nico Rosberg, beslissed in de låtste race van et seisoon, wår Hamilton den oaverwinning behåleden üm sich van syne tweyde werldkampioonskapstitel too verseakeren. Et seisoon dårnå stelleden Hamilton syne darde werldtitel veilig med dree races too gån, in nen seisoon wårin hy nen rekordantal van 17 mål up et podium endigeden en kwam hy med dree wereldkampioonskappen up gelyke höygte med synen held Ayrton Senna. Nådat hy tweyds endigen achter Nico Rosberg in 2016 en Rosberg was estopped, wyr Sebastian Vettel van Ferrari den dichtsten rivål van Hamilton wårby de twey twey intense kampioonskapgevechten hadden, mår Hamilton was uutendelik den besten en behåleden vöär de tweyde mål twey achtereynvölgende titels, in 2017 en 2018. Nen darden en veerden werldtitel völgeden in 2019 en 2020, wårmed hy nen veertal van upeynvölgende titels vervolmåkeden, wat syn totål up seaven werldtitels bracht, in antal titels now gelyk met den seavenmåligen werldkampioon Michael Schumacher.

Vroggen leaven

Hamilton wyr geboaren up 7 january 1985 in Stevenage, Hertfordshire, Engeland. Skonwal wyd verspreid is dat hy enömd sol wean når den amerikånsken sprinter Carl Lewis, segt Hamilton dat dit neet et geval is. Hamiltons moder, Carmen (Larbalestier), is blank britsk, terwyl syn våder, Anthony Hamilton, swart britsk, wat hem van emenged ras mikt; hy süt sichsülv as swarten. Lewis' olders skeidden doo hy twey was; dårdöär, woanen hy by syne moder en halvsüsters töt hy twålv wyr, doo hy gin woanen by syne våder, styvmoder Linda en halvbroder Nicolas, ok nen professioneel koureur, den cerebrale verlamming hevt. Begin 2011 teakenen Nicolas by Total Control Racing üm syne racekarierre too starten in de Renault Clio Cup van 2011. Hamilton wyr upevood as roomsk katolyk.

Anthony Hamilton, Lewis synen våder en toonmåligen manager, vyrt feest med synen sön nå den brasiliaansken Grand Prix van 2008.

Hamiltons våder köcht hem nen radiografisk bestüürbåren auto in 1991, den hem et eyrsten gevuul van racekompetitsy gaven. Hamilton wyr tweyds in et nationalen BRCA kampioonskap et völgenden jår. Hy sei oaver den tyd: "Ik bestüren disse avstandsbestüürbåre autos en wön klubkampioonskappen van vulwaskenen". Dårdöär köcht synen våder hem synen eyrsten kartauto as nen karstkado up nen leaftyd van ses jåren old. Syn våder sei hem dat hy syne racekarierre understütten sol so lang as hy hard warken vöär skole. Üm synen sön stüt too geaven, deed Anthony avstand van syne båne as nen informatsytechnologymanager en wyr nen kontrakteur; sums warken hy in dree bånen tegelyk, terwyl hy ok noch by alle races van syn söne anweasig was. Anthony setten låter syn eigenen komputerbedryv up, terwyl hy Lewis noch steads managen. Lewis be-endigen syn warkbetrekking med synen våder begin 2010 en teakenen in määrt 2011 nen managementdeal med Simon Fuller syn firma XIX Entertainment. In november 2014 kondigen Hamilton an dat hy syn managementkonkrakt med Fuller neet hernyen sol.

Lewis Hamilton sat up skole up The John Henry Newman School, ne döär vrywilligers eleide katolyke middelbåre skole in Stevenage, Hertfordshire. Nevven et racen, spelen hy played vootbal vöär syn skoleteam med den engelsken internationalen middenvelder Ashley Young. Hamilton, nen Arsenal fan, sei dat hy vootballer ewest wart as hy de Formule Eyn neet had ehåld ov nen kriketer, ümdat hy beyde espöld hevt vöär syne skoleteams. In february 2001 begön hy ne study an de Cambridge Arts and Sciences (CATS), nen privaat sesde vörm kollege in Cambridge. Doo hy vyv jår was, nam Hamilton karatelessen üm sichsülv too verdeadigen vanweagen et pesten up skole; later, learen hy nen eynwyler te beryden, as deyl van syne kartrivaliteyt med tookümstigen F1 Mercedes-teammåt Nico Rosberg, den der al eynen beryden kön.

Vrogge karriere

1993–2000: Karten

Hamilton begön med karten in 1993, doo hy acht was, up et Rye House Kart Circuit en begön al snel races en Cadetklasse-kampioonskappen too winnen. Twey jåren låter, benåderen hy McLaren F1 teambås Ron Dennis vöär ne handteakening en sei hem, "Hallo. Ik bün Lewis Hamilton. Ik wön et britsken kampioonskap en up nen dag wül ik in ow wågens ryden." Dennis skrev in syn handteakeningenbook, "Bel myn oaver neagen jår, dan reagelt wy wat." Hamilton reyd vöär Zip Young Guns Karting Team van Marvin Hines. Up de leavtyd van 12 jår was syne ryvårdigheyd sodånig houg dat Ladbrokes ne weddenskap annam, 40 üm 1, dat Hamilton vöär syne 23e nen Formule Eyn Grand Prix ewönnen had; nen anderen vöärspellen, 150 üm 1, dat hy et World Drivers' Championship ewönnen had vöärdat hy 25 was. Vanav de Cadetrangen bevörderen hy når Junior Yamaha (1997) en Dennis roopen Hamilton uutendelik in 1998 by sich nådat hy noch ne Super One serie en syn tweyden britsken kampioonskap. Dennis kwam syne belovte nå en teakenen Hamilton vöär et McLaren driver development program. In dit kontrakt is ne optsy vöär nen tookümstig stuulken in de Formule Eyn, wat Hamilton uutendelik den jüngsten ryder oit maken den nen kontrakt teakenen dat låter leiden töt ne Formule Eynkarriere.

Hamilton rükkeden wyder up in de Intercontinental A (1999), Formule A (2000) en Formule Super A (2001) rangen en wyr europeesk kampioon in 2000 med maximåle pünten. In de Formule A en Formule Super A, rydend vöär TeamMBM.com, was Nico Rosberg syn teammåt, den låter ryden sol vöär de Williams en Mercedesteams in de Formule Eyn; sy sollen låter wederüm in eyn team sitten by Mercedes in 2013. Volgend up syne kartsuksessen maken den britsken Racing Drivers' Club hem töt "Rysende ster" lid in 2000.

In 2001 maken Michael Schumacher ne eynmålige terügkeer når et karten en ryden teagen Hamilton as ok teagen andere tookümstige F1 koureurs Vitantonio Liuzzi en Nico Rosberg. Hamilton endigeden uutendelik seavendes, veer plaatsen achter Schumacher. Skonwal de twey mekare wenig sagen up de båne, prees Schumacher den jungen Brit.

2001–2005: Formule Renault en Formule Dree

Hamilton begön syne autosportkarriere in de britske Formule Renault Winter Series van 2001. Undanks dat hy crashen in syne darde ründe in de wågen tydens et testen, endigen hy vyvdes in den endstand in de winterserys. Dit leidden töt ne vulledige Formule Renault UK kampagne med Manor Motorsport in 2002. Hamilton beendigen et klassement as darden med dree oaverwinningen en dree pole positions. Hy blev nöch nen jår by Manor en wön et kampioonskap med tyn oaverwinningen en 419 punten teagenoaver de twey oaverwinningen en 377 punten van syn nöästen rivaal, Alex Lloyd. Ümdat hy et kampioonskap al te pakken had, missen Hamilton de låtste twey races van et seisoon üm syn debuut te måken in de seisoonsfinale van et britsken Formule 3 kampioonskap. Hyr was hy minder suksesvul: de eyrste race mus hy verlåten med nen platten band en in de tweyde vilen hy uut döär nen crash en wyr hy når et sykenhuus ebröcht nå ne botsing med syn teammåt Tor Graves. Hy kön syne snelheyd wal tonen tydens sowal den Macau Grand Prix as den Korea Super Prix, in de låtstenuumde startten hy up pole position by syne eyrste uptreaden up de båne en in pas syne veerde F3 race. Doo hy in 2002 bevrågd wyr oaver et vöäruutsicht üm eyn van de jüngste Formule Eyn koureurs oit te wörden, antwoordden Hamilton dat syn dool was "neet den jüngsten in de F1 te wean ...[mår] üm ervåringe up te doon en dan te låten sen wat ik kan in de F1".

Låter in 2004, wül Williams ankundigen dat sy dichte by ne handteakening van Hamilton waren, mår sy deden et neet ümdat BMW, öär motorleverancyr up dat moment, hem neet wul financieren. Hy teakeneden uutendelik upny by McLaren en måkeden syne debuut vöär Manor in de Formule 3 Euro Series van 2004. Sy wönnen eyn race en Hamilton endigen et jår as vyvden in et kampioonskap. Hy wön den F3 Superprix van Bahrein en ryen eyn van de F3 Groute Prys van Makau. Hamilton testten end 2004 vöär et eyrste vöär McLaren up Silverstone.

Hamilton ging oaver når de regerende Euro Series kampionen ASM vöär et seisoon 2005 en dominereden et kampioonskap, wårby hy 15 van de 20 runden wön. Dit hadden der 16 können wean mår hy wyr ediskwalificered vöär de oaverwinning up Spa-Francorchamps vanweagen nen technisk mankement dat ok verskydene andere koureurs uutschakeleden. Hy wön ok de Marlboro Masters of Formula 3 in Zandvoort. Nå et seisoon leet et britsken tydskrivt Autosport hem vöärkommen in öär "Top 50 koureurs van 2005" uutgåve en plaatsden Hamilton as 24en.

Seisoon van 2006: GP2

Vanweagen syn sukses in de Formule Dree ging hy vöär 2006 oaver når ASMs süsterteam ART Grand Prix in den GP2 . Net as öär süsterteam in de F3 waren ART de leiders van et veld en regerende kampionen ümdat sy in 2005 den GP2-kroun behåld hadden med Nico Rosberg. Hamilton wön et GP2-kampioonskap by syne eyrste poging, wårby hy Nelson Piquet Jr. en Timo Glock versloog.

Under Hamiltons prestatsys was ouk ne dominante oaverwinning op de Nürburgringe, ündanks nen strav vöär versnellen in de pitstråte. Tydens syne thuusrace up Silverstone, as understötting vöär den britsken Grand Prix, haleden Hamilton twey rivalen in by Becketts, ne serie buchten up houge snelheyd (töt 150 myl per üre (240 km per üre in nen GP2-wågen) wår inhålen seldsåm is. In Istanbul herstellen hy van nen drai den hem når de achttynde plaatse terügwörpen döär de tweyde positsy te pakken in de låtste buchten. Hamilton wön de titel under üngewöäne umstandigheyden, wårby hy et låtsten punt dat hy nöydig had kreg nådat Giorgio Pantano syne snelste runde in den Monza demonstratsywedstryd avenömmen wyr. In de sprintrace, skonwal hy tweyds endigen en Piquet sesdes, stünd hy 12 punten lös van synen rivål.

Syn GP2-kampioonskap kwam tegelyk med ne leyge plaatse by McLaren nå et vertrek van Juan Pablo Montoya når NASCAR en van Kimi Räikkönen når Ferrari. Nå månden van spekulåtsy oaver ov Hamilton, Pedro de la Rosa ov Gary Paffett vöär 2007 nevven den verdeydigenden kampioon Fernando Alonso plaatse möcht nemmen, wyr Hamilton bevestigd as tweyden koureur van et team. Hem wyr an et ende van september vertelled van McLarens besluut, mår et niuws wyr noch bynå twey månden neet bekend emåked uut angst dat et oaverskadüwd wyr döär de ankondiging van Michael Schumachers pensioon.

Formule Eynkarriere

McLaren

Et seisoon van 2007: En rekordbreakend beginnersjår

Hamiltons eyrste Formule Eynoaverwinning kwam by den kanadeesken Grouten Prys van 2007

In syn eyrsten seisoon in de Formule Eyn ryeden Hamilton nevven verdeydigend dübbelen werldkampioon Fernando Alonso, den by McLaren was ekommen nådat hy Renault verlåten had. By syn debut by den australisken Grand Prix, endigden hy dardes in de race, wårmed hy den 13en koureur wear den up et podium endigden by syn debut (utgesünderd dee in de eyrste werldkampioonskapsrunde oit). In Bahrein en Barcelona, endigden Hamilton as tweyden achter Felipe Massa en nam sou de leiding in et individuelen kampioonskap, wat beteykenden dat Hamilton den jüngsten koureur oit wear den nen werldkampioonskap leidden.

Hamilton endigden tweyds achter Alonso in Monaco en achterav suggereden hy dat hy was teageneholden üm teagen synen teammåt too racen. De FIA sprak McLaren vry nå nen undersuuk. Hamilton had sowal syne eyrste pole position as syne eyrste oaverwinning van syne F1-karriere in den kanadeesken Grand Prix in Montreal. Ne wekke låter wön Hamilton den Grouten Prys van de Vereynigde Ståten, wårmed hy den eyrsten Brit sinds John Watson in 1983 wyr, den ne F1 race wön in de VS.

Döär dardes too endigen up Magny-Cours achter Ferrarikoureurs Kimi Räikkönen en Felipe Massa, breidden Hamilton syne vöärsprong in et kampioonskap uut når 14 pünten. In Hamilton synen eyrsten thuuswedstryd up Silverstone endigden hy dardes en evenareden et rekord van Jim Clark uut 1963 van 9 podium finishes up ne ry vöär nen britsken koureur.

Hamilton nådat hy de leiding had enommen in den Grouten Prys van de Vereynigde Ståten in 2007

Tydens de kwalifikatsy vöär den europaesken Grand Prix, botseden Hamilton up de Schumacherversmalling nå nen probleem med de raddop veroorsaked by et radpistool dat vöär dissen wågen gebruukt was. Hy wyr når et medisk centrum van et cirkwit ebracht up nen brankard med nen süürstovmasker en infuus, mår was undertüsken by bewüstsyn. Hy was neet in ståt üm de kwalifikatsy too voltoien en starteden dårüm up de tynde positsy. Nå nen låtsten medisken check up sundagmörgen, kreg Hamilton toostemming üm too racen. Tydens ne heavige reagenbuie dee uutendelik de race underbrak, gleden Hamilton van de båne in nen grindbak, mår ümdat synen motor et blev doon, wyr hy terügesettet up et cirkwit en mocht hy de race vervolgen nå de hervatting. Syne neagende plaatse in disse race was syne eyrste finish buuten et podium en sunder pünten. Twyvelachtigerwys wyr Hamilton den eyrsten en eynigen koureur van wy synen wågen esleped en terügesettet up de båne wyr döär nen krånwågen tydens ne Formule Eyn race. De FIA verbad as gevolg dårvan vortan et gebruuk van mechaniske assistentsy üm nen wågen terüg up de båne too sleppen.

Hamilton wön den hongaarsken Grand Prix vanvav eyrste positsy nå ne twyvelachtige kwalifikatsysessy. Alonso had den snelsten tyd neaderesettet, mår was vyv plaatsen in den uutslag terügesettet ümdat hy Hamilton ehinderd had üm up tyd uut de pitstråte too vertrekken vöär et voltoien van syne låtste runde. Nå de race verklåreden Hamilton dat hy de betrekkingen med Alonso hersteld had. By den türksken Grand Prix had Hamilton nen lekken band den leidden töt ne vyvde plaatse. Alonso versloog Hamilton in de Groute Prys van Italie en Belgie, wårdöär Hamilton nen vöärsprong van twey pünten oaverhyld. Hy breidden syn vöärsprong uut når 12 pünten nå et winnen van den japansken Grand Prix in heavige reagen nådat Alonso was uutevallen. Nå de race, wyr Hamilton undersocht döär de racejury vöär syne betrokkenheyd by nen incident achter den safety car; sowal Sebastian Vettel as Mark Webber velen uut de race terwyl sy hem volgeden mår et dreetal wyr vryesprökken up den vrydag van et chineesken Grand Prixweekende. By den chineesken Grand Prix begön Hamilton vanav eyrste positsy,mår slageden der neet in uut too ryden ümdat McLaren hem too lang up versletten banden had rund låten ryden (ündanks et advys van Bridgestone) en hy gleden in nen grindbak as hy up de pitstråte ankwameden. Hamilton ging de låtste race van et seisoon düs med veer en seaven pünten vöärsprong up Alonso respektivelik Räikkönen in.

In den brasiliaansken Grand Prix endigen Hamilton seavendes en wön Räikkönen, wat beteakenden dat Hamilton tweyds wyr in et kampioonskap med eyn pünt verskil. In de eyrste runde wyr Hamilton vöärbyereden döär meyrdere wågens en vyl terüg når de achtste plaatse; acht runden låter kön hy neet skakelen når ne versnelling en blev 40 sekonden stån. Hy herstelleden sich når de seavende plaatse mår Ferrari had öär twey koureurs ümewisseld sodat Räikkönen vöär et kampioonskap kön gån. Hamilton pakkeden et rekord van des werlds jüngeste individuele tweyde plaatse in et kampioonskap, med 22 jåren en 287 dågen, dårvöär sinds 1960 in handen van Bruce McLaren med 23 jåren en 5 dågen; et rekord van Hamilton is undertüsken verbrökken döär Sebastian Vettel in 2009.

In oktober begön de FIA nen undersuuk når BMW Sauber en Williams vöär brandstovsjuumel; de BMWkoureurs waren vyvdes en sesdes geendigd en as sy uut den uutslag ehåled wyren, wårdöär Hamilton når de vyvde plaatse epromoveerd wördet, wön hy et werldkampioonskap med eyn pünt vöär Räikkönen. Uutendelik wyren beide teams neet estravd; McLaren ging in höyger beroop. Hamilton vertelleden de BBC vervölgens dat hy de F1-titel neet winnen wül döär de diskwalifikatsys van andere koureurs.

Hamilton up de höygste podiumplaatse nådat hy den Grouten Prys van de Vereynigde Ståten van 2007 had ewönnen. Nevven hem ståt teammåt Fernando Alonso (links) en Felipe Massa (rechts).

