Marc Chagall

Marc Chagall (Jiddisch : מאַרק שאַגאַל ; Russisch: Марк Захарович Шагал; Wit-Russisch: Марк Захаравіч Шаґал), geboren as Moïshe Zakharovich Shagalov (bel. Мойша Захаравіч Шагалаў) was een Jeudse skilder, geboren in Vitebsk (Wit-Ruslaand, doedertied Keizerriek Ruslaand) op 7 juli 1887. Hi'j sturf op 28 meert 1985 in Saint-Paul de Vence (Fraankriek).

Marc Chagall in een foto uut 1941 deur Carl Van Vechten

Mit Picasso is Chagall ien van de veurnaemste keunstenaors die in de 20e ieuw in Fraankriek daelestreken. Et is nog slim lastig om Chagall zien wark te kenmarken. In et Paries van veur de Eerste Wereldoorlog was hi'j doende in avant-gardistische stromings. Hi'j had een nauwe baand mit de Skoele van Paries en de uutdraegers daorvan, waoronder Amadeo Modigliani.

Chagall leut hom inspireren deur et leven in de shtetl (et Jeudse dörp in Oost-Europa), zoas e dat uut zien jeugd kenden. Hi'j bieldden een bulte biebelse onderwarpen uut daoras zien Jeudse ofkomst uut sprak. In de jaoren zestig en zeuventig deu hi'j een riege grootskaolige projecten in peblieke ruumten en gebouwen.

Naost skilderwark op doek hef Chagall nog keunst emeuken in braandskilderd glas, etswark edaon, gedichten eskreven en zien keunst in nog aandere vörmen egeuten.

In Nice is een museum an hom ewi'jd.

Dit stok is eskreven in et Stellingwarfs van Stienwiekerlaand.