Lohues & the Louisiana Blues Club

Lohues & the Louisiana Blues Club was een Nederlaands-Amerikaanse bluesband, actief van 2003 töt en mit 2005, mit Daniël Lohues as muzikaal brein. De liedteksten bint in 't Drèents.

Daniël Lohues, veurman van Lohues & the Louisiana Blues Club

De band wördden veurjaor 2003 deur Lohues opericht. In Baton Rouge, Louisiana naamp hij mit plaatselijke blues-artiesten Keith Keyes en Gralin Neal een album op, Ja Boeh. Hierop speult ok Lohues zien neve, Marco Geerdink. Singles van dit album bint 'Doar knap ie nie van op', 'Janine' en 'Prachtig mooi (mar wat he'j der an)'.

Van dizze zuuktocht in de VS naor de blues maakte Paul Ruven een documentaire, Hoogste tied veur de blues. Dizzend gunk in première op 't Nederlaands Film Festival in Utrecht in 2003 en wördden later uutezunden in tillevisieprogramma Het uur van de wolf.

Toen de band vervolgens gunk toeren, vunden der wat wiezigingen in de bezetting plaatse. Veurjaor 2005 wördden der een tweede album openeumen, Grip. Hierop speult Candy Dulfer mit op saxofoon. De titel van dit album kump van 't gelieknamige nummer, aover de duvel die grip kreg op de ik-persoon. Van dit album kwamen as singles de nummers 'Waailappe Blues' en 'Zydeco' uut.

Dit stok is eschreven in 't Zuudwest-Drèents.