Spanningen in et team

Hamiltons lange betrekkinge med Dennis begön too verslechteren by de eyrste publike anwysing dat Hamilton üngelükkig was med et uptreden van et team nådat hy tweyds was geendigd in Monaco in 2007. Nå upmarkingen nå de race emåkt döär Hamilton dee suggerereden dat hy was verplicht üm in ne understüttende rolle too ryden, undersücht de FIA ov McLaren de reagels had ebrökken döär teamorders up too leggen. McLaren untkenden dübbelen werldkampioon Fernando Alonso too bevöärdelen en dårup sprak de FIA et team vry döär too stellen dat: "McLaren in ståt was ne optimåle teamstrategy nå too streaven ümdat sy nen substantieel vöärdeyl hadden boaven alle andere wågens. Sy hebbet niks edåne dat beskreven kan wörden as ingrypend in et resultåt van de race".

Spanningen kwammen opny an de oppervlakte by de hongaarske Grand Prix van 2007. Tydens de låtste kwalifikatsysessy vöär de race wyr Hamilton in de pitstråte vertråged döär Alonso en düs neet in ståt den låtsten rundetyd vöär et ende van de sessy neader too setten. McLaren marketen up dat Hamilton neet had ehöyrsåmd an ne eyrdere instruksy üm Alonso too låten passeren uut angst üm syne eigene positsy too verleesen. Alonso wyr terügesettet når de sesde plaatse van et startvak, wårdöär Hamilton stegen når de eyrste plaatse (hy was öärsprünkelik tweyds ewörden in de kwalifikatsy), terwyl McLaren pünten in et kampioonskap vöär konstrukteurs wyr avenömmen. Hamilton seiden dat hy den strav vöär Alonso ''vry lichte" vunden en allenig möyte had med et verlees van pünten van den konstrukteur. Et wyr emelded dat Hamilton teagen Dennis eskolden had oaver den teamradio nå et incident. Et britske autosporttydskrivt Autosport beweren dat dit "dertoo leidden dat Dennis synen koptelefoon warpeden teagen de pitmüür in avgünst (nen gebår dat döär velen wyr miseinterpreteerd as ne reaksy up et verlees van de eyrste startplaatse van Alonso)".Skonwal brachteden McLaren låter nen bericht uut in nåme van Hamilton dat eynig üngewenst tålgebruuk untkenneden. Döär disse geböärtenissen storteden de betrekkinge tüsken Hamilton en Alonso tydelik in, wårby de twey neet med mekare spraaken vöär nen körten tyd. In de nåsleppe wyr emelded dat Hamilton benådered was döär Luca di Montezemolo vöär et ryden by Ferrari in 2008.

De rivaliteyt tüsken Hamilton en teammåt Alonso leidden töt de spekulåtsy dat eynen an et ende van et seisoon McLaren verlåten wyr. Alonso en McLaren beendigen dårup öär kontrakt med wedersydse oavereynstemming in november.

Et seisoon van 2008: Jüngsten werldkampioon oit

Nen månd nå et vertrek van Alonso, wyr et bevestigd dat Heikki Kovalainen den tweyden wågen ryden sül vöär McLaren-Mercedes in 2008 nevven Hamilton, den nen ny vyfjårig konkrakt van meyrdere miljoonen punden teakenden üm töt et ende van et seisoon van 2012 by McLaren-Mercedes too blyven.

Hamilton wön de eyrste race van 2008 in Melbourne, Australie.

Hamilton wön de eyrste race van et seisoon van 2008, den Grouten Prys van Australie, nådat hy up de eyrste positsy was begönnen. In Maleysie endigeden hy vyvdes nådat hy van de neagende plekke was estarted, wårby hy nen strav mos uutsitten vöär et hinderen van de kwalifikatsyrunde van Nick Heidfeld. Hy was terügge up et podium in Spanje döär dår dardes too endigen. Hamilton endigeden tweyds in Türkeye en wön den Grouten Prys van Monaco, wat hem an de leiding bracht van et werldkampioonskap. In Montreal botseden Hamilton tydens de race up de achterkante van Räikkönen, nådat hy neet had können seen dat den Fin mos wachten vöär et roden licht an et ende van de pitstråte terwyl et heylen veld vöärby kwam under begeleiding van nen safety car. Beyde wågen mosten upgeven en Hamilton kreg nen strav van 10 positsys vöär den start van de völgende race, den fransken Grand Prix. Undanks nen fout by de kwalifikatsy wårdöär hy as veerdes starteden, wön den britsken Grand Prix under möylike, natte ümstandigheyden met ne prestatsy dee töt düsverre as eyne van de beste van syne karriere wördt esen. In de völgende race up Hockenheim wön Hamilton undanks nen taktisken blünder van de teamstrategy.

Hamilton wön den belgisken Grand Prix, mår låter wyr döär eoordeeld dat hy nen üneyrlik vöärdeyl had ehad döär nen versmalling in et parkours af too snyden üm nen botsing med Räikkönen too vöärkommen. McLaren sei dat öäre telemetry leet seen dat Hamilton achterblev üm Räikkönen vöärby too låten, mår Hamilton kreg nen tydsstrav van 25 sekunden, wat hem terügbracht når de darde plaatse en titelrivål Massa de oaverwinning gav. Hamiltons vöärsprong in et werldkampioonskap vöär koureurs wyr terügebracht töt twey pünten en nen beroop by et FIA World Motor Sport Council döär McLaren wyr avewesen.

In den italiaansken Grand Prix endigeden Hamilton seavendes en den vöärsprong van Hamilton in et kampioonskap was now noch eyn pünt. Hamilton endigeden dardes in de völgende race in Singapore, terwyl Massa geyn pünten pakkeden, wårdöär den vöärsprong van Hamilton in et kampioonskap upleep töt seaven pünten. In Fuji kreg Hamilton nen strav wårby hy mos döärryden (by de völgende pitrunde) vöär et van de båne düwen van andere wågen doo hy nen fout beging in de eyrste runde. Vöärdat Hamilton den strav kön uutsitten, probereden hy Massa too passeren, den hem rakeden nådat hy nen fout måkeden. Massa kreg vöär disse aktsy låter nen strav wårby hy mos döärryden (by de völgende pitrunde) en Hamilton endigeden twålvdes. Med noch twey races too gån had Hamilton nen vöärsprong in et werldkampioonskap van vyv pünten up Massa. Den chineesken Grand Prix wön Hamilton wårdöär hy med nen vöärsprong van seaven pünten in et werldkampioonskap de låtste race van et seisoon inging. Achterav sei Hamilton: "Et heyle weekende hebbet wy god an unse syde ehad so as altyd en et heylen team hevt fantatisk wark edane by et vöärbereiden van den wågen, den nen dröym was üm in too ryden.''

Hamilton en syn team vyren synen eyrsten Formule Eyn werldkampioonskapstitel.

By den brasiliaansken Grand Prix mos Hamilton minstens as vyvden endigen as Massa de race wön üm et werldkampioonskap veilig too stellen. Net vöär de race begön der ne reagenbuie en Hamilton was as veerden eplaatsd vöärdat hy terügvelen når de sesde plaatse nådat hy nen pitsop had emåked vöär dröyge banden. Wisselvallige neaderslag beteakeneden dat alle koureurs meyrdere målen wisseleden tüsken reagenbanden en banden vöär droug weader en med dree runden too gån lag Hamilton vyvdes en mos hy enkel syne positsy vasteholden üm den titel too verseakeren. In de vöärlåtste runde passereden Vettel Hamilton en den begön de låtste runde as sesden en lek de vyvde plaatse neet meyr too können terügnemmen. Skonwal måkeden hy en Vettel in de låtste runde nen gat van 18 sekunden good döär Timo Glock, den et möylik had up banden vöär ne dröyge wegge, by de låtste bochte in too hålen sodat hy de vyvde plaatse terügnam en blev den racewinnaar Massa vöär den titel med eyn pünt vöär. Dit beteakeneden dat Hamilton et werldkampioonskap van de Formule Eyn van 2008 had epakt en wyr den jüngsten koureur den den titel wön, den eyrsten swarten koureur en den eyrsten britsken koureur den et werldkampioonskap wön sinds Damon Hill in 1996.

Racistisk misbruuk

In february wyr Hamilton verbål anevallen en up andere wysen misbrüked tydens de testraces vöär et seisoon up et Circuit de Catalunya in Katalonie döär verskillende spaanske tooskowers dy swarte gesichtsvarv en swarte prüüken hadden en ouk shirts med de wöärde "De family van Hamilton". Hamilton wyr wyd en syd unpopulair in Spanje vanweagen syne rivaliteyt med synen spaansken vöärmåligen teammåt Fernando Alonso. De FIA wårsküweden spaanske autoriteyten vöär herhåling van sülk gedrag en lancereden ne "Race teagen racisme" kampagne.

Kört vöar den brasiliaansken Grand Prix van 2008 wyr ne websteade van den spaansken tak van advertentsybedryv TBWA uut New York enåmed "pinchalaruedadeHamilton" ("steaket de banden van Hamilton lek") enömed in de britske media. De websteade bevatteden ne eanimerede avbeeldinge van Interlagos dat gebruukers de möägelikheyd gav üm spykers en stekkels up de båne too leggen wår de wågen van Hamilton oaverhen sül ryden. Under de düüsenden upmarkingen achterelåten sinds 2007 waren nen antal racistiske beledigingen. Synen rivål Fernando Alonso veroardeleden de racistiske supporters.

Et seisoon van 2009: Nen frustrerend jår

Hamilton rydend vöär McLaren up den maleysisken Grand Prix van 2009.

Hamilton begön de opener van et seisoon van 2009, den australisken Grand Prix, vanav de 18de startplaatse nådat McLaren nen strav had ekregen vöär et verwisselen van synen versnellingsbak tydens de kwalifikatsy. Hamilton profitereden van nen låten botsing tüsken Sebastian Vettel van Ferrari en Robert Kubica van BMW Sauber wårdöär hy upskoov når de veerde plaatse an et ende van de race. Hy wyr vervölgens epromoveerd töt darden nådat Jarno Trulli was estravt vöär et inhålen van hem under ümstandigheden med nen safety car. Tydens nen gesprek med de jüry nå de race vertelleden Hamilton en officials van McLaren de jüry dat sy Trulli neet upsettelik hadden låten passeren, wat låter teagenesprökken wyr döär de bekenntemåkede raceradiokommunikatsy van McLaren. Hamilton wyr vervölgens ediskwalificeerd van de race vöär et gevven van "misleidend bewys" tydens et gesprek med de jüry. Hy hevt sich låter persoonlik veruntskuldigd by de racedirekteur van de FIA Charlie Whiting vöär et elogen hebben by de racejüry. Hy ging verder döär et incident too beskryven as den swårsten weak van syn leaven en oaverwoog de Formule Eyn too verlåten.

Hamilton scoreden weinig pünten by de Groute Prys van Maleysie, China en Bahrein. Hamiltons geluk verbetereden up de Hungaroring, de tynde runde van et seisoon, wår hy de race wön, 11.529 sekunden vöär Räikkönen wårmed hy de tynde oaverwinning van syne karriere pakkeden en de eyrste med nen wågen med KERS. De terügkeer van McLaren in vörm ging wyder in Valencia, wår Hamilton tweyds endigeden. By den singaporeesken Grand Prix pakkeden Hamilton syne tweyde oaverwinning van et seisoon. He endigeden dardes by de japanske en brasiliaanske Groute Prys. In den eyrsten Grand Prix van Abu Dhabi ging Hamilton an de leiding in de race, mår trök sich terügge in runde 20 due vanweagen nen probleem med den achterrem, syne eyrste terügtrekking in de Formule Eyn vanweagen nen technisk probleem.

Et seisoon van 2010: Ne nye titelpoging

Hamilton rydend vöär McLaren by den Maleisisken Grouten Prys van 2010, wår hy sesdes endigeden nådat hy as 20sten was begonnen.

In et nye seisoon sol Hamilton nevven Jenson Button ryden, nådat Heikki Kovalainen når Lotus Racing was vertrökken.

Hamilton endigeden dardes in Bahrein, in Australie, beendigeden Hamilton de race up de sesde plaatse, nå nen botsing med Mark Webber låt in den wedstryd. In Maleisie sörgeden ne misreakening up et weder döär syn team dervöär dat hy tydens de kwalifikatsy up banden mos ryden dee neet günstig waren vöär de natte ümstandigheyden. Dit bracht hem töt de 20ste plaatse by de start van de race, mår hy slagen derin sich når vöären too warken en sesdes too endigen. Hamilton kreg nen waarskuwing tydens de race, nådat hy veer mål slingereden up nen recht stük terwyl hy probereden de aerodynamiske lyne too verbrekken dy Vitaly Petrov ontving en probereden hem neet too blokkeren.

Hamilton behaleden syne tweyde oaverwinning up ne ry in Kanada, vöär synen teammåt Jenson Button.

Hamilton wyr tweyds in China achter Jenson Button. Dit betekenden de eyrste 1–2 finish van McLaren sinds den italiaansken Grand Prix van 2007. Hamilton was betrökken in nen incident in de pitstråte med Red Bull koureur Sebastian Vettel; beyde wyren bestravt. In Monaco kwalificereden Hamilton sich en endigeden hy as vyvden. In den türksken Grand Prix, behaleden Hamilton syne eyrste oaverwinning van et seisoon 2010 terwyl hy en Button eyrstes en tweyds wyren. Hamilton kwalificereden sich in den kanadeesken Grand Prix vöär pole position, wårdöär hy nen 100% skore wat betrevt pole positions behyld up et Circuit Gilles Villeneuve. Nådat hy an syne eýrste runde was begunnen, kreg Hamilton van syn team de instruktsys üm too stoppen up de båne vanweagen nen tekört an brandstov, wårvan et peil neet houg genog was üm der döär de FIA nen steakproov van too können låten nemmen. Hamilton wyr bestravt nådat hy disse runde neet snel genog had avewarkt; et team kreg ne buute van $10,000. Mår Hamilton ging wydter en wön de race en nam de leiding in et individuelen kampioonskap nå den darden 1–2 uutslag van McLaren van et seisoon. In Valencia klageden Alonso oaver syne radio deroaver dat Hamilton had behåled döär den safety car neet too volgen; Hamilton ontving strav wårby hy döär mocht ryden. Mår Alonso en Ferrari waren wuudend ümdat den tyd den et kosteden um ne beslissinge te måken dervöär sörgeden dat den strav niks an de tweyde plaatse van Hamilton an de finish verandereden. Hamilton besküldigden Alonso van "sure drüven", skonwal sy et byleggeden vöär de völgende race.

Hy endigeden tweyds in synen thuuswedstryd up Silverstone en dårna veerdes in den Grouten Prys van Düütsland. Undanks dat hy up Spa-Francorchamps in den grindbak belanden, wön Hamilton syne darde race van et seisoon en nam hy wederum de leiding in et kampioonskap. Skonwal sakkeden hy döär upeynvölgende upgåven in de italiaanske en singaporeeske Groute Prys når de darde plaatse in et kampioonskap. In den Grouten Prys van Japan endigeden Hamilton vyvdes. In Süüdkorea, endigeden Hamilton tweyds en veerdes in den brasiliaansken Grand Prix. In de låtste race van et seisoon in Abu Dhabi endigeden Hamilton tweyds achter Vettel, den Hamiltons rekord van jüngsten Formule Eynwerldkampioon oit verbrak.

2011–2012: Låtste jåren by McLaren

Hamilton tydens de kwalifikatsy vöär den maleysisken Grand Prix

By den start van et seisoon 2011 setten Hamilton Red Bull Racing weg as "enkel nen drankbedryv". Hamilton begön et seisoon med ne tweyde plaatse in sowal de kwalifikatsy as den endstand van den australisken Grouten Prys, ündanks dat hy üm mos gån med ne beskadigde vluure in synen McLaren. In den maleysisken Grand Prix, kwalificereden hy as tweyden en endigeden hy seavendes in de race, hy had muuite deals döär bandensleet en deals ümdat hy achtervolged wyr döär Fernando Alonso van Ferrari in de låtste runden. Hamilton ontving nen tydsstrav van 20 sekunden nå de race vöär slingeren tydens et verdeadigen en üngepast ryden, wat Hamilton terügsetteden når de achtste plaatse. Hamilton pakkeden syne eyrste oaverwinning van et seisoon in China. Hy endigeden vervölgens veerdes in Türkye en tweyds in Spanje.

Hamilton trök sich terügge uut den kanadeesken Grand Prix van 2011 nå nen botsing med teammåt Button.

In Monako, kwalificereden hy as tynden nådat de darde kwalifikatsyrunde was avelast vöärdat hy nen tyd had neder können setten vanweagen nen swåren crash van Sergio Pérez. Tydens de race kreg Hamilton nen strav wårby hy döär mocht ryden nådat hy up Massa was ebotset by Hotel Harpin. Låter botseden Alguersuari up Hamilton, den synen achtervlöggel brak; de race kreg ne roude vlagge woneyr Petrov up etsölvden moment crasheden wårdöär syn team de möägelikheyd kreg synen wågen too repareren. By den herstart had hy nen botsing med Maldonado by Sainte Devote, wår hy låter nen tydsstrav van 20 sekunden vöär kreg, mår dat verandereden syne endpositsy neet. In nen vråggesprek med BBC sei Hamilton dat hy dat seisoon töt dan too vyv van de ses races by de jüry was ewest en sich slachtovver vuuleden. Doo hy wyr evrågd wårüm hy sovölle by öär ewest was, antwoordden Hamilton "Misskyn is et ümdat ik swart bün. Dat is wat Ali G segget." Hy leggeden låter uut dat et nen grap was en ontleep so wyderen strav.

Hamilton pakkeden syne darde oaverwinning van et seisoon by den Grouten Prys van Abu Dhabi.

By den kanadeesken Grand Prix botseden Hamilton up Webber by de eyrste bochte vöärdat hy weder achter synen teammåt an ging ryden. Nen pår runden låter probereden Hamilton too profiteren van nen misser döar Button too passeren den Hamilton in de pitmüre düweden. Hy mos upgeaven med ne ebrökken koppeling; beyde koureurs waren et ens dat et "eyn van disse dingen (dee geböären könnet)" was. In Valencia en Silverstone endigeden Hamilton veerdes achter Massa terwyl hy derin slågeden grouten bandensleet too döärstån in de eyrste en brandstov up too spåren in de tweyde race. In Düütsland behaleden Hamilton syne tweyde oaverwinning van 2011 as hy Webber en Alonso avheeld. In Hungarye had Hamilton vyv pitstops en nen strav wårby döär mocht ryden vöär et düwen van Paul di Resta in et gras terwyl hy veerdes endigeden. Hy endigeden veerdes up Monza nå nen stryd med Michael Schumacher, den hy weigereden de sküld too geaven vöär syne aggressive taktik, den de heyle race düreden.

