Oost-Europa

Oost-Europa is een omvangriek diel van et Europese kontinent. In engste zin wodden de volgende lanen, van noord naor zuud, tot Oost-Europa rekend:

• Ruslaand in et westen van de Oeral (Europees Ruslaand)
• Kazachstan (Europees gedielte, Europees Kazachstan)
• Wit-Ruslaand
• Oekraïne
• Moldavië

Oost-Europa in et blauw

De definisie is in de geschiedenis ok hiel wat veraanderd, vrogger (tiedens de Koolde Oorlog) omvatte Oost-Europa, et gedielte aachter et iezeren gedien. Hieronder een overzicht van lanen die hiertoe reken wodde:

• De Sovjet-Unie in et westen van de Oeral en in et noorden van de Kaukasus:
  • Europees Ruslaand
  • Estlaand
  • Letlaand
  • Litouwen
  • Wit-Ruslaand
  • Oekraïne
  • Moldavië
• Polen
• de Deutsche Demokratische Republik
• Tsjechoslowakije
• Hongarije
• Roemenië
• Joegoslavië
• Bulgarije
• Albanië

Mit de rume definisie rekenen wi'j alle Europese lanen die diel uumaekt hebben van et Oostblok tot Oost-Europa. Van disse lanen rekenen wi'j Estlaand, Letlaand en Litouwen ok wel tot Noord-Europa. Polen, Duutslaand, Tsjechoslowakije en Hongarije rekenen wi'j ok wel tot Centraol-Europa en Krowatië, Bosnië-Herzegovina, Servië, Montenegro, Macedonië, Bulgarije en Albanië rekenen wi'j meestal tot Zuud-Europa. Roemenië en Slovenië wodden ofwisselend tot Centraol-Europa en Zuud-Europa rekend.