Marokko

land in de Magrebstrek in Noordafrika

Marokko, officieel et Könninkriek Marokko, is een land in de Magrebstrek in Noordafrika. Et kik oet oaver de Middellandse Zee in et noorden en 'n Atlantischen Oceaan in et westen. Op et oosten grenst et an Algerieje en op et zuden an et betwiste Westelik Sahara. Met dat leste der biej an grenst et an Mauritanië op et zuden. Marokko zeg ok at ear de Spaanse exclaves Ceuta, Melilla en Peñón de Vélez de la Gomera en verskeidene Spaanse eiländkes heurt. De heufdstad is Rabat, de grötste stad is Kasablanka.

المملكة المغربية (arabisk)
ⵜⴰⴳⵍⴷⵉⵜ ⵏ ⵍⵎⵖⵔⵉⴱ (tamazight)
Vlagge van Marokko
Vlagge van Marokko
Woapn van Marokko
Woapn van Marokko
Kaarte van Marokko
Kaarte van Marokko
Informasie
Sproaken Marokkaansk arabisk, Hassaniya arabisk, Berber, Fransk
Heufdstad Rabat
Regeringsvörm Uniteare parlementeare halfgrondwettelike monarchie
Geleuf Islam (99,6%)
anders (0,3%)

- 0,13% agnostisisme
- 0,10% baha'i
- 0,09% kristendom
- 0,01% jöddendom

Laand en inwonners
Oppervlakte
- Water
446.300 km² (of 710.850) km²
0,056%
Inwonners
- Dichtheid
37.984.655
50 inw./km²
Koordinaten Koordinaten untbrekket! Help mid.
Oaverig
Munteenheid Marokkaanse dirham (MAD)
Tiedzone UTC+1
UTC+0 (tiedens de Ramadan)
Web | Kode | Tel. .ma
المغرب. | MA | +212

Et land beslöt 446.300 kilometer in et veerkant (of 710.850 kilometer a'j Westelike Sahara metrekkent). Der wont ongeveer 37 miljoon leu. et veurnaamste geleuf is de islam en de officiële sproaken bint Arabisch en Berber. Ok Frans en Marokkaans Arabisch wordt der völ kuierd. Et marokkaanse zelfbeeld en de kultuur bint ne mengeling van Arabische, Berber en Europese kulturen.

Geskiedenis bewark

De eerste leu vestigen zik hier 300.000 joar weerum. De eerste Marokkaanse stoat wör sticht deur Idris I in 788. Doarnoa gung et van vader op zön in verskillende geslachtslienen. In de 11e en 12e eeuw was Marokko op zien stearkst. Too hadden et de Almoraviden en Almohaden veur et zeggen. Ok een groot deel van et noedaagse Portugal en Spanje heuren der in den tied biej an. In de 15e en 16e eeuwen had et Marokko wat zoerder, too as Portugal een stuk land innöm en ok de Ottomanen vanoet et oosten alverdan körterbiej kömmen. Toch wussen de Mariniden en Saadi boetenmaarkse heersers boeten de deur te holden. Ok de Ottomanen kreggen eer der nich onner.

Et 'Alawi-geslacht, dee töt vandaag 'n dag Marokko regeert, kömmen an de macht in 1631. De volgende tweehonnerd joar halen de bände an met et westen. Marokko lig handig bie 'n togang töt de Middellandse Zee, woardeur de Europeanen wa gearn met de Marokkanen um toafel wollen. In 1912 delen Frankriek en Spanje et land in beskearmstoaten. Ze maken ok ne internationale strek in Tangier. Noa opstanden en onlusten teggen de kolonisten kreg Marokko in 1956 zelf weer zeggenskop oaver et land. De beide delen wörren weer tehoop doan.

Sinds de onofhankelikheid löp et in Marokko mooi verdan. Et hef de viefdegrötste ekonomie van Afrika en kuiert oardig met in Afrika en de Arabische wearld. Op wearldskoal hef et deursnee invlood en is lid van de Arabishe Liga, de Middellandse Zee-unie en de Afrikaanse Unie.

Et is een half-konstitutioneel könninkriek met verközzen parlement. De oetvoerende macht lig bie 'n könnink en 'n eersten minister. De wetten wordt bepoald duur de twee parlementskamers: de ofveardigden en roadgevvers. Rechtsproak ligt bie et konstitutionele hof, wat geet oaver de wetmoatigheid van wetten, verkiezingen en volksstemmingen. 'n Könnink hef oardig wat te zeggen, veural oaver et leager, boetenlandse zaken en geleufszaken. Hee kan zoneumde dahirs oetgevven, bevelen dee et land mut volgen.