In den Grouten Prys van Singapore veröärsakeden Hamilton nen üngeval med Felipe Massa dat dervöär sorgeden dat Hamilton nen nyen vöärvlöggel nöydig had en dat hy nen strav wårby hy döär mocht ryden kreg. Massa besküldigeden Hamilton van "ünkündig üm syne harsenen too gebrüüken" too syn tydens nen vråggesprek nå de race. Terwyl sy sammen nen vråggesprek hadden, pakkeden Massa Hamiltons skolder vaste en sei "Good wark, man, good edane"; Hamilton antwoordden döär den Brasiliaan too seggen dat hy hem allenig mos låten. Vöär den japansken Grand Prix stönd Hamilton derop dat hy niks mis had edane tydens et seisoon. Tydens de race kreg Hamilton nen lekken band vöärdat hy weder med Massa in botsing kwam; ündanks dat Ferrari Hamilton estravt probereden too krygen, untsnappeden Hamilton an nen gevolg terwyl hy vyvdes endigeden. Hamilton sei Massa låter "wörd vulwassen", nådat hy tooegeaven had dat syne Formule Eynkarriere too wyd was egane.

In Korea, kwalificerden Hamilton sich vöär de eyrste plaatse wårmed ne ry van 16 upeynvolgende pole positions vöär Red Bull wyr beendigd. Hy reed mår töt de veerde bochte an de leiding, wår werldkampioon Sebastian Vettel de leiding oavernam en de race wön terwyl Hamilton tweyds endigeden. By de eyrste race in India, behaleden Hamilton den tweyden tyd in de kwalifikatsy, mår wyr dree plaatsen terügeset up et startveld, nå et negeren van ne gele vlagge in de training van vrydag. Hamilton endigeden seavendes nå noch nen incident med Massa wårdöär den Brasiliaan den strav kreg terwyl Hamilton den vöärvlöggel mos vervangen. In Abu Dhabi kwalificereden Hamilton sich as tweyden en wön de race. In Brasilie beendigeden Hamilton en Massa öär konflikt as hy sich terügtrök uut de race en vyvdes endigeden in den algemeynen endstand van et kampioonskap.

Hamilton pakkeden de eyrste startplaatse vöär den maleysisken Grand Prix van 2012, mår veel tydens de race terüg når de darde plaatse.

Hamilton blev by McLaren nevven Button vöär et seisoon 2012. Hamilton kwalificereden sich vöär de eyrste startplaatse vöär den australisken Grand Prix, mår endigeden dardes nådat hy by den start was epassered döär Button en döär Vettel nå nen pitstop vöär nen safety car. Hamilton kwalificereden sich weder as eyrsten vöär den maleysisken Grand Prix, mår wyr in de race vrog epassered döär Fernando Alonso en Sergio Pérez, wårdöär hy dardes endigeden. Hamilton behaleden syne darde darde plaatse op ne ry in China, med vöär hem Nico Rosberg en Button. Hamilton kwalificereden sich vöär de tweyde startplaatse in Bahrein, mår tydens de race bracht ne serie van slechte pitstops hem buuten den stryd üm de oaverwinning en hy endigeden achtstes. Hamilton was ok betrökken by nen kontroversieel raceincident med Rosberg, wårby Rosberg Hamilton van de båne lek too duwen terwyl hy hem probereden in too halen. Hamilton kwalificereden sich vöär de eyrste startplaatse vöär den spaansken Grand Prix, mår mos synen wågen midden up de båne stopsetten üm nen hervülbår brandstovproov too können geaven nå de kwalifikatsy. De jüry besloot dat hy de kwalifikatsyregel had ebrökken dy eintrodusered waren nå nen vergelykbår incident by den kanadeesken Grouten Prys van 2010 wår Hamilton by betrökken was. De jüry slöt hem uut van de kwalifikatsyresultåten en setteden hem terüg når de achterkante van et startveld; mår Hamilton endigeden undanks dit as achtsten vöär Button, den as tynden wyr estarted.

Hamilton tydens de parade van de koureurs by den Grouten Prys van de Vereynigde Ståten van 2012.

Hamilton behaleden syne eyrste oaverwinning van et seisoon by den kanadeesken Grand Prix – wårdöär hy disse race vöär de darde mål wön – nådat hy Fernando Alonso in de slotfase had inehaled.

Hamilton wön den hongaarsken Grand Prix up 29 jüly 2012 wårmed hy syne tweyde oaverwinning van et seisoon behaleden. Hamilton, sammen med den leider in et kampioonskap Fernando Alonso, gav up in den belgisken Grand Prix nådat hy betrökken was in nen ungeval med meyrdere wågen in de eyrste bochte van de race. Romain Grosjean wyr anewesen as verantwöärdeliken van et ungeval en kreg nen uutsluuting van eyn race. Hamilton kwam terüg med nen eyrste startplaatse vöär dem italiaansken Grand Prix en leidden et groutsten deyl van de race wårmed hy syne darde oaverwinning van et seisoon behaleden en den hoop up et winnen van et (individuelen) kampioonskap leavend too holden. Hamilton kwalificereden sich by den singaporeesken Grouten Prys weder vöär de eyrste startplaatse, mår had too måken med nen versnellingsbak den tydens de race faleden. Hy gav ok up doo hy an de leiding reden van den Grouten Prys van Abu Dhabi, vöärdat hy den Grouten Prys van de Vereynigde Ståten in Austin wön. Hamiltons seisoon endigeden med noch ne eyrste startplaatse en upgave in den brasiliaansken Grand Prix, wår hy betrökken was in nen botsing med Nico Hülkenberg terwyl hy an de leiding reed an et ende.

Mercedes

Et seisoon van 2013: Eyrste oaverwinning med Mercedes

Hamilton tydens ne vrye training van den maleysisken Grouten Prys van 2013.

Up 28 september 2012 wyr anekondiged nå vöäl spekülatsy dat Hamilton McLaren sül verlåten nå et seisoon van 2012 season üm by et Mercedes-Benz bedryvsteam an too slüten vanav et seisoon van 2013, nevven Nico Rosberg nådat hy nen dreejårig konkrakt by et team had eteakened.

In syn eyrsten raceweekend vöär Mercedes, den australisken Grand Prix, kwalificereden Hamilton sich as darden en beendigeden de race as vyvden. Hamilton endigeden dardes in Maleysie, wårmed hy syn eyrsten podium behåleden vöär et team, skonwal Nico Rosberg hem neet had möägen inhålen vanweagen teamorders. In de völgende race in China stelleden Hamilton syne eyrste pole position vöär Mercedes veilig.

In Monako, nådat hy vöär de darde mål up ry in de kwalifikatsy van ne race verslågen wyr döär synen teammåt Rosberg, gav Hamilton too dat hy moite had med et bestür van den wågen tydens et remmen. Vöär de race hadden sowal Red Bull as Ferrari formeel beklag egeaven teagen Mercedes vöär wat was vastestelled as deelnemmen an nen illegalen 1.000 kilometer bandentest - nen test van de banden nå 1000 kilometer gebruuk -. Gin van de Mercedes koureurs kreg nen strav vöär et brekken van reagels en Mercedes kreg nen wårsküwing.

Den hongaarsken Grand Prix was de eyrste oaverwinning van Hamilton as Mercedes koureur, den eyrsten britsken koureur den ne Formule Eynrace in nen Mercedes bedryvswågen wint sinds Stirling Moss in den britsken Grand Prix van 1955 up Silverstone. Hamilton wön de race van ne unverwachte eyrste startpositsy, wårby hy uutendelik 11 sekunden vöär nümmer twey Kimi Räikkönen oaver de lyne kwam. Döär et winnen van den hongaarsken Grand Prix beheeld Hamilton syne persoonlike reeks van minstens eyn race vöär den stop in et midden van et seisoon too winnen en stünd tydens den sommerstop veerdes in et individuelen kampioonskap. By den belgisken Grand Prix behåleden hy syne vyvde en låtste pole position van et seisoon en beendigeden de race as darden. Skonwal hy de reste van et seisoon gin podiums meyr behåleden, heelp ne reeks finishes med pünten hem veerdes too endigen an et ende van et seisoon.

Et seisoon van 2014: Tweyde werldtitel

Hamilton by den Grouten Prys van China van 2014. Döär de race too winnen behålden Hamilton vöär et eyrst in syne Formule Eynkarriere dree oaverwinningen up ne ry.

Nen nyen reagel in et seisoon van 2014 stünd koureurs too üm nen ünyk wågennümmer too kysen vöär de reste van öäre karriere. Hamilton koos 44, et sülvden nümmer dat hy in synen karttyd gebrükeden.

Nå test vöärav an et seisoon in Jerez wyr Mercedes wyds as favoryt esen vöär 2014 ümdat sy nen seaker snelheydsvöärdeyl lekken too hebben oaver andere teams. Dit wyr wåremåked by den australisken Grand Prix wår Hamilton de eyrste startpositsy behåleden. Hy mos upgeaven, mår Rosberg dominereden en wön med meyr as 20 sekunden. In Maleysie wyr Hamiltons potentieel wåremåked terwyl hy van de eyrste startpositsy wön in nen 1-2 van Mercedes, den eyrsten sinds 1955. In Bahrein was Mercedes neet too stoppen terwyl Rosberg de eyrste startpositsy had wårby Mercedes den eyrsten ry -de eyrste twey positsys- besetteden. Hamilton had ne bettere start mår had noch nen swår gevecht med Rosberg in et eyrsten deal van de race. Mercedes koos verskillende startegyen vöär öäre koureurs en Hamilton måkeden nen gat med de snellere banden. Mår den safety car wyr inesettet nådat den Sauber van Esteban Gutiérrez was eråked döär den Lotus van Pastor Maldonado. Hamilton mos den stryd angån med Rosberg in ne medsleppende race når de finish med ne spannende wyl-teagen-wylrace. Uutendelik wön Hamilton, wårmed hy vöär et eyrst sinds et seisoon van 2010 twey oaverwinningen up ne ry behåleden, doo hy in Türkeye en Kanada wön.

Hamilton wördet efelisiteard döär Vladimir Putin, de president van Rüsland, nå et winnen van den eysten rüssisken Grand Prix in 2014.

De dominantsy van Mercedes wyr wyder bevestiged in China wår Hamilton de eyrste startpositsy behåleden en dan elke runde an de leiding reed terwyl synen teammåt tweyds endigeden. Dit måkeden nen dreetal van oaverwinningen up ry kompleet, et eyrsten in de karriere van Hamilton. Mercedes ging wyder med domineren in Spanje wår Hamilton upny de eyrste startpositsy behåleden en wön – syne veerde oaverwinning achtereyn – undanks starke kompetitsy van teammåt Nico Rosberg den tweyds endigeden. In Monako kwalificereden Hamilton sich as tweyden achter Rosberg. Rosberg wyr döär de jüry undersucht nådat hy de untsnappingsroute had enömmen by den Mirabeau-hook. De upvölgende geyle vlaggen verplichteden Hamilton in too holden an et ende van de sessy, wat Hamilton nen kans up de eyrste startpositsy had können kosten. Rosberg wyr vryesprökken van eynige fout in dat incident. Rosberg wön de race terwyl Hamilton tweyds endigeden. Tydens de kwalifikatsy van den düütsken Grand Prix deden de remmen van Hamilton et neet en mos hy as twintigsten starten mår hy kon dardes endigen. Nen motorbrand by de kwalifikatsy vöär den hongaarsken Grand Prix beteakeneden dat hy achteran in de pitstråte mos starten van wår hy weerüm dardes kon wörden, vöär Rosberg, skonwal hy van synen raceingenieur synen teammåt vöärby mos låten gån.

By de eyrste race nå den sommerstop in Belgie, nam Hamilton de leiding van Rosberg oaver by de start mår ne botsing tüsken öär in de tweyde runde gav hem nen lekken band en hy trök sich låter terüg uut de race. Dårnå wön hy de italiaanske en singaporeeske Groute Prys, beide van de eyrste startpositsy, wårmed hy de leiding nam in et kampioonskap. Dit wyr evolged döär oaverwinningen in den japansken Grand Prix – den wyr underbrökken döär heavigen reagenval – en de Groute Prys van Rüsland en de Vereynigde Ståten wårmed hy vöär et eyrst in syne karriere vyv oaverwinningen up ne ry behålden. Syne tynde oaverwinning van et seisoon was ok de 32e van syne karriere, de meyste oaverwinningen van alle britske koureurs. Hamilton wyr werldkampioon nådat hy den Grouten Prys van Abu Dhabi wön, hy versloog teammåt Rosberg med 67 pünten, nådat den wågen van Rosberg mechaniske probleymen kreg tydens de race. Hamilton sei in et vråggesprek by et podium "Dit is den besten dag van myn leaven". An et ende van et jår, untving Hamilton den prys vöär de sportpersoonlikheyd van et jår van de BBC.

Et seisoon van 2015: Darde werldtitel

Hamilton in den Grouten Prys van Maleysie van 2015

Hamilton kon profiteren van nen vervölg van de dominantsy van Mercedes an et begin van et seisoon van 2015, as den nyen W06 Hybrid meyr ründjens voltoieden as elken anderen wågen en deed dat med mår eynen krachtbrun. By de oapeningsrace in Australie kwalificereden Hamilton sich vöär de eyrste startpositsy, 0,594 sekunden rapper as teammåt Rosberg en 1,391 sekunden vöär den Williams van Felipe Massa's Williams den as darden starteden. Hamilton wön vervölgens de race vöär Rosberg up de tweyde plaatse, med den Ferrari van Sebastian Vettel as darden up 34 sekunden achterstand. In Monako verlöär hy syne eyrste positsy an synen teammåt Rosberg nå 65 runden lang an de leiding van de race too hebben ereden döär nen fout den by den pitstop döär syn team was emåked, wårnå hy uutendelik dardes endigeden.

Hamilton vyrt syne oaverwinning in den Grouten Prys van Kanada van 2015

Vöärafgånd an den Grouten Prys van Monako, kondigeden Mercedes an dat sy et konkrakt van Hamilton med drey jår hadden verlänged, wårmed hy töt et ende van et seisoon van 2018 by et team wyr ehölden. Hyrup volgeden månden van kontraktbesprekkingen den wyd epublisered wyren tüsken den koureur, den koos vöär sichself too underhandelen en et team. Den deal skynt meyr as £100 miljoon weerd too wean oaver de vülle drey jåren, wat Hamilton eynen van de bestbetålde koureurs in de Formule Eyn måket. Et wyr ok vermelded dat et verlängden kontrakt Hamilton et recht gav um syn eigen beyldrechten by too holden, wat as ungewöän wördet beskowed in den sport en um syne wågen wårmed hy kampioonskappen had ewönnen net as de troffeen dy hy versåmelet.

Nå nen winlosen start an den europeesken tuur, wön Hamilton den britsken Grand Prix vöär de tweyde mål up ne ry en de darde mål in totål, wårmed hy ok et 45 jår olde rekord van Jackie Stewart van et antal rundes an de leiding ereden ehad hebben in achttyn upeynvölgende Groute Prys verbrak. Hy endigeden sesdes in nen hongaarsken Grand Prix wårin vöäl was eskeden, wat ok syne upeynvölging van 16 finishes up et podium up ne ry beendigeden, de up eyn nå langste in de geskydenis van de F1. Hamilton wön de völgende twey races in Spa en Monza en breidden syne leidende positsy oaver Nico Rosberg, den in de låtste race mos upgeaven vanweagen falen van den motor, uut når 53 pünten. By den singaporeesken Grand Prix, kön Hamilton sich as vyvden kwalificeren vöär teammåt Nico Rosberg en hy was uperükked når de veerde plaatse in de race vöärdat hy mos upgeaven vanweagen nen probleym med den krachtbrun. Med et winnen van den Grouten Prys van de Vereynigde Ståten versekereden Hamilton sich drey races vöär et ende van syn darden individuelen kampioonskap.

Et seisoon van 2016: Tweyds achter Rosberg

By de oapening van et seisoon, den australisken Grand Prix, kwalificereden Hamilton sich vöär de eyrste startpositsy. Skonwal had hy nen slechten start van de race mår hy herstelleden sich en endigeden tweyds achter synen Mercedesteammåt Nico Rosberg. In de tweyde race van et seisoon, den Grand Prix van Bahrein, kwalificereden Hamilton sich weaderum vöär de eyrste startpositsy. In de eyrste runde was der skonwal nen botsing tüsken hem en Bottas, wårvöär Bottas kreg nen strav wårby hy döär mocht ryden. Hamilton herstelleden sich en beendigeden de race as darden achter Rosberg en Räikkönen. In de völgende race, den chineesken Grand Prix, had Hamilton gin tyd neaderesetted in de kwalifikatsy en starteden hy achter in et startveld. Hy kwam tydens de race töt an de vyvde positsy mår wyr inehåled döär Räikkönen en Ricciardo teagen et ende van de race um as seavenden too endigen. In de veerde race van et seisoon, den rüssisken Grand Prix, had Hamilton gin tyd neaderesetted in et darden deal van de kwalifikatsy, wårdöär hy in tynde positsy starteden. Hy endigeden tweyds achter Rosberg, undanks dat hy nul wåterdrük had in de låtste 16 runden.

In de völgende race in Spanje leggeden Hamilton beslag up de eyrste startpositsy, vöär Rosberg. Beyde koureurs hadden nen gooden start, mår Rosberg håleden Hamilton in by de buutenkante van buchte 1. In de völgende pår buchten kwam den wågen van Rosberg terecht in nen inkorrekten stand van den motor vanweagen nen fout den den Düütsker had emåked in de startrunde. Dat beteakeneden dat hy langsåmer as Hamilton uut buchte 3 kwam en Hamilton van hem de leiding oavernam. Rosberg blokkereden den döärgang en dwung Hamilton når et gras wår hy de kontrole verloor, hy dråieden når Rosberg too en dårdöär lagen beyde koureurs uut de race. De jüry sag et as nen raceincident en beslöät dat Hamilton gelyk had med synen oavernåmepoging terwyl hy uutendelik 17 kilomeater per ure rapper uut buchte 3 kwam as Rosberg. De botsing tüsken Hamilton en Rosberg in de oapeningsrunde beteakeneden dat beyde Mercedeswågen sich direkt terügtrökken. De jüry beslöät achterav dat de botsing nen raceincident was.

Hamilton underweg når de oaverwinning in den Grouten Prys van Monako van 2016

Hamilton, den now 43 pünten achter Rosberg stond, begön et gat too oaverbrüggen döär in Monako en Kanada too winnen vöär respektivelik Daniel Ricciardo en Sebastian Vettel, mår nen ungeval in de kwalifikatsy van de race in Baku en nen probleym med de avstelling van den motor beteakeneden dat hy vyvdes endigeden. Hamilton wön vervölgens den oustenryksken Grand Prix undanks nen botsing med Rosberg in de låtste runde. Nen weak låter, måkeden Hamilton syn dreetal thuusoaverwinningen by den britsken Grand Prix kompleet, wårdöär synen teammåt by Mercedes noch med eyn pünt an de leiding van et kampioonskap stond. Hy kwam an de leiding in et kampioonskap in de völgende race in Hungarye en vergröäteden synen vöärsprong når 19 pünten nå in Düütskland, wår Rosberg veerdes endigeden, too winnen.

Mår nå den sommerstop verslechtereden et seisoon van Hamilton. Ümdat Mercedes koos ne party startstravven too aksepteren üm nye underdealen up te bowen, wyr Hamilton verplicht van de 21e positsy too starten in Belgie. Hy håleden vöärdeyl uut kontakt tüsken Vettel, Räikkönen en Verstappen in de eyrste runde döär sich når vöären too ryden in et veld tötdat nen swår ungeval by Eau Rouge wårby Kevin Magnussen betrökken was vöär nen rouden vlag sörgeden. Doo de race sich vöärsetteden, was Nico Rosberg an de leiding van de race töt an et ende by den eblökten vlag, terwyl Hamilton uutendelik as darden endigeden nådat hy Daniel Ricciardo neet had können inhålen. Rosberg verkleineden in de völgende race in Italie de leiding van Hamilton in et kampioonskap töt twey pünten, wårby hy vöärdeyl håleden uut den trågen start vanav de eyrste positsy van Hamilton en vrog de leiding nam dee neet meyr bedreiged wyr tydens de reste van de race. Hamilton veel by den start terüg töt de vyvde positsy, mår herstelleden sich in de oapeningsrunden når de veerde plekke en gebrukeden strategy um uutendelik vöär de Ferraris van Vettel en Räikkönen too endigen.

Et fålen van den motor van Hamilton in Maleysie was en belangryk moment in et gevecht üm et kampioonskap.

Rosberg nam de leiding weader oaver in Singapore, den sich kwalificereden vöär de eyrste startpositsy terwyl Hamilton mos ryden vöär de darde positsy nådat hy mechanisken probleymen had ehad en ryfouten had emåked. Hamilton lek de leiding weader oaver too nemmen nå ruum an de leiding too hebben ereden in den maleysisken Grand Prix, mår hy gav up 16 runden vöär et ende van de race med fålen van den motor, wårdöär Daniel Ricciardo an de leiding kwam van de race, terwyl Rosberg dardes endigeden, wårmed hy syne leiding in et kampioonskap uutbreideden når 23 pünten.

Rosberg breideden synen vöärsprong in et kampioonskap wyder uut når 33 points in Japan, wårby hy in de race in eyrste startpositsy vertrök en wön. Undertüsken had Hamilton weader nen slechten start, wårby hy terügveel van de tweyde positsy by den start når de achtste an et ende van de eyrste runde. Hy herstelleden sich med ne andere pitstrategy wårdöär hy weader dardes was in et låtste deal van de race mår hy kön Max Verstappen neet inhålen en endigeden as darden, wårdöär hy now nen achterstand van 33 pünten up Rosberg had en hy neet meyr eigenhändig et kampioonskap kön winnen. Dit resultåt verseakereden Mercedes van de darde werldkampioonskapstitel vöär konstrukteurs up ne ry. Hamilton begön de leiding van Rosberg too verminderen döär as eyrsten man in nen 1–2 finish in de Vereynigde Ståten too endigen. Hamilton leidden ok nen 1–2 uutslag van Mercedes in Meksiko en in Brasilie, wår hy de swår verreagende race dominereden en nen ny dreetal oaverwinningen kompleet måkeden. Mår ümdat Rosberg tweyds endigeden in de race, mos Hamilton um et kampioonskap too winnen, den Grouten Prys van Abu Dhabi winnen terwyl Rosberg veerdes ov låger mos endigen.

In Abu Dhabi behåleden Hamilton de eyrste startpositsy vöär Rosberg en had up hem nen vöärsprung vöär et gröytsten deal van de race. In de låtste runden van de race ging Hamilton teagen teamorders in, eyrst van synen raceingenieur en dan van den technisk direkteur van et team en hy vertrågeden ekspres üm Nico Rosberg terüg too dringen in de achtervölgende groop an et ende van de ende üm rivålen Vettel en Verstappen uut too nöydigen üm synen teammåt in too hålen, wat dertoo had eleided dat hy et individuelen kampioonskap sül winnen. Mår Rosberg kön syne positsy vasteholden üm up de tweyde plaatse too endigen, genog üm de titel too winnen med 385 pünten teagenoaver de 380 van Hamilton. Under drük evrågd ov Hamilton ne sanktsy ov sölvs ne uutslüting kön krygen, antwoordeden Toto Wolff: "Alles is möägelik", skonwal der ging strav oapenbår wyr emåked. Anderen hebbet hem estööned med et principe dat "koureurs vry bünt üm too racen". Nå de race ontkenneden Hamilton dat hy sküldig was ewest van slecht gedrag, wårby hy sei "Ik denke neet dat ik wat gevöärliks heb edåne", "Ik was an de leiding, düs ik bepåleden et tempo. So bünt de reagels."

Et seisoon van 2017: Veerde werldtitel

Hamilton tydens et testen in et vöärseisoon van 2017.

In december 2016, vyv dågen nådat hy et werldkampioonskap had ewönnen, kondigeden Rosberg syne terügtrekking uut de sport an. Williamskoureur Valtteri Bottas wyr in january anekondiged as synen vervanger by Mercedes. By de seisoonsoapening in Australie behåleden Hamilton de eyrste startpositsy vöär Sebastian Vettel en synen nyen teammåt Bottas. Tydens de race, måkeden hy nen vroggen pitstop en kwam der achter den Red Bullwågen van Max Verstappen uut. Skonwal hy seyr dichte by den Red Bull was, lükkeden et hem veer runden lange neet üm dee in too hålen, wat der uutendelik too leideden dat Vettel de oaverwinning kön behålen, terwyl Hamilton slechts as tweyden kön endigen. Disse race köndigeden nen ende an de dominantsy van Mercedes van de vöärbye twey seisoonen an.

In de tweyde race van et seisoon in China, starteden Hamilton weader vanav de eyrste positsy. Hamilton verdeadigeden syne eyrste positsy metean med nen rappen en foutlosen start en wyr neet meyr bedreiged in de reste van de race. Nevven dat hy de 54ste oaverwinning van syne karriere behåleden, leideden Hamilton alle runden en setteden hy de snelste runde neader, wårdöär den Mercedeskoureur den darden 'Grand Slam' van syne karriere behåleden. Hamilton evenåreden ok et karriererekord van Jim Clark van 11 "dreetallen" – races ewönnen vanav de eyrste startpositsy terwyl hy de rapste runde neaderesettet hevt – wat hem edealed tweyds plaatsden up de ewige lyste.

In Bahrein, de darde race van 2017, wyr Hamilton in den stryd üm de eyrste startpositsy verslågen döär Bottas. Hy wyr inehåled döär Vettel by den start en kreg dan nen strav van vyv sekunden vöär et too langsåm ryden in de pitstråte, mår herstelleden sich üm tweyds too endigeden achter rivål vöär et kampioonskap Vettel. Nå de race veruntsküldigeden hy sich oapenbår by et team vöät den strav den hy untvangen had, mår hy nuumeden ok syne sörgen oaver de snelheyd van synen wågen. In de völgende race in Sotsji, Rüsland, had Hamilton et heyle weakende moite med de snelheyd en kwalificereden hy sich as veerden. In de race endigeden hy as veerden, terwyl synen teammåt Bottas syne eyrste oaverwinning in nen Grand Prix oit behåleden.

Mercedes bracht nen reeks verbetteringen an de motoren an vöär den spaansken Grand Prix en in de kwalifikatsy pakkeden Hamilton de eyrste startpositsy vöär Sebastian Vette van Ferraril. Vettel håleden Hamilton in by de eyrste buchte, den neet in ståt was in te hålen tötdat Vettel 14 ründen låter nen pitstop måkeden. Hamilton blef buuten tötdat hy nen pitstop deed under den Virtual Safety Car, wårmed hy tyd wön up Vettel den synen pitstop ne runde låter deed. Vettel kwam nevven Hamilton uut de pitstråte en de twey råkeden mekanders wylen as Hamiltonvan de båne wyr edwungen en achterstand up Vettel upleep. Hamilton håleden Vettel by vöär de leiding in runde 44 en heeld et vaste üm de race too winnen, wat de leiding van Vettel in et kampioonskap terügdrung töt ses pünten en de vöärsprung van Mercedes in et kampioonskap vöär konstrukteurs töt acht pünten up Ferrari uutbreideden. Twey weaken låter in Monako, terwyl Ferrari de eyrste twey startpositsys besetteden, kwalificereden Hamilton sich as 14den terwyl hy moite had üm syne banden up too warmen mår ok syne låtste -vrye- runde verhinderd wyr döär nen incident wår Stoffel Vandoorne by betrökken was. Hamilton herstelleden sich en endigeden seavendes, terwyl Vettel Räikkönen inhåleden tydens de fase van de pitstops üm de race too winnen en syne leiding in et kampioonskap når 25 pünten up Hamilton uut too breiden.

Hamilton wön den Grouten Prys van Kanada van 2017 vanav de eyrste startpositsy üm de eyrste 1–2 finish van Mercedes van et seisoon too bewerkstelligen.

Nå dat resultåt, behåleden Hamilton de eyrste startpositsy in Kanada, wårmed hy gelyk kwam med synen held Ayrton Senna med de 65e mål (up de eysrte startpositsy) in syne karriere. Hy kreg eynen van de olde helmen van Senna aneboden, nen givt van de family van den douden Brasiliaan vöär et gelykkommen med syn rekord. Nå et untvangen van den givt, was Hamilton språkelous vöär nen moment, vöärdat hy sei: "Ik trille. Ik wet dat Ayrton vöär velen van owlüden owen favoriten koureur was en dat was hy ok vöär myn. Hy inspirereden myn üm too kommen wår dat ik vandage bün, dus üm dit too untvangen is den gröysten eer". Hamilton wön,terwyl hy alle ründen van de race an de leiding reed en de snelste runde neaderesettet had vöär synen tweyden Grand Slam van et seisoon.

Hamilton verseakereden sich vöär de vyvde mål van et seisoon van de eyrste startpositsy by den Grouten Prys van Azerbeidjan, terwyl hy den achterstand up den leider in et kampioonskap Vettel probereden too verkleinen. Hamilton had nen goden start, terwyl Vettel uprükkeden når de tweyde plaatse nådat Bottas en Räikkönen in den eyrsten sektor wyren ebotsed. De race sat vul med incidenten, med dree safety cars en nen rouden vlag. Jüüst vöärdat de tweyde safety carperiode endigeden, botseden Vettel teagen den achterkant van den wågen van Hamilton en besküldigeden synen rivål van et hem uutdågen döär syne remmen uut too testen, mår de telemetriske data van de FIA toneden an dat Hamilton syne remmen neet had ebruked. Eynige momenten låter, kwam Vettel langssyde en den Mercedes van Hamilton avsnydeden terwyl sy sich vöärbereideden up nen herstart, wårvöär hy den strav kreg dat hy tyn sekunden stille mos stån. Skonwal had Hamilton nen pår runden eyrder nen pitstop motten måken vöär nen lössen vöärkant, kwam Vettel når vöären en blev hy Hamilton vöär wårmed hy 14 pünten vöär kwam in den tüskenstand. Hy kreg ginne wydere bestravving, mår nam de volledige verantwöärdelikheyd, bracht ne püblike veruntsküldiging an Hamilton uut en bekenneden de kommende 12 månden in synen personliken tyd vry too süllen måken vöär underrichtsaktiviteyten tydens nen antal FIA kampioonskappen en evenementen.

In Oustenryk, kwalificereden Hamilton sich dardes achter Vettel, terwyl Bottas de eyrste startpositsy behåleden. Hy untvangeden nen strav van vyv startplaatsen nådat synen wågen ne unanekondigede verwisseling van den versnellingsbak nöydig had, wårdöär hy de race as achtsten begön. Hamilton beendigeden de race as veerden, terwyl Bottas syne tweyde oaverwinning in nen Grouten Prys oit behåleden. Vettel endigeden tweyds wårmed hy synen vöärsprung in et kampioonskap når 20 pünten up Hamilton uutbreideden.

Hamilton behålden synen vyvden Grand Slam van syne karriere en synen darden van et seisoon in den britsken Grand Prix.

By den britsken Grand Prix, kwalificereden Hamilton sich vöär de eyrste startpositsy, med nen tyd den meyr as ne halve sekunde rapper was as den tweydseplaatseden Räikkönen. De race wyr ewönnen döär Hamilton, den gelykkwam med et rekord med synen darden grand slam van et seisoon, startend van de eyrste startpositsy, terwyl hy alle ründen van de race had eleided, de rapste runde had neaderesetted en med 14 sekunden vöärsprung up synen Mercedes-teammåt Bottas wön. Med syne vyvde oaverwinning in den britsken Grand Prix kwam hy gelyk med de rekords van Alain Prost en Jim Clark, dy allebeide ok vyv mål disse race hadden ewönnen. Dårenteagen had synen rivål in et kampioonskap Sebastian Vettel laste van et fålen van syne banden med twey ründen too gån en endigeden dårnå seavendes. Dårdöär nam synen vöärsprung up Hamilton in de individuelen tüskenstand av töt eyn pünt.

De völgende weak endigeden Hamilton veerdes in Hungarye, achter Bottas. Dit leideden töt wat kontroversy ümdat Bottas eyrstens vöär Hamilton lag, mår, ümdat Vettel skade an syn stüre had en Räikkönen synen teammåt neet kön inhålen, vörmden sich ne ry wågen achter de Ferraris. Terwyl Bottas Räikkönen neet kön inhålen, vrågeden Hamilton üm syne plaatse too wisselen med Bottas üm beyde Ferraris in proberen too hålen. Ümdat hem dat neet lükkeden, gav Hamilton de positsy terügge an Bottas by de låtste buchte van de låtste runde. Vettel wön de race en breideden synen vöärsprung in et individuelen kampioonskap up Hamilton uut töt 14 pünten en den vöärsprung van Mercedes in et kampioonskap vöär konstrukteur wyr terügebracht töt 39 pünten up Ferrari.

Hamilton hernam de leiding in et kampioonskap nå nen dreetal oaverwinningen nå den sommerstop. Tydens de kwalifikatsy vöär den belgisken Grand Prix behåleden Hamilton vöär de 68e mål in syne karriere de eyrste startpositsy en setteden den rapsten rundetyd oit neader up et Cirkuit van Spa-Francorchamps (1:42.553) terwyl synen rivål vöär et kampioonskap Vettel sich nevven hem up den eyrsten startry kwalificereden. By syne 200e race in de Formule Eyn behåleden Hamilton syne vyvde oaverwinning van et seisoon in nen spannend gevecht med Vettel den de heyle race vlakby Hamilton kön blyven, mår hem neet vöärby kön gån.

Ne weak låter by den italiaansken Grand Prix behåleden Hamilton syne 69e eyrste startpositsy, wårmed hy Michael Schumacher vöärbyging vöär de meyste eyrste startpositsys allertyden. Tydens de natte kwalifikatsyrunde pakkeden Hamilton de eyrste startpositsy med 1,148 sekunden up Verstappen in Q3, wat by verre et gröytsten verskil was van et seisoon. Hamilton setteden syne eyrste startpositsy üm in syne sesde oaverwinning van et seisoon, wat ok beteakeneden dat hy de leiding in et kampioonskap oavernam van Vettel med dree pünten. Bottas endigeden tweyds terwyl Mercedes syne meyst dominante race van et seisoon töt dan too vyrden med öären darden 1-2 finish van et seisoon. Med de europäske ründen van et seisoon edåne en seaven runden too gån, had Mercedes ok nen vöärsprung van 62 pünten in et kampioonskap vöär konstrukteurs up Ferrari.

Mercedes had et moilik tydens de kwalifikatsy van den singaporeesken Grand Prix. Vettel behåleden de eyrste startpositsy terwyl Hamilton slechts vyvdes wyr, achter beyde Red Bulls en den tweyden Ferrari van Räikkönen. Tydens den eyrsten, döär reagen ekenmarkeden, nachteliken Grand Prix oit, nam Hamilton de leiding in de eyrste runde nå nen botsing in buchte eyn wårby Räikkönen, Verstappen en Vettel betrökken waren en wårdöär sy öäre wågen terüg mosten trekken. Hy behåleden vervölgens de oaverwinning dy unwårskynlik had eleken döär Ricciardo van sich av too holden tydens dree herstarts achter den safety car restarts in et låtsten deyl van de race.

Max Verstappen hålden Hamilton in, den en probleym med synen motor had, vöär den leiding in den maleysisken Grand Prix van 2017.

Döärdat sy gröyte möilikheyden hadden med den upbow nå et introduceren van en ny pakket verbetteringen by den maleysisken Grand Prix, was Mercedes meyr as ne sekunde langsåmer as Ferrari up vrydag. Mercedesbås Toto Wolff sei dat den wågen nen belangryk probleym had dat sy neet hadden können vinden. Up såterdag besloot et team üm verskillende programmas nevven eynander too too passen, wårby Bottas et nyen aeropakket ebrükeden en Hamilton de olde versie ebrükeden. Vettel had probleymen med syn motorblok en sül as låtsten starten terwyl Hamilton syne 70e eyrste startpositsy van syne karriere behåleden en underwyl setteden hy nen ny rekord van de rapste runde van disse båne neader. Skonwal sy in de kwalifikatsy nen rappen wågen hadden, was et racetempo van Mercedes langsåmer as dat van Red Bull en nådat hy de leiding vasteheeld nå den start, mos Hamilton de leiding in de veerde runde an Verstappen avgeaven terwyl hy nen probleym med et MGU-K (kinetisk motorgeneratoronderdeyl) van synen wågen up mos lossen. Hy behåleden de tweyde plaatse en breidden synen vöärsprung in et kampioonskap up nen herstellenden Vettel, den veerdes endigeden, uut.

Tydens de kwalifikatsy vöär den japansken Grouten Prys, behåleden Hamilton vöär et eyrst de eyrste startpositsy up Suzuka en verbrak hy et bånerekord dat eyrder van Michael Schumacher uut 2006 was med meyr as 1,6 sekunde. Terwyl rivål vöär den titel Vettel nå veer ründen upgav, heeld Hamilton Max Verstappen edürende de race av, ündanks klachten oaver trillingen van de motor in de låtste ründen, üm syne achtste oaverwinning van et seisoon too behålen en synen vöärsprung in et kampioonskap uut too breiden når 59 pünten.

Hamilton brak nen ander rekord tydens de kwalifikatsy vöär den Grouten Prys van de Vereynigde Ståten. In winderige ümstandigheyden behåleden Hamilton syne 72e eyrste startpositsy en synen 117en start up den eyrsten ry, wårmed hy nen ny rekord van meyste starts up den eyrsten ry neadersetteden en et rekord van Michael Schumacher van 116 vöärbyging. Hamilton verloor syne leiding eyrstens an Vettel mår volgeden dichte en håleden Vettel uutendelik in runde 6 in üm de leiding too nemmen en dårnå too winnen, wårmed hy Mercedes an syne veerde upeynvolgende kampioonskapstitel vöär konstrukteurs too behålen. Döär de oaverwinning breidden den vöärsprung van Hamilton in et individuelen kampioonskap sich töt 66 pünten uut, wat beteakeneden dat ne vyvde plaatse in de völgende race in Meksiko enog sül weasen üm de titel too pakken med noch twey race too gån.

In Meksiko vechteden Hamilton, nådat hy as darden was ekwalificered, vöär syne positsy med Vettel en Verstappen tydens de eyrste pår büchten tötdat der kontakt tüsken Vettel en Hamilton kwam wårdöär de vöärkant van de wågen van den eyrsten beskadigeden en Hamilton lekreed. Dårdöär mosten beyde koureurs an et ende van de eyrste runde nen pitstop måken, wårna sy achteran in et veld weader ansloten. Vettel kwam weader når vöären üm veerdes too endigen, terwyl Hamilton, den skade had an et luchtrooster en de underkante van synen wågen van de botsing in de eyrste runde, neagendes wyr. Skonwal behåleden Hamilton de titel med noch twey races too gån.

Tydens de kwalifikatsy vöär den brasiliaansken Grouten Prys, måkeden Hamilton nen seldsåmen fout by syne eyrste vrye runde in de eyrste kwalifikatsy en rakeden de hekken nådat hy de kontrole oaver synen wågen verloren had en begön de race dårdöär vanuut de pitstråte terwyl Bottas de eyrste startpositsy behåleden. Hamilton kwam stark terügge döär de meysten in too hålen en veerdes too endigen, minder as ne sekunde achter Räikkönen up de darde plaatse, terwyl Vettel de race wön.

Mercedes dominereden de kwalifikatsy vöär den Grouten Prys van Abu Dhabi wårby Hamilton vöär de tweyde race up ne ry sich achter Bottas kwalificereden nådat Hamilton weader nen foutjen tydens de låtste buchte van syne låtste poging had emåked. Et was de eyrste mål sinds den Grouten Prys van Azerbeidjan dat et team de eyrste startry besetteden. Mercedes sloot et seisoon av med den veerden 1=2 terwyl Bottas vanav de eyrste startpositsy wön en Hamilton neet kön passeren ündanks meyrdere pogingen in de låtste ründen.

Et seisoon van 2018: Vyvde werldtitel

Et seisoon van 2018 was de eyrste mål in den sport dat twey veermålige werldkampionen -Hamilton en Vettel- vöär ne vyvde werldtitel stryden süllen.

Dit Formule Eynseisoon (2018) was de eyrste mål dat twey veervowdige werldkampionen, Hamilton en Vettel, vöär ne vyvde titel stryden süllet en wyr döär journalisten en fans den Fight for Five enömed. Hamilton begön et seisoon med ne rekordbreakende seavende mål up de eyrste startpositsy in den australisken Grand Prix mår endigeden uutendelik tweyds axhter Sebastian Vettel, den nen vrog moment achter den virtuelen safety car —veröärsåked döär den verneelden Haas van Romain Grosjean— ebrükeden üm Hamilton too passeren en de positsy vaste too holden töt an den finish. Nådat hy up et podium was eendiged in Bahrein en veerdes was eendiged in Sjanghai, wön Hamilton syne eyrste race van et seisoon in Azerbeidjan, nådat nen fout van Vettel Hamilton in ståt stelleden üm de tweyde plaatse in too nemmen en vervölgens nam hy de leiding in de race oaver van synen teammåt Bottas den med nen ungelükkigen låten lekken band too måken kreg. Döär de oaverwinning kwam Hamilton an de leiding van et kampioonskap vöär de eyrste mål in 2018. Nå de race was Hamilton too låt by de podiumceremony üm Bottas too trousten. By de völgende race, pakkeden Hamilton syne eyrste upeynvölgende oaverwinningen van et seisoon doo hy vanav de eyrste startpositsy in Spanje in den eyrsten 1–2 finish van et seisoon van Mercedes. Skonwal stünd Hamilton de leiding in et kampioonskap in de völgende twey ründen in Monako en Kanada av.

In den fransken Grand Prix wön Hamilton van de eyrste startpositsy terwyl den leider in et kampioonskap Vettel ne botsing in buchte eyn veröärsåkeden, wat hem terügsloog når de achterkante van et veld van wåruut hy uutendelik vyvdes endigeden, wårdöär Hamilton de leiding in et kampioonskap med 14 pünten terügge kön pakken. In Oustenryk mos Hamilton vöär et eyrst sinds den maleysisken Grouten Prys van 2016 vanweagen nen technisk probleym upgeaven, wårdöär nen (rekord)reeks van 33 races, wårin hy altyd in de pünten was eendiged, sünder upgåve töt ne ende kwam. Döärdat Vettel dardes was eendiged, kwam hy weader an de leiding van et kampioonskap. Ündanks dat hy up de eyrste startpositsy an Silverstone was begönnen, behåleden Hamilton gin thuusoaverwinning nådat hy nå ne botsing med Räikkönen in de eyrste runde virtueel låtstes reed. Ündanks dat herstelleden Hamilton sich üm tweyds too endigen terwyl Vettel de oaverwinning behåleden. In de weak vöär den düütsken Grand Prix teakeneden Hamilton nen tweyjöärig kontrakt med Mercedes, dat töt £40 miljoon (per jår) weerd skynt too weasen, wat Hamilton den bestbetåleden koureur in de geskydenis van de Formule Eyn måked. Nen hydraulisk probleym in de kwalifikatsy beteakeneden dat Hamilton de race slechts as veertynden sül starten. In de race pakkeden Hamilton eyne van de beste oaverwinningen van syne karriere terwyl hy döär et middendeyl van et veld reed en döär de veranderende weersümstandigheyden hen kwam, eholpen döär weader nen fout van Vettel den in de hekken botseden vanav de leidende positsy in syne thuusrace. De leiding in et kampioonskap wyr weader van Hamilton ewörden. Hamilton pakkeden weader upeynvölgende oaverwinningen en syne vyvde oaverwinning van et seisoon terwyl hy van de eyrste startpositsy in Hungarye wön, wårmed hy synen vöärsprung in et kampioonskap når 24 pünten uutbreideden an et begin van den sommerstop.

Hamilton mos eyne mål in et seisoon upgeaven in den oustenryksken Grouten Prys.

Nå den sommerstop had Hamilton weader fantastisken vörm; hy wön veer van de völgende vyv races med ok veer upeynvölgende Grand Prixoaverwinningen. Et seisoon begön weader in Belgie wår Hamilton vöär de sesde mål van et seisoon de eyrste startpositsy behåleden. Skonwal behåleden den Ferrari van Vettel de oaverwinning up et völ kracht eisenden cirkuit van Spa nådat hy Hamilton inhåleden in de eyrste runde. Hamilton profitereden vulledig van weader nen fout van titelrivål Vettel, den runddråieden in de eyrste runde terwyl Hamilton hem an de buutenkant inhåleden en behåleden de oaverwinning up Monza vöär de ougen van de Tifosi nådat hy Räikkönen, den eyrstes lag, med acht ründen too gån inhåleden. In den singaporeesken Grouten Prys, ne båne wår Mercedes moite med presteren had ehad in et hybridetydperk, behåleden Hamilton ne unverwachte eyrste startpositsy med eyne van syne beste ründen van syne karriere. Hamilton sei sölv dat de runde "magisk vuleden", terwyl teambås Toto Wolff et beskrev as "fonkelend", deran toovoogend dat "alleynig hy sül weaten wat hy deed in dee runde... et is unwarkelik". Hamilton setteden syne eyrste startpositsy in de race in ne oaverwinning üm en breideden dårmed synen vöärsprung in et kampioonskap up Vettel, den dardes endigeden achter den Red Bull van Verstappen, uut.

Hamilton behåleden ne kontroversiele oaverwinning in Rüsland wår Mercedes, nådat hy in de pitstops up achterstand van Vettel was ekommen vöärdat hy hem passereden up de båne, teammåt Bottas updroog Hamilton de leiding in de race too geaven üm synen vöärsprung in et kampioonskap up Vettel wyder uut too breiden. Nå de race beskrev Hamilton synen teammåt as "nen echten heer". Ne indrükwekkende oaverwinning vanav de eyrste startpositsy in Japan, terwyl Vettel sesdes endigeden nå runddråien in de race, evölged döär nen podiumfinish in de Vereynigde Ståten betekeaneden dat Hamilton de titel vöär et tweyden jår up ne ry kön pakken in den meksikaansken Grouten Prys. Hamilton endigeden veerdes in Meksiko en behåleden so de werldtitel med noch twey races too gån. Den upny werldkampioon ewördenen koureur endigeden syn seisoon in geweldigen vörm med upeynvölgende oaverwinningen in de Groute Prys van Brasilie en Abu Dhabi wårmed hy nen ny rekord van meyste kampioonskapspünten in eyn seisoon behåled neadersetteden (408). Hy wyr ok den eyrsten koureur den et totålen antal van 3000 pünten in ne karriere oaverskreed. Hamilton beendigeden et seisoon med 11 eyrste startpositsys, 11 raceoaverwinningen en ne evenåring van et rekord van 17 podiumfinishes.

Et seisoon van 2019: Sesde werldtitel

Nådat hy nen kontrakt had eteakened med Mercedes dat töt 2020 sül düren, wyr et bevestiged dat Hamilton syne titel in 2019 sül verdeadigen. Hamilton behåleden syne sesde werldtitel by den Grouten Prys van de Vereynigde Ståten van 2019 en behåleden in et seisoon 11 oaverwinningen, 17 podiüms en 5 eyrste startpositys.

Et seisoon van 2020: Seavende wereldtitel

Hamilton wön syne seavende werldtitel in 2020, gelyk an et rekord neaderesetted döär Schumacher, in nen seisoon dat heavig beinvlood wyr döär de COVID-19 pandemie. In et verkörteden raceseisoon med seaventeen races, pakkeden Hamilton 11 oaverwinningen (gelyk an syne vöärige persöänlike beste prestatsy, mår in minder races) inklusiv eyne in Portugal, wårmed hy et rekord van Schumacher van 91 oaverwinningen verbrak. Hy behåleden ouk 14 podiums en 10 pole positions. Hamilton misseden den Grouten Prys van Sakhir van 2020 nådat hy COVID-19 had upelopen, wårmed hy vöär et eyrsten sinds syn debut in 2007 ne race misseden. Hamilton pakkeden de titel by den türksken Grouten Prys van 2020 med noch dree ründen too gån en endigeden et seisoon med nen vöärsprong van 124 pünten up synen teammåt Bottas, den tweyds endigeden in den stand. Midden in de kampagne We Race as One van de Formule Eyn en nen groienden steun vöär de Black Lives Matter-beweaging, kneeleden Hamilton vöär elke race wårin hy starteden en droog hy tshirts med de tekste ''Black Lives Matter''. Hamilton stund enöyteerd up de vöärlöypige startlyste vöär et seisoon van 2021 as eynen van de twey ryders van Mercedes, skounwal hy noch gin ny konkrakt had eteykend by et team.

Et seisoon van 2021: Titelstryd med Verstappen

Hamilton en Verstappen waren betrökken in verskeydene gevechten up de båne gedurende et seisoon van 2021

In de oapeningsrundes, kwamen Hamilton en Max Verstappen van Red Bull rap når vöären as favoriten vöär den titel van 2021. Döär et seisoon hen wisselden de twey de leiding in et kampioonskap af en strydeden reagelmåtig up de båne, wat vake leideden töt kontroverse en sy gingen med gelyke pünten de låtste race van et seisoon in (mår Verstappen stund vöär in de standen vanweagen en gröyter antal oaverwinningen). By de beslissende race in Abu Dhabi, haalden Verstappen Hamilton in de låtste van de race in, wårdöär Hamilton synen achtsten titel neet kreeg.

De ümstandigheyden vöärafgånd an de låtste runde —nåmelik, ne "unesene" upeynvölging van beslissingen emåked tydens nen låten safety car döär den racedirektöör Michael Masi—waren seyr kontroversieel ümdat sy et "normale protokol" neet volgden. De beslissing van Masi üm allenig de wågen dee al up ne runde achterstand reden de instruktsy too geaven tydens den safety car weder by too kommen - mår allenig dee tüsken Verstappen en Hamilton reden - måkeden et gat tüsken et tweytal unedåne en stelden Verstappen, up nye sachte banden, in ståt de låtste runde direkt achter Hamilton up syne versleten harde banden too ryden. Lando Norris van McLaren dacht dat de beslissing van Masi wear edåne üm ne spannende finish "vöär TV" uut too lokken, terwyl George Russell van Williams de beslissing as"absoluut unakseptåbel" beskreev. Teagen et ende van de låtste runde sei Hamilton teagen syn team oaver den radio, "Dit is emanipuleerd, man".Mal:R Daniel Ricciardo van McLaren, den eynen van de achterblyvers was dee neet terügge mochteden kommen, sei: "[Ik bun] bly dat ik der gin deyl van uut måk. Wat der net ouk mag ebeurd weasen, et lek vry [rår]". Nå de race feliciteerden Hamilton Verstappen med syne oaverwinning.

Et dårupvölgende protest van Mercedes by de FIA oaver de beslissing en et resultåt van de race wear afeweasen, wårna et team de intentsy angav teagen de beslissing in beroop too gån. Skounwal Mercedes besloot gin beroop an to teykenen nå de anköndiging van de FIA dat sy ne "edetailleerde analyse en verdüdeliking" van et incident sal uutvoren en höäre stelling dat de kontroverse et imago van de sport "verbleket".

Undanks de kontroverse rund de låtste race van et seisoon, beskreev Andrew Benson van BBC Sports et seisoon as "eynen van de meyst intense, hardstbevochten stryden in de sportgeskydenis oaver 22 grands prix verdeyld", wårby Hamilton en Verstappen "med kop en skolders —en noch meyr— boaven yderen anderen ryder van et veld uutstaken." Gedurende et seisoon, wördet Hamilton den eyrsten koureur den 100 pole positions en 100 raceoaverwinningen behaalden, respektivelik tydens de spaanske en rüssiske groute prys.

In juli 2021 teykenden Hamilton ne kontraktverlenging üm by Mercedes too blyven töt et ende van 2023.

Et seisoon van 2022

Hamilton sal by Mercedes med Russell ryden in et seisoon van 2022.

Et profil van den koureur

Rystyl

Hamilton wön med meyr as nen minuut vöärsprung up de tweyde plekke Nick Heidfeld by den britsken Grouten Prys van 2008.

Hamilton wördet esen as eynen van de meyst komplete koureurs van et veld. As rekordholder allertyden van de meyste eyrste startplaatsen, wördet Hamilton beskowd as eynen van de rapste kwalificeerders uut den sport. Ok is hy nen tåien racer, hy blinket uut up verskeydene typen bånen. Hy is beskreven as dat hy nen agressiven rystyl hevt, wat van tyd töt tyd dertoo leidet dat hy syne vöärwylen vastsettet. Hamilton is epresen vöär syn vermogen üm sich an te passen an variatsys in de upbow van de wågen en an wisselende ümstandigheyden van bånen; döärhen syne karriere, hevt hy gewöänlik minder brandstov as syne teammöäte vanweagen syn vermogen üm vårt too beholden in de buchten undanks instabiliteyt in de wågen. Hy is ok epresen vöär sy vermogen üm up belangryke momenten snelle ründen too ryden, vöäral by de kwalifikatsy.

Hamilton wön den japansken Grouten Prys van 2014 in heavigen reagen.

Ayrton Senna was van grouten invlood up den rystyl van Hamilton. "Ik denke dat et deals kömmet ümdat ik når hem kek doo ik jüng waren en dacht 'dit is hoo ik wil ryden as ik den kans kryg' en ik ging dan når buuten en proberen et up de kartbåne. Mynen heylen anpak van racen is dåruut untwikkeled". Hy is vergeleaken med Senna in snelheyd. In 2010 reed Hamilton in den originelen McLaren MP4/4 wårmed Senna syne werldtitel had ewönnen as underdeyl van ne dokumentaire in dynen eer van den BBC-autoshow Top Gear. In de dokumentaire nuumeden Hamilton en andere medekoureurs Senna as den nümmer eyn koureur allertyden.

Hamilton wördet esen as eynen van de beste reagenryders in den sport en summige van syne beste prestatsys waren in dy ümstandigheyden. Wellicht den upvallendsten van disse prestatsys was den britsken Grouten Prys van 2008 wår hy med meyr as nen minuut up Nick Heidfeld wön, et gröytsten verskil wårmed nen koureur ewönnen had sinds den autralisken Grouten Prys van 1995.

Eyrder in syne karriere wyr Hamilton bekritisered vöär sums wuudend too wean, so as doo hy ediskwalificered wyr in Imola in den GP2 vöär et inhålen van den safety car, wat hy veer jår låter sül herhålen in de Formule Eyn in den europäesken Grouten Prys van 2010 in Valencia. Skonwal hevt Hamilton låter in syne karriere meyr vulwassenheyd etöyned, terwyl hy syne genadelousheyd en agressy beholdeden. Hy verdealeden de meningen van et püblik en vöärmålige koureurs in de låtste race van et seisoon van 2016, wår hy an de leiding teagen de teamorders inging döär Nico Rosberg too vertrågen en too dwingen in de achtervölgende gruup üm by öäre rivålen uut too lokken dat sy synen teammåten in gingen hålen, wat hem in ståt had estelled üm et werldkampioonskap too winnen.

Untvangst

Hamilton wördet våke esen as den besten koureurs van syne generatsy en algemeyn beskowed as eynen van den gröytsten Formule Eynkoureurs in de geskydenis van den sport. Våke wördet hy beskowed by den gröytsten britsken koureurs in de Formule Eyn, Hamilton is den meyst süksesvullen, want hy hevt meyr raceoaverwinningen dan eynig anderen britsken koureur in de geskydenis van de Formule Eyn en vyv oaverwinningen in den britsken Grouten Prys net as Jim Clark en Alain Prost. Syne lükse leavensstyl en interessen buuten de Formule Eyn bünt bekritisered, skonwal hebbet lüde uut den sport so as Emerson Fittipaldi en Christian Horner öäre steun egeaven vöär Hamiltons vermogen üm kontakt too måken med de fans. Bernie Ecclestone hevt reagelmåtig ereagered med syne bewundering van et vermogen van Hamilton üm den sport too promoten med synen leavensstyl, upmarkend hoo hy blyde is üm med fans üm too gån anders as sümmige van syne kollegas. Sinds Hamiltons eyrste seisoon in 2007, hevt den jårliksken werldwyden upbrengst van de Formule Eyn tooenömmen med 53% når $1,83 miljard up 31 jüly 2016.

Al nen grout talent as nen tyner, hevt Hamilton sichselv neaderesettet as eynen van de beste koureurs van de werld nå syn rekordbrekkenden debutjår wår hy gelykkwam med synen teammåt, den tweymåligen werldkampioon Fernando Alonso en wyr tweyden in et kampioonskap med mår eyn pünt achterstand. Nå syne eyrste werldtitel in 2008 beskoweden vele lüde Hamilton as den besten koureur van syne generatsy. Nå nen veer jår lange dominantsy van Red Bull en Sebastian Vettel in den sport in de vulgende veer jåren, wyr hy sowal professioneel en persoonlik etested ümdat hy neet höyger as de veerde plaatse in et individüellen kampioonskap, wat dertoo leideden dat summigen synen status as den besten koureur in den sport gingen betwyvelen.

Dree jår låter nådat hy syne tweyde en darde werldtitel had behåled med Mercedes up ne dominante wyse vöär jöygdvrind en teammft Nico Rosberg verklareden David Coulthard Hamilton den besten koureur van syne generatsy en nuumeden hem ''den Ayrton Senna van synen tyd''. Disse mening wyr uutendelik breyder eakseptered by et püblik, de eksperts, medekoureurs en vöärmålige koureurs. Syne minder süksesvulle jåren by McLaren bünt ok ecitered as nen vöärbeyld van syne ryvermogen ümdat Hamilton ten minsten eyne race hevt ewönnen per seisoon in twålv seisoonen up ne ry en kreg groute lov van ervåren koureurs vöär et behålen van winnende prestatsys uut wågen dy neet dominant waren. Terwyl et sükses van Hamilton wyderging, wårby hy de meyste eyrste startpositsys allertyden en et up eyn nå gröytsten antal raceoaverwinningen, as ok syne veerde werldtitel, ging et debat van et püblik en de eksperts oaver van synen status in de moderne Formule Eyn in nen debat over synen status tüsken de gröytste koureurs in de geskydenis.

Rivaliteyt med Nico Rosberg

Lewis Hamilton (links) en Nico Rosberg (rechts) by den Grouten Prys van Maleysie van 2016.

Doo Hamilton tootrad töt Mercedes in 2013, wyr hy nevven synen olden kartteammåt en vrind Nico Rosberg esetted. In öäre veer seisonen as teammåten, ne periode van dominantsy van Mercedes in de Formule Eyn, wyren de betrekkingen van de twey espannen en leideden sums töt heavige konfrontatsys up en buuten de båne. Hamilton en Rosberg wyren vöär et eyrst teammåten in 2000, doo sy karteden. Sy raceden vöär Mercedes Benz McLaren in de Formule A, wår Hamilton europäesk kampioon wyr med Rosberg neet wyd derachter. Robert Kubica, den med öär raceden vöär de Formule Eyn, erinnereden sich hoo sy sowal up as buuten de båne kompetitiv waren en sei "sy hadden sölvs races van pizzas eaten, sy eateden der altyd twey in eyn mål". Sportjournalist Paul Weaver geavet et kontrast van öäre upvoodingen: Rosberg, nen eynig kind, wyr geboaren in Düütskland mår wyr groutebracht in Monako en was den sön van nen ryken vöärmåligen Formule Eynwerldkampioon, Keke Rosberg, terwyl Hamilton wyr geboaren in nen hüürflatwoning in Stevenage en synen våder mos meyrdere bånen hebben üm et jöygdracen van synen sön too bekostigen.

Ekspert en kommentator Will Buxton vergeleek et karakter en de rystylen van de twey en markereden Hamilton as den rapperen koureur med meyr natüürlik vermogen, terwyl hy Rosberg, hoowal hy neet even rap is, markereden as den intelligenteren koureur. Öären olden kartbås Dino Chiesa gav too dat Hamilton den rapperen koureur was, terwyl Rosberg, den ens teagen Chiesa sei dat ''alles med natüürkünde en wiskünde too måken hevt'' , altyd seriöser en analytisker was. Dat leideden dertoo dat velen gelöveden dat Rosberg meyr sükses sül behålen in de Formule Eyn, et höygsten nivo van oapenwylracen, vanweagen et intellektüelen vermogen dat benöydiged is üm remmen in too stellen, energy uut eksterne brunnen üm too setten, de wylinstellingen by too stellen en synen brandstovverbruuk by too stellen. Skonwal hebbet de wylinstellingen van Hamilton hem våke in ståt estelled üm langer döär too gån, hy kreereden våke optimåle racestrategyen en syn brandstovverbruuk is meystal better ewest dan dat van de meyste van syne konkurrenten. Mark Hughes van Sky Sport sei: "Rosberg hevt ne weatenskaplikere metodology, proberet specifiker dingen verfyned by te stellen as Hamilton, den typisk neiget üm nen balans too suuken wår hy med kan warken en syn ryden der dan up an too passen".

In öären tyd toosammen as teammåten wön Hamilton twey werldtitels en Rosberg eyn en behåleden Hamilton meyr pünten in dree van öäre veer seisonen toosammen. Gedürende dissen tyd wönnen de twey toosammen 54 van de 78 races in veer seisonen. In kwalifikatsys was Hamilton better as Rosberg, wårby hy 42 mål vöär synen teammåt endigeden. Hamilton had ok bettere raceresultåten in disse periode med 32 oaverwinningen teagenover de 22 van Rosberg en behåleden ok 55 finishes up et podium, vyv meyr as Rosberg.

Rosberg wyr verplichted üm achter Hamilton too blyven in den Grouten Prys van Maleysie van 2013, et eyrsten van vele kontroversiele incidenten up de båne.

Tydlyn van incidenten

Et eyrsten teaken van spanningen tüsken de twey wyr by den Grouten Prys van Maleysie van 2013, wår Mercedes nen teamupdracht gav, wårby den rapperen Rosberg achter Hamilton up de veerde plaatse (stille) mos blyven (stån), wat Rosberg med teagensinne deed. Hamilton betwyveleden en bekritisereden den radiouproop en gav nå de race too dat Rosberg de darde plaatse verdeend had. Et incident wyr in de völgende dågen upelosten med den "Multi-21" by Red Bull en ging vöärby sünder wydere kontroversy terwyl de twey måten wyder gingen.

By den Grouten Prys van Bahrein van 2014 wyren beyde Mercedeskoureurs betrökken by nen wyl-an-wylduel vöär de oaverwinning. Nen låten safety car had blykbar et vöärdeyl egeaven an Rosberg up de tweyde plaatse, den et vóärdeyl van nen betteren band had, mår nå de hervatting setteden Hamilton drük in ne byna wyl-an-wylanraking dee sonder warkelik konkakt tüsken de Mercedeswågen vöärby ging. In de aveslöäten ruumte nå de race deden de twey med an nen (spottend) nåmåkgevecht.

Hamilton kwam an by den Grouten Prys van Spanje van 2014 med dree upeynvölgende oaverwinningen achter sich en de möägelikheyd um in et kampioonskap vöär Rosberg too kommen med syne veerde oaverwinning. Hamilton heeld nen achtervulgende Rosberg av an et ende van de race en kwam 0.6 sekunden eyrder oaver de streyp as den düütsker. Up nen båne med meyr móägelikheyden tót inhvlen was Rosberg misskyn in ståt ewest üm in too hålen en den sei nå race dat ne ekstra runde enog ewest was. Nå de race wyr bekend emåked dat Hamilton desölvde motorinstelling had ebruked üm syne positsy too verdeadigen as Rosberg had edåne in Bahrein.

Twey weaken låter by den Grouten Prys van Monako van 2014, was Hamilton rapper as synen teammåt in alle dree uvensessys en ok in de tweyde kwalifikatsy vöär binnen de låtste tyn. In et låtste deyl van de darde kwalifikatsy begönnen beyde Mercedeskoureurs an ne runde; eyrst Rosberg, dårnå Hamilton. Rosberg, den up de eyrste positsy lag, ging wyd by Mirabeau en reed in ne sydebåne, wat töt geale vlaggen leideden en wårdöär Hamilton syne låtste runde van syne kwalifikatsy av mos brekken. Meyrdere eksperts deden suggestys van vüül spel en måkeden vergelykingen med de upsettelike botsing van Michael schumacher by La Rascasse in 2006, mår de jüry vrywåreden Rosberg van eynigen fout. Hamilton måkeden düdelik dat hy vuuleden dat Rosberg syne runde ekspres had verpested en nådat hy de race as tweyden was begönnen en as tweyden had beendiged, kondigeden hy an dat hy en Rosberg neet langer måten warens.

Den start van den Grouten Prys van Bahrein van 2014 wår Hamilton synen teammåt Rosberg inhåleden vöär de leiding.

In den Grouten Prys van Hungarye van 2014 wyr Hamilton edwungen üm vanav de achterkante van et startveld too starten ümdat nen brandstovlek in de eyrste kwalifikatsysessy synen wågen untbrandeden. Hamilton begön döär et veld når vöären too kommen tötdat nen safety car midden in de race de volgorde verandereden, wårdóär Rosberg achter Hamilton kwam mår med ne andere strategy. Doo Rosberg, up nyere banden, et gat når Hamilton dichteden, vrog Mercedes den britsken koureur üm hem oaver too låten nemmen, weatende dat den düütsker vöär et ende van de race noch nen pitstop måken sül mooten. Hamilton weigereden, wårby hy redenereden dat hy vanav de låtste positsy når vöären was ekommen en dat hy der neet klår vöär was üm too vertrågen üm Rosberg, synen titelrivål den up de eyrste positsy was begönnen, derdöär too låten. De beslissing van Hamilton beteakeneden dat hy up de darde plaatse blev en dat hy Rosberg up achterstand heeld an et ende van de race nå den låtsten pitstop. Mercedesvöärsitter Niki Lauda sprak synen steun uut vöär Hamilton nå de race en sei "Völgens myn had Lewis gelyk".

De twey måkeden kontakt by den Grouten Prys van Belgie van 2014, wår Rosberg wyd bekritisered wyr vöär et raken van Hamilton by Les Combes, wårby hy synen vöärvlöggel brak en synen teammåt nen lekken band gav en hem feitelik uut de race düweden. Rosberg herstelleden sich üm tweyds too endigen achter Daniel Ricciardo mår et blek låter dat den düütsker de nöse van synen wågen had elåten üm "nen pünt too måken" når synen britsken teammåt döär neet up too geaven. Nådat hy döär et publyk untmudiged wyr up et podium, wyr Rosberg edwungen üm eksküses an too byden en "epaste diskiplinäre måtreagelen" wyren enömmen teagen hem.

Et völgende seisoon kwam Hamilton når den Grouten Prys van de Vereynigde Ståten van 2015, terwyl hy wist dat hy de titel kön winnen med dree races too gån as hy dår sül winnen. Nådat Hamilton Rosberg heyl agressiv dwüng üm wyd too gån döär de eyrste buchte, so dat hy de leiding kön nemmen, wårnå ne spannende race untstünd wårby et vöärdeyl steyds hen en weader ging tüsken beide Mercedeskoureurs en de achtervölgende Red Bulls. Nen entousiasten Rosberg ging an de leiding in et låtste deyl van de race mår måkeden nen fout by buchte 12, wår hy deep ging en leet synen teammåt nen pår ründen vöär et ende vöärby gån. Hamilton gav de leiding neet meer av en behåleden syne darde werldtitel. Rosberg was wuudend nå de race en sei dat de akty in de eyrste buchte van synen teammåt ''eyn stap too wyd'' was ewest. Hy wörp syne podiümpette up skandalige wyse når Hamilton terwyl sy wachteden üm når et podiüm too gån.

Nå Austin wön Rosberg seaven races up ne ry, med dårby de eyrste veer races van 2016. Doo sy når Spanje gingen had hy nen vöärsprung van 43 pünten up Hamilton nå nen antal probleymen vöär Hamilton, den dan de eyrste startpositsy behåleden vöär Rosberg. Nå nen gooden start vöär beide mannen, håleden Rosberg Hamilton buutenüm in by de eyrste buchte. Doo sy döär de völgende pår buchten gingen, kwam den wågen van Rosberg in ne inkorrekte motorinstelling vanweagen nen fout den den düütsker had emåked in de upstellingsrunde. Dat beteakeneden dat hy langsåmer as Hamilton uut de darde buchte kwam en Hamilton ging vöär de leiding. Rosberg blokkereden en dwüng Hamilton in et gras too gån wår hy de kontrole verloor en dråieden in et ründe en botseden teagen Rosberg wårdöär beide koureurs uut de race veelen. De jüry nuumeden et nen raceincident en dat Hamilton gelyk had med syne poging ümdat hy 17 kilometer per üür rapper was as Rosberg doo hy uut de darde buchte kwam. Achterav was Hamilton beslissed dat et incident syne relaty med Rosberg neet slecht deed, wåroaver hy låter toogav dat dy sinds 2014 minder was ewörden.

Hamilton (achtergrund) bedankeden Rosberg vöär et gehöärsåmen an de teamorders en vöär et hem derdöär låten in den Grouten Prys van Monako van 2016.

In Oustenryk lek Rosberg, den nen probleym had med de remmen, up weg når syne beste oaverwinning in syne karriere. Mår in de låtste ründen kwam Hamilton dichterby en nen fout van Rosberg in de eyrste buchte van de låtste runde gav hem nen bettere döärgang in et langen stük richting de tweyde buchte. Hamilton koos de buutenkante en reed nevven Rosberg terwyl sy by de buchte kwamen. Terwyl Hamilton stüreden üm de buchte in too gån, ging Rosberg rechtdöär, wat ne botsing veröärsåkeden en den vöärvlöggel van den düütsker beskadigeden. Hamilton håleden in wårdöär hy kön winnen, terwyl Rosberg terügge når de veerde positsy veel in de låtste buchten. Beide koureurs gaven den anderen den sküld, terwyl den wuudenden teambås Toto Wolff med teambevelen in tookümstige races dreigeden. De jüry gaven Rosberg den sküld vöär et incident en gaven hem twey stravpünten vöär et fålen üm raceruumte too too stån en vöär et veröärsåken van nen botsing.

An de låtste race van et seisoon in Abu Dhabi begön Rosberg med nen vöärsprung van twålv pünten up teammåt Hamilton in et individüelen werldkampioonskap. In de låtste ründen van de race, gehöärsåmeden Hamilton de bevelen uut et team neet, eyrst (neet) van synen raceingenieur en dan van den technisk direkteur van et team en hy vertrågeden an et ende van de race ekspres üm Rosberg terügge too dringen når de achtervölgende gruup in ne poging üm rivålen Vettel en Verstappen an too moodigen üm synen teammåt in too hålen, wat hem in ståt had estelled üm et werldkampioonskap too winnen. Doo hy evråged wyr ov Hamilton ne sankty ov sölvs ne diskwalifikaty krygen kön, antwoordeden Toto Wolff: "Alles is möägelik", skonwal der gin strav oapenbår wyr emåked. Anderen hebben hem understöned völgens et principe dat "koureurs vry bünt üm too racen". Nå de race untkenneden Hamilton dat hy sküldig was ewest an eynig slecht gedrag en sei "Ik denke neet dat ik yts gevöärliks heb edåne", "ik reed an de leiding, düs ik bepåleden et tempo. So bünt de reagels."

Slechts vyv dågen låter, nådat hy syn eyrsten individüelen werldkampioonskap had ewönnen, kondigeden Rosberg syne plotselinge terügtrekking uut den sport an. Hamilton sei dat hy neet verrassed wyr döär de ankondiging en was ündanks öäre espannene verholding wal verdreetig dat synen langdürenden rivål ging stoppen. "Den sport sal hem missen, mår ik wense hem al et besten," sei Hamilton. "Dit is de eyrste mål dat hy ewönnen had in 18 jår, wårdöär et ginne verrassing is dat hy beslöäten hevt too stoppen. Mår hy hevt ouk ne family üm sich up too richten en hy wil warskynlik meyr kinder. De Formule Eyn nemmet so völlen tyd van ow in beslag." Hy betrüren ouk et ende van de rivaliteyt tüsken öär tweyen en sei "As et geet üm et missen van de rivaliteyt, natüürlik want wy begönnen med karten doo wy 13 waren en wy spraken altyd oaver kampioon wörden. Doo ik by dit team kwam, was Nico der al, wat yts was wår wy as kinder oaver hadden esprökken. Düs et geet seyr, seyr vrömd wörden en et sal seakers jammer wean üm hem völgend jår neet in et team too hebben."

Publik imago en invlood

Rykdom en inkommen

In 2015 wyr Hamilton erankschikked as den ryksten britsken sporter med nen eschat persoonlik fortuun van £88 miljoon. In 2018 wyr vermelded dat Hamilton nen nettoinkommen van £159 miljoon sül hebben. Hamilton is momenteel den bestbetåleden koureur in de Formule Eyn en is sinds dat hy in 2013 by Mercedes eynen van de meystbetålede koureurs van allemåle ewest. Vöär den Grouten Prys van Monako van 2015 hevt nen konktrakt eteakened üm töt et ende van et seisoon van 2018 by Mercedes too blyven dat blykbår meyr as £100 miljoon weerd was oaver de dree jåren, wat hem eynen van de bestbetåleden koureurs in de Formule Eyn (oit) måkeden. In de weak vöär den Grouten Prys van Düütskland van 2018 teakeneden Hamilton nen tweyjöärig konkrakt med Mercedes, dat meyr as £40 miljoon per jår skynt too wean, wat Hamilton den bestbetåleden koureur in de geskydenis van de Formule Eyn måket.

Mediauntvangst

In december 2017 veröärsåkeden Hamilton kontroverse nå et dealen van nen video up Instagram van syn neafjen den ne prinsessenjürk droog wårin hy upmarkeden: "Wårüm vroog y üm ne prinsessenjürk vöär karstmis, jüngen dråget ginne prinsessenjürken". Hy wyr veröärdealed up de sociale media en döär LHBT-weldooners vöär syne upmarkingen. Dårup verwydereden hy den video wårna hy alle inhold van syne socialemediakanålen verwydereden, skonwal hy up 17 january 2018 terügkereden üm syne socialemediaakkounts weader aktiv too gebrüken. Hamilton veruntsküldigeden sich vöär syne upmarkingen en verskeen låter in Disneyland Parys med syn neafjen, den vöär dee reis ne prinsessenjürk droog en hysülv kwam ouk vöär up de vöärkante van GQ, wårup hy nen reagenboogkilt droog den hy had untwörpen med Tommy Hilfiger en sei: "Ik hebbe wat edåne en beseffeden dan et effekt dat ik had ... Ik wül toogeavingen doon. Ik akseptere et, realiseer me et en ik bün blyde dat ik der verantwöärdelik estelled vöär kan wörden".

In december 2018 veröärsåkeden den in Stevenage geboaren Hamilton kontroverse by de BBC Sportpersoonlikheyd van et Jåruutreikingen wår hy in de rechtstreakse televisyuutsending sei: "Et was echt ne dröym vöär uns allen as ne family üm wat anders too doon. Dat wy uut de krotten könden kommen" vöärdat hy sichsülv direkt verbeatereden döär too seggen: "Nu, neet de krotten, mår üm argens uut too kümmen en wat edåne too krygen. Wy setteden al unse doolen seyr, seyr houg mår wy deden et as nen team." Terwyl Hamilton direkt syne upmarkingen probereden too verbeateren, beskreev den leider van et distriktbestüür van Stevenage de wöärde as 'de verkearde wöärde' oaver Stevenage en sei dat de lüde "seyr beleadiged" waren. Hamilton setteden nen video up Instagram wårin hy sich veruntsküldigeden vöär syne upmarkingen en sei: "Ik bün süpertröts up wår ik vandan kümme en ik houpe dat y weatet dat ik et altyd up de best möägelike wyse dee ik kan. [...] Vöäral wonneyr y vöär ne püblik ståt en de jüüste wöärde söket üm de lange reis dee y hebbet ehad in ow leaven, ik koos de verkearde wöärde." De bürgemeyster van den stad nam dårup syne "dankbåre veruntsküldiging".

Racistiske behandeling

"Lüde van verskeydene etniske achtergründen kümmet når myn too en segget ‘Myn kind wül ow weasen up nen dag’ en ik kan owlüde verseakeren dat doo ik starteden met racen, der gin lüde van disse etniske achtergründen waren. Ik bün dår arg trots up" (Uut ne toospråke van Hamilton in 2017 oaver syne rolle in de representaty van minderheyden in de Formule Eyn, wårin hy ouk et gebrek an diversiteyt in de Formule Eyn bekritisereden: ‘Der is niks verandered in de elf jåren dat ik der bün’.)

Ümdat hy den eyrsten en eynigen swarten koureur den in de Formule Eyn rydet is, is Hamilton racistisk behandeled tydens syne karriere. In 2008 wyr Hamilton verbål anevallen en up andere wysen misbrüked tydens de testraces vöär et seisoon up et Circuit de Catalunya in Katalonie döär verskillende spaanske tooskowers dy swarte gesichtsvarv en swarte prüüken hadden en ouk shirts med de wöärde "De family van Hamilton". De FIA wårsküweden spaanske autoriteyten vöär herhåling van sülk gedrag en lancereden ne "Race teagen racisme" kampagne. Kört vöar den brasiliaansken Grand Prix van 2008 wyr ne websteade van den spaansken tak van advertentsybedryv TBWA uut New York enåmed "pinchalaruedadeHamilton" ("steaket de banden van Hamilton lek") enömed in de britske media. De websteade bevatteden ne eanimerede avbeeldinge van Interlagos dat gebruukers de möägelikheyd gav üm spykers en stekkels up de båne too leggen wår de wågen van Hamilton oaverhen sül ryden. Under de düüsenden upmarkingen achterelåten sinds 2007 waren nen antal racistiske beledigingen.

De behandeling van Hamilton döär de media en kommentatoren is wal ens bekritisered as racistisk. In 2014 leggeden den journalist Joseph Harker van The Guardian de nådrük up dübbele standården in de behandeling van Hamilton döär britske kranten vergeleaken med andere britske koureurs en süggerereden dat synen hüüdskleur ne rolle spealeden in et wårenömmen gebrek an akseptaty by et britske püblik. In 2019 beskrev den vootballer Rio Ferdinand dat de analyse van Hamilton in de media "racistiske undertonen" hevt en kontrastereden de behandeling van Hamilton med dee van synen britsken kollegakoureur Jenson Button. An et begin van syne Formule Eynkarriere sei Hamilton dat hy "probereden et feit dat (hy) den eyrsten swarten kearel oit was den meddoot in den sport" mår sei låter dat hy sinds dan "de gevolgen was gån wårderen" en verandereden synen anpak döär syne posity too aksepteren en gelykheyd in den sport too promoten. Hamilton hevt sinds dan nen antal mål de holding teagenover rassen in de Fomule Eyn in twyfel etrökken. In 2011, nådat hy döär de jüry wyr eropen in vyv van de eyrste ses races van et seisoon, antwoordeden Hamilton evatted: "Misskyn is et ümdat ik swart bün, dat is wat Ali G segget". In 2018 bekritisereden Hamilton et gebrek an diversiteit in de Formule Eyn en beskrev hy dat niks verandered was in syne elv jåren in den sport vöärdat hy sei "Kinder, lüde, der bünt so völle bånen in dissen sport wår yderene, måket neet uut wat ow etniciteit ov avkumst is, et kan redden en de by kan hören". In 2019 beskrev Toto Wolff, den teambås van Hamilton by Mercedes, hoo Hamilton "elitteakened vöär et leaven" was döär ne racistiske behandeling in synen jöygd.

Woonplaatse en belastinguntwyking

Hamilton kondigeden synen plan üm in Switserland too gån wonen in 2007 an en hy stelleden dat dat was ümdat vort wül weasen van den mediaandacht den hy ervåreden in et VK. Hy sei in de televisyshow Parkinson dat belasting ouk nen readen was. Hy vestigeden sich in Luins in et kanton Vaud by et meer van Geneve. In 2010 verhüseden Hamilton net as völle Formule Eynkoureurs in verleaden en heden når Monako, wår hy nen huus dat £10 miljoon weerd skynt too weasen anskavveden, wår hy in 2018 noch altyd woneden. Hamilton besittet ouk nen flat in New York en nen landhuus in Colorado, wåroaver hy sei dat hy dår sül willen leaven nå et ende van syne karriere.

Hamilton was eynen van nen antal lüde van wie de belastingreagelingen kritisk apart wyren eanalysered in nen rapport van weldådigheydsorganisaty vöär sociale gerechtigheyd Christian Aid in 2008. Datsölvde jår untving Hamilton püblike krityk van leden van et parlement van et Vereyniged Köninkryk vöär et untwyken van belastingen in et VK. Nå et lekken van de vertrowlike Paradise Papers in november 2017 wyr emelded dat Hamilton et betålen van £3.3 miljoon an britske belasting tooevoogede weerde (VAT) up syn Challenger 605 privevleegtuug, dat  £16.5 miljoon weerd is, had untweken. Völgens BBC Panorama lek den hüüroavereynkumst den upestelled wyr döär syne adviseurs künstmåtig too weasen en neet oaveren too kommen med nen verbod van de EU en et VK up terüggåve van VAT vöär privåt gebruuk. De BBC sei ouk dat de socialemediaakkounts van Hamilton anwysingen geaven dat hy syn vleegtuug ebrüked hevt vöär vakantys en andere persöynlike reisen. Et vleegtuug wyr in september 2019 verkocht.

Andere interessen

Hamilton hevt ouk interesse in müsyk en sei  "müsyk is ne groute passie van my newest sinds ik seyr jüng was. Ik begön gitår too spelen doo ik 13 was. Dår kan ik mynsölv weasen, kan ik kwetsbår weasen. Ik kan ne kante van myn tonen dee lüde neet too syn krygen ". Hy skynet  vöär too kommen in et leed  "Pipe" van Christina Aguilera under et pseudonym 'XNDA' skonwal Hamilton neet bevestiged hevt dat et wår is.

Hamilton is nen leevhebber van kunst en hy hev esegged dat eynen van syne favorite artisten Andy Warhol is. Vöärav an den Grouten Prys van de Vereynigede Ståten van 2014 droog Hamilton nen versy med nen golden rand van et skildery Cars, Mercedes-Benz 300 SL Coupe van Warhol as ne ketting üm syne nek.

Hamilton måkeden ouk nen gastuptreaden in den film Cars 2 wårin hy ne stemme geavet an ne menskachtige versy van sichsölv.

In 2018 lancereden Hamilton ne kledinglyn, TOMMYXLEWIS, tydens de New York Fashion Week med den amerikånsken modeuntwarper Tommy Hilfiger nevven modellen Winnie Harlow en Hailey Baldwin. Hamilton merkeden uo dat "as ik upgröieden, herinnere ik myn noch dat ik den ikoniske Tommy Hilfigervlagge sag" en Hilfiger reagereden up Hamilton döär too seggen "Lewis is edürved in alles wat hy döt... Hy is neet bange üm risikos too nemmen. En hy hevt nen koolen en versörgeden styl dat de nye generaty Tommyfans richtig ansprekket".

Persöynlik leaven en relatys

In 2017 sei Hamilton teagen de BBC dat hy veganistisk was ewörden ümdat "as menskheyd, wat wy de werld andoot... de vervüüling [in de sinne van uutstoten van bruuikasgassen] dee kümmet van et (höyge) antal köien dee produceret wördet is ungelöyvelik. Sy segget dat et meyr is as wat wy produceret med unse vlüchten en unse wågen, wat nen betken vremd is vind ik. De wreedheyd is verskrikkelik en ik wille et leever neet stönen en ik wille nen better leaven leaven." In 2012 kwam Hamilton vöär in den döär McLaren emåkeden kartoon Tooned nevven Jenson Button en den komyk Alexander Armstrong. In 2018 sei in nen vråggesprek dat hy "nen tyd eleaden" was estopped med drinken.

In november 2007 begön Hamilton med Nicole Scherzinger too daten, de höyvdsangeres van de amerikaanske meidenmüsykgroop Pussycat Dolls. Skonwal et in january 2010 wyr anekondiged dat sy uut mekare waren egån üm sich up öäre eigene karrieres too richten, wyren sy sammen esen by de Groute Prys van Türkeye en Kanada van dat jår. Et koppel ging meyrmåls uut mekare en kwammen weader sammen tüsken 2011 en 2015, vöärdat sy uutendelik uut mekare gingen in february 2015.

Persöynlik leaven

Hamilton med Pedro de la Rosa (links), Paul di Resta en Bruno Spengler by Stars and Cars in 2007

In 2017 sei Hamilton teagen de BBC dat hy veganistisk was ewörden ümdat "as menskheyd, wat wy de werld andoot... de vervüüling (in de sinne van uutstoten van bruuikasgassen) dee kümmet van et (höyge) antal köien dee produceret wördet is ungelöyvelik. Sy segget dat et meyr is as wat wy produceret med unse vlüchten en unse wågen, wat nen betken vremd is vind ik. De wreedheyd is verskrikkelik en ik wille et leever neet stönen en ik wille nen better leaven leaven." In 2012 kwam Hamilton vöär in den döär McLaren emåkeden kartoon Tooned nevven Jenson Button en den komyk Alexander Armstrong. In 2018 sei in nen vråggesprek dat hy "nen tyd eleaden" was estopped med drinken.

Ryincidenten

Up 18 desember 2007 wyr Hamilton vöär nen månd eschorsed van et ryden in Frankryk nådat hy was eflitsed up nen snelheydsoavertreding van 196 kilometer in et üre up nen fransken snelweg. Synen Mercedes-Benz CLK was ouk in beslag enömmen. Twey dagen vöär den australisken Grouten Prys van 2010 verklåreden de polity van Victoria dat Hamilton "ekspres grip verlöör" in synen silveren Mercedes-AMG C63 en sy namen de wågen vöär 48 üren in. Hamilton bracht direct nen veruntsküldiging når buuten vöär "et ryden up ne oaverenthousiaste wyse". Nådat hy ten laste wyr elegged med et upsettelik kontrole verleesen oaver ne voortuug, wyr Hamilton uutendelik bebuted med 500 australiske dollars (£288) en wyr hy döär den magistråt beskreaven as nen "hoon" (australisk engelsk vöär nen rukelosen ryder).

Rykdom

Et privevleegtuug Bombardier Challenger 605 van Hamilton

In 2015 wyr Hamilton erangschikked as den ryksten britsken sportmens med nen eskatted persöynlik vermoagen van £88 miljoon. In 2013 untving hy nen roud-swart Bombardier Challenger 605 privevleegtuug. Hamilton is nen leefhebber van künst; eynen van syne favorite artysten is Andy Warhol. Vöär den Grouten Prys van de Vereynigede Ståten van 2014 droog Hamilton ne goldrandige versy van et skildery Cars, Mercedes-Benz 300 SL Coupe van Warhol dee as ne ketting üm syne nekke. Eynen van de favorite wågen van Hamilton is den AC Cobra. Hamilton besittet twey unerestorerede AC Cobras uut 1967, eyn swarten en eyn rouden en in february 2015 wyr emelded dat Hamilton nen Ferrari LaFerrari had aneschaffed by "syne rivålen in Maranello."

Helm

Untwarpveranderingen

Et helmuntwarp van Hamilton van 2007, dat hy gebrukeden töt 2010.

Vanav nen jungen leavtyd wyr den helm van Hamilton geal emåked sodat synen våder kön seggen in welken kart synen söyn rydet. Hamilton koos de kleuren blauw, gruun en roud en sy waren öyrsprunkelik in nen strikuntwarp; skonwal vuuleden Hamilton vöär et tootreaden töt de Formule Eyn dat synen untwarp "nen betken olderwets" was, düs wyr et ewysiged. In låtere jåren wyr nen witten ring tooevoged en de strikken når vöären hålen üm ruumte too måken vöär advertentys en logos.

Vanav 2011 wyr den helm van Hamilton ewysiged sodat et neet meer so völle up den helm van Senna leek. De gruune en blauwe strikken wyren ewysiged döär de diagonåle styl van den rouden sticker med eynen rouden streep achterup den helm med de letters "Hamilton" derup eprinted. In 2014 verandereden Hamilton vöär et eyrsten sinds synen karttyd synen höyvdhelmkleur, wårby hy den witten helm med roude strepen in de vörm van synen untwarp uut 2011.

In 2017 kondigeden Hamilton an dat hy nen wedstryd vöär syne fans ging holden üm synen helm vöär 2017 too untwarpen. De winnår döärvan was den brasiliaansken untwarper Rai Caldato en den helm had witte en gele basiskleuren med roude en oranje details. Up beide kanten van et untwarp stunden dree sterren dee stunden vöär de döär Hamilton ewönnene Formule Eynkampioonskappen. Tydens et seisoon van 2017 sül et untwarp våk wysigen tüsken nen gealen ov witten basiskleur med desölvde roude en oranje aksenten. De dree sterren wyren ouk anepassed sodat der underliggend gruune, geale en blauwe aksentkleuren waren. Nådat hy syne veerde werldkampioonskapstitel wön in 2017 wysigeden Hamilton et untwarp sodat der twey sterren up beide kanten van den helm stunden dee stunden vöär syne veer titels.

Et untwarp van den helm van Hamilton verandereden in 2017 når nen vöärnåmelik witten en gealen kleur med roude en oranje details.

Speciåle helmen

Tydens den Grouten Prys van Monako van 2010 had Hamilton nen anepassed helmuntwarp med de toovooging van nen avbeelding van nen roulettewyl boavenup. Hamilton had esegged, "Ik sal ouk nen speciålen evarveden helm vöär de geleagenheyd. As y et syt, sal y weaten wårüm ik sal hopen dat de kansen in myn vöärdeyl uutvallet."

Vöär den Grouten Prys van Brasilie van 2011 droog Hamilton nen speciålen helm den nen samenvooging was van synen helm van nå 2011 en den van Ayrton Senna. Den helm wyr nå de race eveiled ten günste van de Ayrton Senna Foundation.

Hamilton gebrukeden nen goldekleureden helm by den Grouten Prys van Abu Dhabi van 2017 nådat hy in Meksiko syne veered werldkampioonskap had ewönnen, dee prestaty wyr uutedrükked med veer sterren boaven up den helm med de wöärde "World Champion" (werldkampioon).

Raceoverzicht

Carriere-samenvatting

Seisoon	Raceserie	Team	Races	Oaverwinningen	Eyrste startpositys	Snelste ründen	Podiums	Pünten	Posity
2001	Formule Renault UK Winter Series	Manor Motorsport	4	0	0	0	0	48	7des
2002	Formule Renault UK	Manor Motorsport	13	3	3	5	7	274	3des
	Formule Renault 2000 Eurocup		4	1	1	2	3	92	5des
2003	Formule Renault UK	Manor Motorsport	15	10	11	9	13	419	1stes
	Britsk Formule 3-kampioonskap		2	0	0	0	0	0	neet eklassificered
	Formule Renault 2000 Masters		2	0	0	0	1	24	12des
	Formule Renault 2000 Düütskland		2	0	0	0	0	25	27stes
	Korea Super Prix		1	0	1	0	0	Neet beskikbår	Neet eklassificered
	Grand Prix van Makau		1	0	0	0	0	Neet beskikbår	Neet eklassificered
2004	Formule 3 Euro Series	Manor Motorsport	20	1	1	2	5	69	5des
	Superprix van Bahrein		1	1	0	0	1	Neet beskikbår	1stes
	Grand Prix van Makau		1	0	1	0	0	Neet beskikbår	14des
	Masters van de Formule 3		1	0	0	0	0	Neet beskikbår	7des
2005	Formule 3 Euro Series	ASM Formule 3	20	15	13	10	17	172	1stes
	Masters van de Formule 3		1	1	1	1	1	Neet beskikbår	1stes
2006	GP2 Series	ART Grand Prix	21	5	1	7	14	114	1stes
2007	Formule Eyn	Vodafone McLaren Mercedes	17	4	6	2	12	109	2des
2008	Formule Eyn		18	5	7	1	10	98	1stes
2009	Formule Eyn		17	2	4	0	5	49	5des
2010	Formule Eyn		19	3	1	5	9	240	4des
2011	Formule Eyn		19	3	1	3	6	227	5des
2012	Formule Eyn		20	4	7	1	7	190	4des
2013	Formule Eyn	Mercedes AMG Petronas F1 Team	19	1	5	1	5	189	4des
2014	Formule Eyn		19	11	7	7	16	384	1stes
2015	Formule Eyn		19	10	11	8	17	381	1stes
2016	Formule Eyn		21	10	12	3	17	380	2des
2017	Formule Eyn	Mercedes AMG Petronas Motorsport	20	9	11	7	13	363	1stes
2018	Formule Eyn		21	11	11	3	17	408	1stes
2019	Formule Eyn		21	11	5	6	17	413	1stes
2020	Formule Eyn	Mercedes-AMG Petronas F1 Team	16	11	10	6	14	347	1stes
2021	Formule Eyn	Mercedes-AMG Petronas F1 Team	22	8	5	6	17	387.5	2des
2024	Formule Eyn	Mercedes-AMG Petronas F1 Team	1	0	0	0	0	6*	7des*

* Seisoon nog beasig

Komplete resultåten van de Formule 3 Euro Series

(Races in vet wyset up behålen van eyrste startposity; races in schuun wyset up behålen van snelste runde)

Jår	Team	Chassis	Motor	1	2	3	4	5	6	7	8	9	10	11	12	13	14	15	16	17	18	19	20	Endposity	Pünten
2004	Manor Motorsport	Dallara F302/049	HWA-Mercedes	HOC 1 11	HOC 2 6	EST 1 terügetrökken	EST 2 9	ADR 1 terügetrökken	ADR 2 5	PAU 1 4	PAU 2 7	NOR 1 1	NOR 2 3	MAG 1 terügetrökken	MAG 2 21	NÜR 1 3	NÜR 2 4	ZAN 1 3	ZAN 2 6	BRN 1 7	BRN 2 4	HOC 1 2	HOC 2 6	5des	68
2005	ASM Formule 3	Dallara F305/021	Mercedes	HOC 1 1	HOC 2 3	PAU 1 1	PAU 2 1	SPA 1 ediskwalificered	SPA 2 1	MON 1 1	MON 2 1	OSC 1 3	OSC 2 1	NOR 1 1	NOR 2 1	NÜR 1 12	NÜR 2 1	ZAN 1 terügetrökken	ZAN 2 1	LAU 1 1	LAU 2 1	HOC 1 1	HOC 2 1	1stes	172

Komplete resultåten van de GP2 Series

(Races in vet wyset up behålen van eyste startposity; races in schuun wyset up behålen van snelste runde)

Jår	Team	1	2	3	4	5	6	7	8	9	10	11	12	13	14	15	16	17	18	19	20	21	Endposity	Pünten
2006	ART Grand Prix	VAL FEA 2	VAL SPR 6	IMO FEA Ediskwalificered	IMO SPR 10	NÜR FEA 1	NÜR SPR 1	CAT FEA 2	CAT SPR 4	MON FEA 1	SIL FEA 1	SIL SPR 1	MAG FEA 19	MAG SPR 5	HOC FEA 2	HOC SPR 3	HUN FEA 10	HUN SPR 2	IST FEA 2	IST SPR 2	MNZ FEA 3	MNZ SPR 2	1stes	114

Komplete resultåten van de Formule Eyn

(Races in vet wyset up behålen van eyrste posity; races in schuun wyset up snelste runde)

Jår	Team	Chassis	Motor	1	2	3	4	5	6	7	8	9	10	11	12	13	14	15	16	17	18	19	20	21	Endposity in et werldkampioonskap	Pünten
2007	Vodafone McLaren Mercedes	McLaren MP4-22	Mercedes FO 108T 2.4 V8	AUS 3	MAL 2	BHR 2	ESP 2	MON 2	CAN 1	USA 1	FRA 3	GBR 3	EUR 9	HUN 1	TUR 5	ITA 2	BEL 4	JPN 1	CHN Terügetrökken	BRA 7					2des	109
2008	Vodafone McLaren Mercedes	McLaren MP4-23	Mercedes FO 108V 2.4 V8	AUS 1	MAL 5	BHR 13	ESP 3	TUR 2	MON 1	CAN terügetrökken	FRA 10	GBR 1	GER 1	HUN 5	EUR 2	BEL 3	ITA 7	SIN 3	JPN 12	CHN 1	BRA 5				1stes	98
2009	Vodafone McLaren Mercedes	McLaren MP4-24	Mercedes FO 108W 2.4 V8	AUS Ediskwalificered	MAL 7‡	CHN 6	BHR 4	ESP 9	MON 12	TUR 13	GBR 16	GER 18	HUN 1	EUR 2	BEL terügetrökken	ITA 12†	SIN 1	JPN 3	BRA 3	ABU terügetrökken					5des	49
2010	Vodafone McLaren Mercedes	McLaren MP4-25	Mercedes FO 108X 2.4 V8	BHR 3	AUS 6	MAL 6	CHN 2	ESP 14†	MON 5	TUR 1	CAN 1	EUR 2	GBR 2	GER 4	HUN terügetrökken	BEL 1	ITA terügetrökken	SIN terügetrökken	JPN 5	KOR 2	BRA 4	ABU 2			4des	240
2011	Vodafone McLaren Mercedes	McLaren MP4-26	Mercedes FO 108Y 2.4 V8	AUS 2	MAL 8	CHN 1	TUR 4	ESP 2	MON 6	CAN terügetrökken	EUR 4	GBR 4	GER 1	HUN 4	BEL terügetrökken	ITA 4	SIN 5	JPN 5	KOR 2	IND 7	ABU 1	BRA terügetrökken			5des	227
2012	Vodafone McLaren Mercedes	McLaren MP4-27	Mercedes FO 108Z 2.4 V8	AUS 3	MAL 3	CHN 3	BHR 8	ESP 8	MON 5	CAN 1	EUR 19†	GBR 8	GER terügetrökken	HUN 1	BEL terügetrökken	ITA 1	SIN terügetrökken	JPN 5	KOR 10	IND 4	ABU terügetrökken	USA 1	BRA terügetrökken		4des	190
2013	Mercedes AMG Petronas F1 Team	Mercedes F1 W04	Mercedes FO 108F 2.4 V8	AUS 5	MAL 3	CHN 3	BHR 5	ESP 12	MON 4	CAN 3	GBR 4	GER 5	HUN 1	BEL 3	ITA 9	SIN 5	KOR 5	JPN terügetrökken	IND 6	ABU 7	USA 4	BRA 9			4des	189
2014	Mercedes AMG Petronas F1 Team	Mercedes F1 W05 Hybrid	Mercedes PU106A Hybrid 1.6 V6 t	AUS terügetrökken	MAL 1	BHR 1	CHN 1	ESP 1	MON 2	CAN terügetrökken	AUT 2	GBR 1	GER 3	HUN 3	BEL terügetrökken	ITA 1	SIN 1	JPN 1	RUS 1	USA 1	BRA 2	ABU 1			1stes	384
2015	Mercedes AMG Petronas F1 Team	Mercedes F1 W06 Hybrid	Mercedes PU106B Hybrid 1.6 V6 t	AUS 1	MAL 2	CHN 1	BHR 1	ESP 2	MON 3	CAN 1	AUT 2	GBR 1	HUN 6	BEL 1	ITA 1	SIN terügetrökken	JPN 1	RUS 1	USA 1	MEX 2	BRA 2	ABU 2			1stes	381
2016	Mercedes AMG Petronas F1 Team	Mercedes F1 W07 Hybrid	Mercedes PU106C Hybrid 1.6 V6 t	AUS 2	BHR 3	CHN 7	RUS 2	ESP terügetrökken	MON 1	CAN 1	EUR 5	AUT 1	GBR 1	HUN 1	GER 1	BEL 3	ITA 2	SIN 3	MAL terügetrökken	JPN 3	USA 1	MEX 1	BRA 1	ABU 1	2des	380
2017	Mercedes AMG Petronas Motorsport	Mercedes AMG F1 W08 EQ Power+	Mercedes M08 EQ Power+ 1.6 V6 t	AUS 2	CHN 1	BHR 2	RUS 4	ESP 1	MON 7	CAN 1	AZE 5	AUT 4	GBR 1	HUN 4	BEL 1	ITA 1	SIN 1	MAL 2	JPN 1	USA 1	MEX 9	BRA 4	ABU 2		1stes	363
2018	Mercedes AMG Petronas Motorsport	Mercedes AMG F1 W09 EQ Power+	Mercedes M09 EQ Power+ 1.6 V6 t	AUS 2	BHR 3	CHN 4	AZE 1	ESP 1	MON 3	CAN 5	FRA 1	AUT terügetrökken	GBR 2	GER 1	HUN 1	BEL 2	ITA 1	SIN 1	RUS 1	JPN 1	USA 3	MEX 4	BRA 1	ABU 1	1stes	408
2019	Mercedes AMG Petronas Motorsport	Mercedes AMG F1 W10 EQ Power+	Mercedes M10 EQ Power+ 1.6 V6 t	AUS 2	BHR 1	CHN 1	AZE 2	ESP 1	MON 1	CAN 1	FRA 1	AUT 5	GBR 1	GER 9	HUN 1	BEL 2	ITA 3	SIN 4	RUS 1	JPN 3	MEX 1	USA 2	BRA 7	ABU 1	1stes	413
2020	Mercedes-AMG Petronas F1 Team	Mercedes AMG F1 W11 EQ Performance	Mercedes M11 EQ Performance 1.6 V6 t	AUT 4	STY 1	HUN 1	GBR 1	70A 2	ESP 1	BEL 1	ITA 7	TUS 1	RUS 3	EIF 1	POR 1	EMI 1	TUR 1	BHR 1	SKH	ABU 3					1stes	347
2021	Mercedes-AMG Petronas F1 Team	Mercedes AMG F1 W12 EQ Performance	Mercedes M12 EQ Performance 1.6 V6 t	BHR 1	EMI 2	POR 1	ESP	MON	AZE	TUR	FRA	AUT	GBR	HUN	BEL	NED	ITA	RUS	SIN	JPN	USA	MXC	SAP	AUS	SAU	ABU	1stes*	69*

* Seisoon nog beasig.
† Finishede neet, mår wyr eklassificered ümdat hy meyr as 90% van de raceavstand vulbracht.
‡ Halve pünten tooekenned ümdat minder as 75% van de raceavstand was vulbrachted.

Eyrbetönen en prestatys

Team

Mercedes

• Formule Eyn Konstrukteurswerldkampioonskap: 2014, 2015, 2016, 2017, 2018, 2019

Individüel

• Formule Eyn Werldkampioonskap: 2008, 2014, 2015, 2017, 2018, 2019
• DHL Fastest Lap Award: 2014, 2015, 2017
• FIA Pole Trophy/Pirelli Pole Position Award: 2015, 2016, 2017, 2018
• Hawthorn Memorial Trophy: 2007, 2008, 2012, 2014, 2015, 2016, 2017, 2018
• GP2 Series Kampioonskap: 2006
• Formule 3 Euro Series Kampioonskap: 2005
• Formule Renault 2.0 UK Kampioonskap: 2003
• Autosport Britsken Klubkoureur van et Jår: 2003
• Autosport Nykommer van et Jår: 2006, 2007
• Autosport International Racing Driver Award: 2007, 2008, 2014, 2015, 2017, 2018
• Autosport Britsken Kompetitive Koureur van et Jår: 2007, 2013, 2014, 2015, 2016, 2017, 2018
• Bambi Award (Speciåle Jüryprys): 2008
• Laureus World Sports Award vöär Döyrbråk van et Jår: 2008
• Lorenzo Bandini Trophy: 2009
• BBC Sportpersöynlikheyd van et Jår: 2014
• PAP Europäsken Sporter van et Jår: 2014
• GQ Sportman van et Jår: 2014, 2015
• Best Driver ESPY Award: 2017
• Eyrelidmåtskap van de Royal Academy of Engineering: 2019

Ordes en uutrykingen

• Lid van de Orde van et Britsken Ryk

Rekords

Rekord	Datum van beryken	Hüüdig rekord
Meyste werldtitels	et seisoon van 2020	7, såmen med Michael Schumacher
Meyste oaverwinningen in ne karriere	Den portugeesken Grouten Prys van 2020	95
Jüngste leider van et Werldkampioonskap	Grouten Prys van Spanje van 2007	22 jår, 126 dagen
Meyste pünten in nen debutseisoon	2007	109
Meyste pünten in nen seisoon	2019	413
Meyste pünten in nen seisoon sünder et Werldkampioonskap too winnen	2016	380
Meyste karrierepünten	Grouten Prys van Oustenryk van 2016	Mal:F1stat
Meyste pole positions	Grouten Prys van Italie van 2017	Mal:F1stat
Meyste pole positions tydens desölvden Grand Prix	Australie 2008, 2012, 2014–2019 Rekord edeyled med Ayrton Senna en Michael Schumacher.	8
Meyste pole positions in nen debutseisoon	2007	6
Pole positions in et meyste antal verskillende Groute Prys	Grouten Prys van Azerbeidzjan van 2017	24
Pole positions up et meyste antal verskillende cirkuits	Grouten Prys van Frankryk van 2018	27
Oaverwinningen up et meyste antal verskillende Groute Prys	Grouten Prys van Frankryk van 2018	23
Meyste oaverwinningen in nen debutseisoon	2007 Rekord edeyled med Jacques Villeneuve.	4
Meyste oaverwinningen in eynen kalendermånd	Grouten Prys van Oustenryk van 2016 – Grouten Prys van Düütskland van 2016	4 (jüli 2016)
Oaverwinningen up de meyste verskillende cirkuits	Grouten Prys van Brasilie van 2016	26
Meyste oaverwinningen in nen seisoon sünder et Werldkampioonskap too winnen	2016	10
Meyste oaverwinningen vanav pole position	Grouten Prys van de Vereynigede Ståten van 2017	50
Meyste podiumfinishes up ne ry vanav nen debut	Grouten Prys van Australie van 2007 – Grouten Prys van Groutbrittanie van 2007	9
Meyste seisonen med ne oaverwinning vanav et debutseisoon up ne ry	2007–2019	13
Meyste seisonen med ne pole position vanav et debutseisoon up ne ry	2007–2019	13
Meyste races an de leiding	Grouten Prys van Rüskland van 2019	146
Meyste races med minstens eyne runde an de leiding up ne ry	Grouten Prys van Hungarye van 2014 – Grouten Prys van Groutbrittanie van 2015	18
Meyste racestarts up ne ry	2017 Brazilian Grand Prix	Mal:F1stat
Meyste racefinishes up ne ry	Grouten Prys van Japan van 2016 – Grouten Prys van Frankryk van 2018 Rekord edeyled med Nick Heidfeld.	33
Meyste püntenfinishes up ne ry	Grouten Prys van Japan van 2016 – Grouten Prys van Frankryk van 2018	33
Meyste podiumfinishes in nen seisoon	2015, 2016, 2018, 2019 Rekord edeyled med Sebastian Vettel en Michael Schumacher skonwal Schumacher et deed minder races in et seisoon van 2002.	17
Meyste races med desölvden motorfabrikant	Grouten Prys van Monako van 2017	Mal:F1stat
Meyste grand slams in nen seisoon	Grouten Prys van Groutbrittanie van 2017 Rekord edeyled med Alberto Ascari in 1952, Jim Clark in 1963 en 1965, Nigel Mansell in 1992.	3
Meyste starts vanav den eyrsten ry	Grouten Prys van de Vereynigede Ståten van 2017	144

Bibliografy

Eskreaven döär Hamilton

• Lewis Hamilton: My Story

Eskreaven döär anderen

• Lewis Hamilton: The Full Story
• Lewis Hamilton: The Biography
• Lewis Hamilton: New Kid on the Grid
• Lewis Hamilton: A Dream Comes True
• Lewis Hamilton: The Story So Far
• Lewis Hamilton: A portrait of Britain's new F1 hero
• Lewis Hamilton: The People's Champion (ITV SPORT)
• Lewis Hamilton (Dream to Win)
• Lewis Hamilton
• Lewis Hamilton: The Rise of F1's New Superstar
• Lewis Hamilton: Triple World Champion: The Biography

Uutgånde verwysings

• Officiële websteade: https://web.archive.org/web/20060411190633/http://www.lewishamilton.com/
• Lewis Hamilton biography – McLaren.com

Dit artikel is eskreaven in et achterhookske dialekt van Nysassiske Skryvwyse.